|
موضوع للحوار والنقاش
ادعوا فيه الجميع ولكن اخصص شيء بسيط من اهتمامي على ردود الفتيات
التي اتمنى ان تشاركين بكل صراحه وبكل وضوح .
(( ماهو شعور الفتاة عندما يراها الخاطب ثم يقول انها لاتعجبني…!!! ))
إن من حكمة الله جل في علاه أن شرع النظرة الشرعية بين الرجل والمرأة
عند الخطبة وتكون برؤية الرجل للفتاة وهي مظهرة لما يظهر منها غالبًا
كالشعر واليدين والوجه والقدمين ولبعض العلماء أقوال أخرى ( والله أعلم )
المهم : ما شعور الفتاة التي يتقدم عريس لخطبتها
ثم يراها ، وبعد يومين تتصل أم العريس لتخبر أم الفتاة بأن
ابنها لم يوافق على الزواج من ابنتها وكل شيء قسمة ونصيب..!!
أريد آراء صريحة ومواقف واقعية ونقاش رائع كما هو المعتاد .؟
مع تمنياتي لكم بالتوفيق والسداد
بس احنا بدو صعبه تصير عندنا لان الام او الاخت اهي تشوف البنت وتوصفها للرجال
واذا بيشوفوني كاشخه في مناسبات يقدرون يشوفوني فيها وهذا الدارج لاني اذا بصير فرجه لامه او اخته شوي صعبه يمكن الرفض منهم يصير
ويقولج دايم زيجات الحب والغرام نسبت طلاقها اعلى بكثير ولا تتقارن بزواجات الاهل
وبالاخير اهو نصيب
في حديث شريف بما معناه انه لو اجتمع الناس على ان يظروك لم يضروك الا بما كتبه الله عليك وان اجتمعو على ان ينفعوك لم ينفعوك الا بماكتبه الله عليك
فالنصيب اهو الغالب بالنهايه
واكيد بتنحرج بس جم يوم وتنسى
وخصوصاً في رياييل ملاقه
انا اذكر وحده تصيرلي اهي عاديه مافيها شئ بس لما دخل الريال وشافها طول الوقت مجفس ايده ويطالع الارض وامه تقوله اسألها يقولها لالالالا مابي اسألها شئ وماد بوزه ليما طلعوا يعني بصراحه حركته بايخه جنه ياهل على الاقل جامل حتى لو ما تبي البنت على الاقل جدام اخوها الي كان قاعد واهلها
واللي يصير لها هالموقف لاتضايق عادي يمكن خيره من رب العالمين ربي ابعده عنها بيختار لها الافضل
بس شعور مو حلو بصراحه
معني رافضة هالموضوع وما أءيده , بس صج كسرة
خصوصا اذا الي حوالينج مكبرين راسج و انتي حاطة ابالج
ما تنردين ……. و ناسية ان الناس اذاق بالشكل والشخصية
بس يمكن على قولتكم اتذكر ان قسمة ونصيب وارضى
بس أعرف وحده تسولف لي تقول وايد يدشون و تقعد وياهم و مايصير نصيب…بس مشالله عليها و لا يهمها…و ربي وفقها و تزوجت و مرتاحه…
حجوتها انها اصلا ما تحطهم ببالها او تعلق عليهم آمال….تقعد وياهم و تسأل و تاخذ راحتها كأنها مقابلة عمل…
تقول اشوف اول انا ارتاح له و الا لأ!
و اذا عجبته او ماعجبته بكيفه .
مو حلوه تكون البنت فرجه
حلات اللي يجي خاطبها يكون جاي يبيها مو جاي يتطمش ويقرر