|
|
اشلونكم حبيباتى ابى اتكلم عن موضوع مهم خاصة للمتزوجات حديثا واللى عندها عيال رضع الله يخليهم وايد اشوف فى المطاعم والاسواق وحده وزوجها ومعاهم الخادمه ماسكه الياهل او بدون ياهل حياتى هذى الخادمه تشوفج انت وزوجج شلون تتكلمون واشلون تاكلون شنو يحب ياكل زوجج وبعدين بالسوق تشوف شنو تشترون وشنو يحب يلبس هو تروح البيت تفكر اشلون توصل للريال اطبق اللى شافته بعينى شفت ريال وزجته بمحل ملابس داخليه المرة تقلب بالقمصان وماتدرى عن الخادمه والخادمه تمسك بالسراويل واتورى الريال هو اول شى ما عطاها ويه بعدين ورته سروال اقوى من الاول ضعف الريال وساح وابتسم لها راحت الكاشير ودفعت طبعا هو راح يعوضها على اللى دفعته فحبيباتى خلى طلعتج مع زوجج رومانسيه والياهل خليه عند امج او اختج او خالتج واذا ما عندج احد تحملى الياهل بس لاتخسرين الريال وصدقونى انا عندى مكتب خدم وشايفه بلاوى
وقصه ثانيه صارت حق قريبتى الاخت تدرس فى الغرفه ومخليه الريال يسهر فى الصاله والصبح تنام الخادمه فلبينيه دايما تقول للمعزبه انا بتزوج كويتى مثل رفيجتى المهم قريبتى واثقه بزوجها حيل مرت الايام الاخت طالعه من الغرفه الصبح بتشرب شاى وتشوف الريال منسدح على القنفه والخادمه تلعب بصدره طبعا اهمه ما توقعوا اصرخت شنو هذا شنو تتوقعون صار \\\\\\\\الخادمه ترد وتقول انا ما يقولج ابى زواج من كويتى زوج انت كويتى
الله يخليلكم ازواجكم ويبعدهم عن الحرام
بس استغرب من مرة تقدر خدامة تاخذ رجلها منهاااا
ومشكووووووورة على التحذير
بس مطعم والا سينما والا طلعه رومانسيه مع زوجها ماله داعي كلش
الخداما يصير تشوف المعزبه شنو تشتري حق زوجها وتلبسله
وتره هم غلط الزوجه تاخذ راحتها في البيت وايد وتنسى وجود الخدامه
صج ان الخدامه تقيد بس هم في شغلات ما يصير تطلعينها لغير زوجج
يعني في بنات الله يهداهم يلبسون شورتات وحفر وفتحة الصدر شكبها جدام الخدم
وهذا اكبر غلط
انا خدامتي معاي بالشقه ومتقيده بس شسوي عندي 3 عيال والخدامه وجودها ضروري
خاصه ان دوامي بالنفط لي الساعه 3 الظهر
يعني اذا كان بخاطري البس نفنوف قصير البس تحته ليقين وحتى الشورت البس تحته ليقن
وما البس حفر الا بغرفة النوم
وشاريه جم روب عشان البسهم اذا كنت بطلع مستعيله من غرفه النوم
اذا بطلعين مع ريلج ماله داعي لا الخدامه ولا اليهال
او كلش كلش طلعي بس مع الخدامه واليهال بدون ريلج
كانت رايحه السوق ويه اختها
جان تشوف وحده ويه ريلها قاعدين يتسوقون ووياهم الخدامه
الخدامه تاشر حق الريال على قمصان النوم تقوله هذا ولا هذا اشرلها براسه يعني اي الثاني
شافتهم البنت الي اعرفها
قالت الا اقول حق مرته واختها تقولها يمعوده لاتسويلنا سالفه
قالت لا الا اقولها راحت قالتلها اول شي ماصدقت وجذبتها
يوم قالتلها روحي تاكدي من مشتروات خدامتج اذا ماخذه الي قتلج عنه
راحت تاكدت وطلع كلامها صح قامت شالت الدنيا على زوجها
يعني عندج سالفه مع زوجج بغرفه مقفلة ما تقدر تسمعكم
عندج شغلج خبري خبرج لا تبين لهاا ولا تخلينهااا تحس فيج
بطلعين مكان ماتروح رازتهاا ورى قاعدة ليش اعيالج مكلفة فيهم انتي مو اهي
بتروحين سوق وبقالة ان شاء الله وين اتنثبر بالبيت ما تشاركج شي
لا تشوفيج تصرفين ولا حتى تسولفين وتاخذين معاهاا
يعني الرسمية معاهم وايد احسن
بس اذا كنتي رايحه الالعاب ويا عيالج
اما اخذها معاي بكل مكااااااان فذا مستحيل
وبعدين شكو زوجها داش معاها محل قمصان نوم
وشكو الخذامه بعد مدخلتها ؟؟؟
صج بعض الحريم ماعندهم عقل
|
المشاركة الأصلية كتبت بواسطة الكويت غالية
 الله يعين شنسوي مانقدر نقعد بدونهم
بس استغرب من مرة تقدر خدامة تاخذ رجلها منهاااا ومشكووووووورة على التحذير |
صارت حبيبتي وااااااييد وجدام عيني بعد:
اذا طلعنا انا اتكفل ببنتي ماله داعي خدامه
استغرب والله من الحريم الي خدمهم معاهم وين ما راحووو
الله يفكنا من شرهم
لا حول ولا قوة الا بالله
الله يفكنا من شرهم
وذا ابى اطلع بروحى بما انى ساكنه فى بيت ابوى اخليهم عند امى وخواتى واطلع وانا مرتاحه وما احاتى وساعات اطلعهم بدون خدامه
الله يعينا على بلاوى الخدم وتسلمين على الموضوع
اقول لزوجي
شلون هالمعزبة تسولف مع زوجها وتشتري وتاكل مع زوجها وفي وحده عينها عليهم ؟؟؟؟
وياهم بكل كلمة وحركة
مرة رايحين مطعم في زوجين صغار وعندهم بيبي ويايبين الخدامة فلبينية لابسة تي شيرت وجينز الزوج قاعد على الطاولة وجدامه زوجته ويمها الفلبينية تاكل معاهم لما بجي البيبي قامت الفلبينية تتمشى فيه
بالله هذول شلون يسولفون ؟ يتكلمون ؟ شنو ممكن الخدامة تفكر فيه والريال جدامها على نفس الطاولة ؟ يمكن هذي محترمة بس اذا كانت قليلة ادب شنو ممكن تسوي حركة تحت الطاولة بريلها ( شايفة الحركة بفيلم لووووول ) ولا نظرة ولا حركة والزوحة لاهية تاكل ؟؟