.بنات الازم البنت تخلي زوجة يودية وين ماتروح .

..السلام عليكم …

….اخليكم مع القصة الصغيرة الي صارلت امس معاي انا وزوجي.
طبعاا انتي لمة تكوني مريضة بعيد الشر عنكم…قبل لمة كنتي بيتكم.
.تروحين يا مع ابوج او امج او اخوج….
فا انا امس ماادري يمكن من تغير الجو حسيت بصخونة..
فا قلت حق زوجي ابيك توديني المستوصف …وتروح معاي وتدخل معاي عند الطبيب.
الان احنا عندنا بمستوصف العارضية.عندنا قليل جدا تخصصات فية الدكاترة رجاجيل.
مثل الانف والحنجرة.المهم مال البلاعيم واللوز .واحد دكتور سوري….
وانا طبعاا اخاف اني ادخل بروحي ودكتور رجال ومو معاي احد.فا مسكت زوجي عند الاستراحة.
الان الاسراحة قسم الحريم بروح وقسم الرجاجيل بروح.فا ظليت ماسكتة حد مادخلنة عند الدكتور.
…وهني شوفوا الفشلة الدكتور عادي يسالني شنو المرض او شنو الي متعبج يعني بلاعيم نشله
تكرمون ترجعين…الدكتور يسالني وزوجي يجاوب انا اطلع لزوجي وهو يجاوب…
لدرجة اني نسيت شغلة .رحت قمت شاورت زوجي قلتلة اني احس بحرارة برجلي .وهو قال حق الدكتور وتكتور يطالع متفاجة…كانة يقول بقلبة اهي المريضة وهو الي يجاوب..ههههههه واللة زوجي وجة صار احمر من الاحراج…
ولمة رجعنة البيت قال احرجتيني احراج..قلتلة ماعلي دام في بعضهم رجاجيل لازم توديني او حتة لو حرمة ماتدخل المهم انك توديني…..ورجعنة نصحك طول الطريق علي سالف الطبيب…وخلصت القصة…….

..المهم ابي منكم بنات صح لازم البنت تخلي زوجة يودية كل مكان تروح فية حتي لو تسوق .لازم يودية ويكون معاهة حتي لو الجمعية .او سوق او طبيب.او حتة بيت اهلة …علشان يتعودون كل شي يسونة بحياتهم يكونون مع بعض…
لان فية بنات واجد زوجة يقولة انة روحي الجمعية انيتي روحي السوق مع اهلج اني روحي لاهلج بروحج…

رياجيلنا هالحين مالهم خلق يوصلونج المستشفى
الله يخليلج رجلج ولا يحرمج منه

صراحه الطلعه مع الزوج حلوه بس مو كل مكان..
انا عودت زوجي إنه يروح الجمعيه ويشتري الأغراض, انا مالي شغل بالجمعيه..
وساعات إذا كنت تعبانه يوديني الطبيب بس إذا بروح طبيب الأسنان مثلا ما أحب زوجي يروح معاي.. صراحه ما أحب يشوفني وأنا حلجي امبنج ومتفوخ!! احس شكلي غلط.. وما أبيه ينطرني لأن طبيب الأسنان يطول وانا أتأخر داخل وأنا أدري ان الإنتظار ممل فماله داعي يوديني طبيب الأسنان وينطرني وأخليه يمل..
حتى إذا وداني المستوصف حق فلونزا مثلا ما أخليه يدخل معاي ينطرني بره.. وحتى لو دخل معاي أنا أتكلم ليش أمحي شخصيتي مره وحده.. انا المريضه.. مو أهوا..
والسوق صراحه الريال بالسوق ماينفع.. يملل..
ماتقدرين تتسوقين على راحتج..
انا لما يكون زوجي معاي ما أعرف أشتري… اول شي ما يخليني على راحتي.. كله يله يله يله..
وثانيا إذا دخلت محل اللي يبوعون فيه لبنانيين مثل زارا كل واحد أحلى من الثاني.. يستخف وما يبيني أكلم اللي يبيع وأسأله عن ولا شي!!
وبعدين في أشياء تبين تشترينها بدون لا يشوفها الريال..
وبعدين السوق والمحلات كلها حريم بيقعد يفتر وراي وبيحرج نفسه وبيحرج الحريم اللي داخل المحل.. إي ليش عاد!!! أحس ماله داعي..
أطلع مع زوجي نروح سينما.. مركز سلطان.. نروح السوق بس نتمشى (ما أتسوق).. نروح مطعم..
نتمشى على البحر.. إي بس أماكن ثانيه صراحه أحس ماله داعي,,
وبعدين مع الوقت ودج تطلعين بروحج أو مع خواتج ورفيجاتج..
وبعدين ترى مو حلو الريال يعرف كل صغيره وكبيره ويشوف كل صغيره وكبيره.. لازم الوحده يكون عندها شويه خصوصيه..
وآسفه طولت عليكم.. والله يخليلكم أزواجكم يارب

