من امس مو نايمه والسبب

بنات انا حيل متضايقه
ليش بيت حموليت يعاملوني جذيه
بقولكم السالفه بختصار شديد

السالفه ومافيها
اني قطعت فتره عن اهل زوجي تقريبا شهر لظروف خارجه عن ارادتي
وللعلم انا ساكنه بشقه بروحي
وبيت حمولتي بعيد عنا حيل اقصد منطقتهم السكنيه

الموضوع ومافيه عقب ما رجعت لهم الحين وقمت ازورهم مرتين بالاسبوع مثل طبي قبل
الناس نفوسها شايله علي
ليش مدري
سمسويه ؟
والله ما سويت شي
بالعكس اقدرهم واحترمهم
بس ليش هالنغزات وهالحركات وانا ادري الكلام لج يا جاره

شبيني وبينكم تسوون جذيه؟؟؟؟؟؟

واللي باط جبدي نغزاتهم قويه حيل
ومنها يعني
بقولكم بعض المقتطفات
يعني كنت قاعده وحماتي تسوي نفسها تحاجي بتلفون البيت وتقول:
شسالفه يا فلانه غبتي جم يوم ورديتي جذيه ترى نعرف نعرف ابر التبيض وابر الكولاجين ما حنا خبول ولا مجانين ما نفهم

يعني تحاجي رفيجتها وتقصدني بالهلحجي وانا معطيتها طاف
يعني شنو حرام الواحد يهتم بنفسه
ولى حرام الوحده تغير من لون شعرها وتقصه
شسالفه ؟
بنات عوفوني حياتي والله مو عارفه شلون اتعامل معاهم
واللى الثانيه طبعا حماتي

دخلت اغسل بنوتي بالحمام عزكم الله يوم رجعت ما تدري اني ورى الباب اغير لبنتي البامبرز
واسمعها تحاجي حماتي العروس وتقولها
اموووووت واعرف هالخايسه شلي غيرها وشلون تفتح لونها وشعرها صار صحي

حسبي الله عليهم
والله لو اسالوني لعلمهم ليش هالحجي

على بالكم رديت عليها والله ولا تحجيت ودخلت وكني ما سمعت شي

شوي ولى حماتي اللي كانت تتكلم بالتلفون
تقول شعندج لابسه بدله؟
بالله عليكم هذا كلام
قلت عادي وش فيها البدل ممنوعه
قالت لا بس قلب تخشين تضاريس جسمج بالدراريع اشوف من تسنعتي قمتي تلبسين بدل

قلت شقالولج سلانيه ولا شنو علشان اتسنع
ما تعرفين تتحجين خليج ساكته من فضلج
قالت لا انا اقول يعني شتغيير وجهج كان مسحوط ولاحين خدودج غطت على عويناتج

انا اهني احتيريت جان اقولها
انتي ششايفتني جدامج
جايتج من شرق اسايا وما اعرف شي
لا يبا ترى نعرف نلبس ونكشخ مو عيب اذا الوحده اهتمت بنفسها بعد فترة تعب ودراسه
العيـــــــــــــــــــــب
من اللي يستمر مهمل بنفسه

جان تقول نورينا قولي شمسويه

قلت لو متكلمه معاي باسلوب ارقى من جذيه جان قلت لج بس دام هذا اسلوبج اسمحيلي
قالت واهي متنرفزه اقوووووووووول
لا تحسبين نفسج صرتي اليسا وانا مدري
انا بس جذيه كنت احاجيج علشان ارفع فيج لا اكثر والله اقل

(والله ما قلتي هالحجي الى من الواهي اللي فيج لاني بديت اتميز عن قبل وبدت الناس تلتفت لي )

والله يا بنات اسلوبها نرفزني وما قدرت انام من امس
لوجايتني باسلوب ارقى واحسن من جذيه والله كان تكلمت وقلت لها
بس اللي قاهرني ليش هالاسلوب وهالحجي اللي مثل السم