|
|
الصراحه حدي مستحيه وترددت بطرح هالموضوع
بس ان شاء الله الاقي ردود واايد منكم يالطيبين
يالمتزوجات انا خايفه من شغله الا وهي عن المنطقه الحساسه
انا من زمان وانا اشيل بموس والحين هبيت بالجهاز "يحلق" بس حده عجيب ما شاء الله واحسن من الموس
لانه دقيق وما يترك اثر
المهم انا اقبلت عالزواج ان شاء الله .gif "Eh S(22)")
واي احد يسألني شنو بتسوين اقولهم اشيل بجهاز عادي ينصدمون ويقولون شلون ؟ وليش ؟ انتي بتتزوجين قريب ومادري شنو ولي متى بجهاز ؟ وتتأذين كل ثلاث ايام والخ
وبعدها احس باحبااااااط واقول ودي ما اتزوج عشان هالشي 
استغفر الله
فأنا سؤالي لكم ؟
هل في احد منكم ولا مره شالت هالمكان بشيره ؟ او بمكينه "ازاله" ؟
يعني في احد من زمان ولي الحين واهي متزوجه وعندها عيال واهي ما تستخدم غير الحلاقه او الموس ؟؟
وبوقت السفر ؟؟؟؟
ابي كل وحده ورايها وطريقتها يعني من بداية الزواج ولي الحين
وعطوني نصايحكم واي شي يفيدني ما عليكم امر 
واخر شي هل تنصحوني اني اروح عياده يعلموني عالليزر وانا اسوي ؟ لان حرام يشوفون العوره
ووووو سامحوني عالقرقه حبايب قلبي
بس الصراحة ماجربت
انا اايد الشيرة
تعور شوي بس انظف وتطول اكثر يعني من دورة لي دورة بس مايطلع بسرعة
والله يوفقج ويتمم عليج يارب
أنا أشيل بالشيره ماعنها تبط الجبد أتطلع حبوب وترهل بس ماكو غيرها
بس احس الغالب ان من فوق بشيله بشرايح الشمع و الباجي موس
اصلا الحلق سنه
تقريبا اغلب العيادات تقدرين اهما يسوولج او يعلمونج وانتي تسوين
ب صدقيني اريح بمليووون مره
بس بسأل صاحبه الموضوع شنو الماكينه الي تشيلين فيها؟؟؟؟؟؟؟؟؟
انا شاريه الي من الغانم تعووووور حيييييل تنتف طبعا
انتي شنو ماكينتج ليكوون اتقص ومن وين ماخدتها ادري دشيت عرض بالموضع اسمحيلي
وماقصررو البنات فادووج
ضحكتوني نفس معاناتي بس شسوي
مع ان الحلق من السنه بس ياختي يومين وردينا على طيري ياللي
اما الشيرة مع انها ترهل المنطقة بس وناسه نظيفة لين موعد الدورة الجاية
حبيبتي ما خليت شي ما جربته على شان العوار
صديقاتي يقولون معجون الاسنان يخدر ادهني منه شوية وبعدين سوس الشيرة
حطيته وياليتني ما حطيته فلفل وكنت ابموت الا شوية وسيدا على المايييييييييييييييييييييييي
وبعدين روحي المول في بخاخ املا هذا يخدر المنطقة جربيه انشاء الله يفيدج
ونصيحة مني اول عرسج خليج على الشيرة انظف
والحين ماشيل الا بشيره صج تعور شوي بس اول مره وبعدين كل مايطلع شعر شويه شيليه اول بأول
وموشرط تترهل سألت امي وخالتي قالوا لا مافينا شي وبعدين الزوج شدراه؟ انا لمن سألت زوجي
قال يبه احنا مانفرق اهم شي الشغل خخخخخخخخخ
بقولج بالضبط شلون اشيله,ومولازم تشيلين المنطقه كلها بيوم وحد لاااا على راحتج كل يوم شيلي شوي
انا اول مره شلت بثلاث ايام كل يوم ساعتين 
اول شي اترسي لمنطقه بودره وخلي شيرتج مضبوطه اللي تنفرد بسهوله وذلك عن
طريق تليينها بالماء<< اقعد ياللغه
وبعدين ابدي من تحت لي فوق انا اسوي العكس ابدا من فوق لان اللي تحت عادي عاني من فوق
فيني عقده من منطقة البكيني تلوع جبدي منها لانها مشحمه شوي عرفتي!!
