|
|
السلام عليكم ..،
بنات أنا مالجة من جم شهر واول الصيف راح اسافر بعدين راح اسكن عند ريلي..، وانا طالبة بالحقوق ثاني سنه وريلي أول سنة ورافضين فكرة انه نييب عيال لي 3 سنين والسبب الدراسه وصغر السن ولانه انا راح احول بره وادرس معاه فماعندي أحد يمسك البيبي ..، فكرت باللولب بس مادري اذا يصير حق وحدة توها متزوجة !! وياريت لو تفيدوني بالموضوع ..
وفي طريقة ثانيه واللي اهي زرع البروجستين سمعت عنها بالنت بس ما مرت علي بالواقع ..، اذا وحدة تعرف عنها بليز قولولي بأي ديرة يسوونها وجم سعرها تقريبا لانه كاتبين انها مكلفه :/
ويزاكم الله خير 
ومشكورة
القذف برا امن لج
ولبس الواقي له
اشاء تكون طبيعيه امن من الي انتي طالبته لان مافي ولاده من قبلها وراح تظر مستقبلا
انا اقول اذا اللولب ضار يمكن طريقه البروجستين تكون احسن !!
انا اعرف وحده خذت حبوب المانع فوق السنه قبل لا تزوج لانه كان فيها تكيس
يعني ابسط مانع تاخذه الوحده ولما تزوجت قعدت سنتين على ما احملت
مع خالتج .. .. أنا أختي كلت مانع وإهي والده وأم أعيال بعد .. 5 سنين .. تالي تبي تحمل تحمل .. موراضيه ..
أثرت عليها الحبوب… ؟؟ تخيلي توها والده .. يالله حملت بعلاج ..؟؟
تروح تعالج و إهي عندها 5 عيال تخيلي. ؟؟
باجر لا قعدتي بدون ولا جاهل .. شوفي الحياة الكئيبه على أصولها ..
تعوذي من إبلس .. لو ما تبين عيال جان ما تزوجتي .. أبرك .. من هالقعده …
وإفتكي من هالخرابيط ما ضرت غيرج يمكن تضرج إنتي ..
ورفيجاتي وخواتي الباقيات ياكلون مانع على 4 و5 و6 سنين وما يضرهم يحملون بعدها ..
جسم عن جسم يفرق ..
انا بنت عمتي 4 سنوات ما يبون عيال وضبطت نفسها على الغزل والواقي وانتي اصلا لازم تعرفين وقت التبويض عشان بالفتره هذي تقين نفسج اكثر يعني يفضل بالوقت هذا ريلج يلبس واقي افضل والفرار الاول والاخير لج بعد ما تستفسرين من دكتورة امراض نساء واخذي النصيحة منها
ياويلي من ريلي مصر على المنع ما يبي ياهل لانه بروحه اهو ياهل هههههههه
خليها على الله
الحمدلله اهلج موجودين يقدرون يمسكون البيبي
لا تكبرين الموضوع حبيبتي
وهذي وجهة نظري
والله يوفقج
ليش متزوجين عيل جان نطرتو تتخرجون وتزوجتوو…خخخخخخخ
موزين حبيبتي تاخذين شي وانتي بعدج ماحملتي…
وترى الحبوب تلعب بالنفسيه وتييب اكتئاب مو شرط تتحملينها
لا تزوجون دام انكم جهال ومو قادرين على تربية الجاهل
بس غيرت رايي بموضوع اللولب واعتقد العزل اهو الحل الأنسب بالنسبة لنا ..،،