لا حبوبه فيه رياييل واااايد يروحون مع حريمهم .. وتكون تسوق وعندها سياره..

عادي زوجته اولى مرات انا اسوق ومايرضى اني اروح ابروحي لازم مع امي وامي موفاضيتلي فمجبور ان يوديني وعلى المستوصف لازم يدخل معاي بدون لقوله

الحمدالله كله مع بعض عسى الله لا يفرقنا اميييييييين

كلامج صحيح اميه بالاميه وانا معاج بكل كلمة كتبتيها حبوبه

الاخت صاحبة الموضووع
الدكتوور بياكلك
قلنا خايفة من الدكتووور بروحك ماشى تدخلين مع ريلك
بس اهو يجاوب عنك يعنى غريبة شوى
ليش الدكتوور ما حط السماعة على زوجك واجد احسن
تصدقييين
البنات الى يدعوون انهم يخافون من كل شى
اهما ورب الكعبة الى يعرفون كل شى

انا معاج طريقتي نفس طريقتج الصراحة ليش يتكلم عني شدعوه ماكو شخصية ؟؟؟

حلو الزوج يتحمل المسؤولية يعني يروح الجمعيه يشتري ماجلة البيت اويوصلني مكان بعيد
بر او منطقة بعيده او ياخذني من بيت اهلي خصوصا اذا كنت برجع متأخره وانا حامل
ومرات اخليه يوديني السوق خصوصا اذا بشتري شغلات خفيفه بس مااحب يفتر معاي
اذا بشتري للعيد او حق مناسبة ولازم آخذ راحتي وابي راي بنت هو لما اسأله كله كيفج كيفج
بس انه يدش معاي على الدكتور ويتكلم عني لا يبه ماعندي شخصيه يعني !!
زوجي مايدخل على الدكتورة الا لما يكون عندي سونار ويبي يشوف البيبي غير جذي ماله داعي
يعني الطلعات باعتدال مو كلش مايدري عني ومطنشني ولا لازق فيني وين مااروح .. وهذا رايي

مشكورين حبايبي

ههههههههههههههههههههههههه هذا وين من اي كوكب جاي اللي يودي ويجيب

عندي سؤال بسيط .. اخت حلاتي بصلاتي .. انتي لي وين واصلة بالدراسة ؟ يعني شنو شهادتك ؟

اي و الله صادقه
بس شسوي ؟ كله مشغوووول مشغووول شغل ما يخلص والتزامات ما تخلص
المشكله اني اشوف بعيوني شغله .. اللي يجيبه معاه لغااايه البيت
كله يقول الاغراض هذه جمعية وغيره روحي انتي .. و خلينا حنا نسافر مع بعض من غير التزامات . او نطلع السينما او مطعم .. فهمتي ؟
ومشين الحال بعد شنو نسوي !!