مرت الحمى تعالي نشوف سالفتها؟؟؟؟؟؟؟؟؟؟؟؟؟؟؟؟؟؟؟؟؟؟؟؟

بسم الله الرحمن الرحيم

حبيت اطرح هذا الموضوع بما ان شفت وايد من الخوات يعانون من هالمشكله واهي مرت الحمى وانا اقول مو الكل ولكن البعض والاكثر فخلينا انتناقش ليش الاغلبيه تكون بينهم مشاكل وليش مرت الحمى احيانا تغار من مرت حماها ومن اعيالها ومن زوجها ومن كشختها ومن ومن ومن الخ؟؟؟؟؟؟؟؟؟؟؟؟
يالله خلينا انتشارك وكل وحده تقولنا تجربتها مع مرت حماها وسبب المشاكل واذا حلت هذي المشكله ولا لا ؟ واشلون حلتها
ونتمنى حتى من الخوات اللي الحمدلله علاقته زينه مع حريم حماهم يشاركونا بعد
(نتمنى من ان نستفيد من خبرات الخوات )

انا حريم حمواني كلهم كبار ويدات بعد بس مرت حماي الصغير اهي المشكله, اهي ياهل وكله اتسوي نفسها فاهمه وتعرف كل شي لا وبعد كله تسولف مع الرياييل وتخلي الحريم, تسولف معاهم يعني جنها قاعده بالدوانيه او واحد من الربع.وتحرني لما تقول احنا سوينا وامي حطت وشالت وابوي يعرف الكويت كلها والواسطات عنده بالهبل, طبعا كله طل بطل وحجي عالفاضي. عاد انا لما اشوفها يايه الزواره ما اتكلم ولا اعلق على حجيها واخليها تقرق لما تخلص ولا اسكتت عرفت انها بتمشي عاد لا راحت انا اخذ راحتي.

خوش موضوع

ان شاء الله قريب بكتب تجربتي مع حريم حمواني

لانه اللحين تعبانه واحس قفلت ابي النوم

تصبحين على خير ومشكورة عالموضوع الروعه

مشكوره ناني على المرور وهذا احنا مشكلتنا مشكله معاهم ودنا نكون على قلب واحد بس ماكو الغيرررره ذابحتهم

مشكوره اخت عهود الحب على المرور وننتظر سوالفج
ونتمنى المشاركه من باقي الخوات

مشكوره علي الموضوع وايد حلو اغلبيتنا عند نا نسرات قصدي حموات ههههههههه
والله من الحره الي مريت فيها الله الايوريج غيره موطبيعيه تحريش ام الزوج اواخته الحمد الله الي فكني منها والحين اذا شافتني ماتت من القهر جني امشي علي قلبها عمي بعينها ماحبها 0

انا العكس يابنات
مرت حماي يت رحمة حقي
خالتي و حماتي 6 سنين هواش ونجرة وايهم
ولمه اتزوج حماي حطو حيلهم بالبنية المسكينة وفكوني شوي الله يهديهم
تخيلوووووووو
بالزوارة بس اسلم على مرت حماي ما سولف وياه تدرون ليش؟
الغيرة وما ادراك ما الغيرة اموتون لي سولفنا خصوصا حماتي النسرة
واهيا مسكينه تكسر خاطري اسون فيها مثل ما سوو فيني ولا تتكلم ولا تبطل حلجها
الله يهديهم بس

ام الخير لاتسكتين عنهم والله ينهشونج اخذي حقج منهم خو انا بعد حماتي نسره بس ما اسكت لها والمشكله انها تمثل دور الطيبه والمظلومه عند حمولتها لان خالتها وحماتها كاسرين راسها وتطلع الحره فيني بس انا ما اسكت لها اعطيها بالعشر اما بالنسبه لحريم الحمى ماعندي انا زوجه الكبير والي تحت زوجي مايبي الزواج مطيح الاخ بتايلند والثاني عمره 22 ليلحين ماتوظف بس عاد اذا تزوجوا حماني انشالله بالمستقبل طل مااتوقع يتزوجون راح اصير طيبه معاهم لان بطبعي الحمدلله ما اغار اهلي ربوني على القناعه بس الي اشوف منها شر راح اوريها العين الحمره لان ما احب احد يدوس لي على طرف

وي يابرتي
تعبت شوية
مليت شوية
واي
واي
لا تقوليلي لا تسكتين عنهم
ماقدر نسور
نسور عمري ما شفت جذيه
خليني ساكته لا تقلبين المواجع
خالتي وحماتي اغارون من بعض اتخيلي؟؟؟؟؟؟؟؟؟؟؟؟
حمد الله والشكر اغارون من الهوا الطاير يحبون يتملكونج انتي بس حقهم لا تكلمين احد ولا تسولفين ويا احد غيرهم
وياويلي يا ويلي وسواد ليليل اذا رحت حق عمت ريلي واهل ابوه يعني حموات خالتي
يوم اسود انفسون علي 6 اشهر وما يكلموني عمرج سمعتي اكو جذي ناس

الله يهدي سر الجميع ويهدي حريم حموانكم وحمواتكم

مشكوري خواتي على تفاعلكم بالموضوع واادري ان اغلبيتنا يعاني من هالمشكله بس وين باجي الخوات ؟؟؟؟
نبي تجاربهم علشان نستفيد على قولة المصريين

(يانصبر على جار السوء ياتاخذه ياان اتجيله مصيبه تاخذه )هههههههههههههههههههههههههههههههههه
الله يعينا صج صج مأساة

السلام عليكم ورحمة الله وبركاته ، أنا الحمد لله حريم حمواني يهبلون و حتى حمواتي، الحمد كل حمولتي طيبين وما عندي مشاكل معهاهم..والله يهدّي سر الجميع

بنات الصبر والنيه الطيبه ترا تنفع بعض الأحيان عالأقل اذا ما بين بعينهم الطيب انتوا ترتاحون لأنكم تعاملتوا بالطيب ترا والله عن تجربة والله يصلح حالكم كلكم ويريح قلوبكم

بنت الصبر والطيبة تنفع اذا ما بين بعينهم على الأقل انتوا ترتاحون انكم تعاملتوا بهالطريقة ربي يسعدكم كلكم ان شاء الله

مشكوره اخت حبيبه على مرورج والله يوفقج ويهنيج

مشكوره اخت اميرة الورد على مرورج وانا معاج بكل اللي قلتيه الدنيا كاسب ومكسوب والناس ماتبي لاشي غير ان الانسان تكون نيته صافيه مع الناس وعلاقته زينه معاهم