ابدي شوي شوي وعلى اقل من راحتج ابدي بمنطقه صغيره وهكذا
اكثر شي بتعانين منه مثلث برمودا لووووووووووول ان شاء الله فهمتي قصدي
اكثر مكان يعور اووووف انا ماخليه يكثر الشعر هني اشيله اول بأول
وبعدين لي وصلتي تحت بالسلامه خخخخخخ عااااد لفي الشيره بين اصابعج وانتفي الشعر نتف
فهمتيني ؟مثل الملقاط يخفف من الالم جذي
بس صدقيني لااااااااازم شيره انظف شي وشوفي شلون المنطقه تصير ناعمه مثل البيبي
عقب الشيره حطي سودو ولاااااااا تغسلين بصابون بس ماي لي ثاني يوم وبعدين حطي بيبي اويل
ثالث او ثاني يوم عشان ماتطلع حبوب
يمااااااااااااي المعجون فلفل بمعنى الكلمه يحرق لاااا صراحه يخوف
عقب اول مره خلااااااااص انسي هالالم بيخف حيييييييل ومع الوقت
وترى لمكينه تعووووووووور اكثر من الشيره وع
وانتي بعدين صيري شاطره شيلي اول باول وبسرعه بسرعه وتفتكين
انا الحين اشيل بربع ساعه بس
المنطقه اللي فوق كللللللللللهاااااااا شيره واشيلها باربع مرات بس ديرري بااااااااالج
لمن تشيلين البكيني شدي المنطقه بانج تحطين قدمج على البانيو عرفتي !! ولاااااااا بتنترسين كدمات
ياااااااااي الله يعينج صج المره الاولى تذبح خاصه بعد الحلاقه لشعره تكون متينه
الشيره نظافه ونعوومه وسنع ومايطلع الي وين ووويييييييين وخفيف مومثل الموس والمكينه والله يطلع الشعر جنه دبابيس شالله حادج
عقب ماتخلصين الشيره تدهني في بيبي اويل وسلامات وغدا الشر صار لي سنين لاشفته ترهل ولا تعرفط هههههههههههههههههههههههههه الله يديم النعمه بس
يمكن بس بنتين ردو علي يشيلون بموس والباجي بشيره
يا ويلي :/
انا ماااااا اعرف امسك الشيره نهائياً !! جم مره حاولت بس ما اعرف امسكها واستخدمها
ايدي وريلي كله بالصالون و اكثر شي خدمة منازل
والحين اول مره بجرب بشيره هالمكان وانا ما اعرف امسكها
وصح كلااااامكم اكيد الشيره انظف وانا احبها لمن استخدمها حق ايدي وريلي بس حق هالمكان مادري شسوي ياربي
وحبيبتي غزل بنات المكينه الي انا استخدمها اختي الكبيره قالت لي عنها
اهي شرتها من لوازم العايله بخمس دنانير ومن قبل فتره راحت شويخ مع ماماتي يبون يشترون اغراض جمله بلايز ومادري شنو وشافت نفس المكينه الي بلوازم العايله احسن منها بدينار ونص وخمطت منها
عجيبه الصراحه ويعني لمن تستخدمينها تقدرين تضغطين على الجلد عشان تقص الشعر بدقه وهذي صورتها
فوق مثل شبك ناعم مادري شلون عشان ما تأثر عالجلد ومعاه واحد احتياطي وعالبطاريه والشحن
وحبيبتي اختي مسالمه اكيييد حرام احد يشوف العوره الا حق الولاده او الامراض الله يبعدنا عنها
فمن جذي انا مفكره اروح عياده يعلموني عالطريقه وانا اسوي من غير لحد يشوف هالمناطق
والله اشكركم من كل قلبي بنات عشان ردودكم الحلوه
وياليت بعد كل الي تشيل بموس او مكينه حلق تقولي شلون حالتها مع الزواج وهالاذيه الي بكل جم يوم ؟
رحت شريت كريم اسمه املا 5%
يخدر المنطقه
وشلت بشيره حق يوم عرسي
وبعدها قمت اشيل بموس
لانه بصراحه انا عروس ومافي وقت :×
وهم في حل ثاني
في مكينه براون
تشيل مثل الشيره بس هم تعور
عادي لاتحاتين شي وخلييج على طبيعتج