خطبني كويتي – ساعدوني باتخاذ القرار

مرحبااا اخواتي

الحيقيقة اني في أمس الحاجة للمساعدة والله احس بالضياع

رح ابدا لكم من الاول

انا فتاة جزايرية عمري 24 سنة مقيمة حاليا بفرنسا ادرس سنة ثانية ماجستير واشغل وظيفة ممتازة في البنك الفرنسي

المهم تعرفت من حوالى سنتين على شب كويتي بجامعة باريس هو أيضا يقوم بالدراسات العليا وكانت العلاقة صداقة

مع الوقت العلاقة تطورت اواصبحت جدية اكثر عرض علي الشب خلالها الزواج وانا رفضت بسبب خووفي

خووووفي من اشياء كثيرة

المهم هو جدااا انقهر وانفصلنا مدة شهر وبعدها ما تحملنا وردينا لبعض من جديد ورجع هو طلبني للزواج ثانية وثالثة ورابعة وانا كل مرة اتردد واطلب منو التاجيل لكنو هاذ المرة حلف يمين ينزل الجزاير على بداية السنة الجديدة ويطلبني رسمي من اهلى ولالا يقطع العلاقة نهائي انا والله احبووو أموووووووووووووووووووووووووت فيه

بس ميتةةةةةةةةةةةةةةةةة خوووووووووووووووف
خووفي هو سبب ترددي
خايفة من أهلى أهلو خصوصا اننا من جنسيتين مختلفتين وانا ما همني بس مؤكد اهلو هو ما يقبلو وحتى اهلى رح يعارضو

الخووف الثاني جاي من حبيبي نفسو حاليا هو مقيم بفرنسا منفتح ومتفهم وراااااائع بس مؤكد اذا ارتبطنا رح يرجع لبلادو خايفة خاااايفة يتغير

يجزاااكم ربي الجنة
ساعدوووني ودي انظر للأمور من نواحي عقلية اكثر منها عاطيفية وانتو كويتيات مؤكد تعرفو عقلية الرجل الكويتي خبروني ايش ممكن المشاكل لي رح أواجهها وأهلو كيفاش نعمل معاهم؟؟؟؟؟؟؟

___________________________________________

تنبيه اداري : قبل الرد ارجو من كل عضوه قراءه التنبيه المرفق من مشرفه القسم علي الرابط التالي

https://www.q8yat.net/showthread.php?t=238096&page=5

صلي استخاره وربي يكتب لكم اللي فيه خير لكم

الريال راح يكون نفسه ماراح يتغير بس المشكله في اهله هل يوافقون والا سوف يحطهم امام الامر والواقع وتصبح المشاكل …؟؟

ما انصحك الكويتي ما يرتاح الا مع كويتيه
صدقيني مجتمعنا ما راح يتقبل غريبه وهله راح تعبونه ويتعبونك

اهم شي الحب وترا الكويت متفتحه من شنو خايفه

انا اقول غيرج يتمنون ياخذون كويتي حتى خليجيات توكلي على الله و اخذيهوماكو شي يخوف واذا من ناحية الاهل هذا موضوع ثاني اقنعو اهاليكم اذا صج حابين بعض ومتفاهمين

شفيكم على البنت ترا الزواج قسمه ونصيب مو مهم الجنسيه أهم شي التوفيق من الله

حبوبه ادعي ربج بقلب صادق بجوف الليل إذا كان هالزواج خير لج إن الله ييسره ويجعل أهاليكم يرضون

أما اذا ماكان خير لكم ادعي ربك ان تبتعدون عن بعض بهدوء وربي يرزق كل واحد فيكم الزوج والزوجه المناسبين لكم

الله يكتب لج كل مافيه خير وصالح

ونصيحه ترى الحب قبل الزواج مو كل شي فكري بتفاصيل الأمور (المستوى الاجتماعي, المادي, الثقافي, الديني … الخ ) حطي كل شي امام عينك وفكري بالمستقبل البعيد

وربي يوفقكم

انا اقول اخاف باجر اهله يضغطون عليه انه يطلقك انا لو مكانك مااتزوجه اووو اقوله جيب واحد من اهلك واخطبني اادري صعبه بس ترا باجر اهله يضغطون عليه نفس صديقتي اخوها اخذ مغربيه واتهموها انها سحرته وسوتله بلا الحين محد يحبها كرهوها

الزاوج قسمه ونصيب

وصلي استخارهـ احسن لك

واهم شي التووفيق ماتفرق الجنسيه

حبيتي اذا انتي تحبينه واهو يحبك خلاص وافقــــي

وماعليك من احد والاهم ماتنسين تصلين استخارهـ قبل

لاتردين عليه

والله يوفقك

________________________

تم تعديل الرد من قبل مشرفه القسم Dancing^Queen

اممممممممممممممممم مدري شقوووووووول لج

اذا انتي تشوفين انه منفتح الحين وفري على قولتناااااا

وانتي حبيبتي لايهمج شي وافقي اهم شي الحب والتفاهم<<<بعلاقتكم اذا تحبون بعض شنو تنطرين وافقي وبعدين انتي مو صغيره عشان ترددين من هالقرار

والكويتي ماعليه كلام ادب واخلاق واحتراااااااااااااااام ويحب ويحترم زووووووووووجته حيل

يكفي ان اسمه كويتي وترا عادي بمجتمعنا هالامور تحصل وانتي عربيه ومن بلد مسلم يعني مافي شي يمنع هالزواج

واهم شي راي اهل حبيبج لازم اهم اول شي يتقبلوونج ويرضون فيج

وانا من رأي انهم لازم يشوفونج ويتعرفون عليج قبل يصير هالزواج

وترا عادي الزواج من جنسيات ثانيه تصير انا ولد عمي متزوج ايطاليه يعني مو عربيه نفسج اوربيه

والله يوفقج ياقلبي

اذا اهله موموافقين لا توافقين تبين تعيشين حياه مستقره ولا بمشاكل فكري بكل الايجابيات والسلبيات واخذي قرارج
مع اني ما اؤيد ان البنت تتزوج من برى البلد

لا فرق بين عربي ولا عجمي إلا بالتقوى يمكن اتصير احسن من الكويتيه

الله يووفقج ان شالله ويكتبلج اللي فيه الخير

صلي استخاره

حبيبتى صلى استخاره

واذا اهله موموافقين لاتوافقين

وشوفى وين بتكونين عايشه
واذاا كنتى قادره على العيشه بعيد عن اهلج او عشتى معاه بالكويت
حطى فى بالج انه اي مشكله كبيره بتصير
انتى ماراح يكون لج اي احد من اهلج يساعدج اهنى

البنت لما تتزوج واحد من ديرتها تفكر الف مره قبل ماتوافق
انتى فكرى مليوون مره وشوفى شنوو ممكن تكون حياتج بعدين

وبعدها قررى
________________________

تم تعديل الرد من قبل مشرفه القسم Dancing^Queen

نفس كلامها

خوفج من اهله

بعدين راح تتعبين

الله يعينج

فكري بعقلج مو بقلبج