شنو اسباب خيانة الريايل لزوجاتهم فى نضركم؟

معضم الرجال المتزوجين لديهم صديقه حميمه غير الزوجه وهده الضاهره للاسف منتشره هنى عندنا بالكويت الرجال يكلم وحده ويلاقى معاها الراحه ويفضفضلها واكيد اكيد يجتمعون!!!السوال الى يطرح نفسه ايش يخلى رجال مرته مو مقصره عليه انه يبصبص بره
شنو الاسباب فى نضركم اخواتى المتزوجات بالدرجه الاول .
لا وتلاقيه يقول انا احب زوجتى وهو يكلم وحده عليها .يعنى شنو السبب؟؟؟؟؟؟؟؟؟؟؟

للاسف هذا الواقع الحين !

بس صدقيني اذا كانت المره مو مقصره مع ريلها وكل شي يبيه تعطيه ومتوفره له كل سبل الراحه , وراح كلم بنات .. فهني تأكدي ان العيب من الريال مو من المره

يمكن اهو طبعه كان قبل الزواج جذي لعوب يكلم ستعش بنيه , وبو طبيع ما ايوز عن طبعه .!
ويمكن ان مو قريب من مرته وايد او متضايق من مرته ومايبي يقولها فيروح يتشكى عند هاللي يكلمها ( ولو انه مو عذر بس احتمال وارد )
يمكن حس بالملل وحاب انه يجدد ويغير ( حتى هذا مو عذر مقنع )
يمكن ربعه نوعهم جذي متزوجين ويكلمون فأثروا عليه ( والمفروض انه اهو ريال ويحب مرته ومايتأثر بكلام ربعه )

في اسباب اكثر واكثر بس هذي اتوقع اهم الاسباب او اهم الاحتمالات اللي تخليه يسوي جذي ,,

وبالنهايه الله يحفظ ازواجنا ويبعدهم عن هالنوعيه ,,

مشكورة على السؤال عزيزتي

مشكوره حبيبتى ام الزين على تفاعللك
بس ادا طلب الريال من المراه اشياء معينه فى الحضات الحميميه بينهم واهى رافضه هادا الشى اتصور ممكن يكون بعد سبب انه يدور الى يشبع رغباته بره بيته

موضوع مهم جدا ومشكورة حبيبتي على طرحك لمثل هذا الموضوع

أنا برأيي بأن اول سبب لهذه المشكلة وهو بُعد الزوج الزوجه عن الله تعالى وعن الشريعة والدين
ولو يعرفون كل منهم حق الآخر عليه لعاملو بعضهم بأحسن المعامله كما أمرهم الدين
وجان شفنا كل زوج وزوجته مرتاحين لأنهم يطبقون شرع الله .. الله اهوا اللي خالقنا واهوا يعطينا الشرائع إللي تصلح لنا
يعني ماكو أحد يعرفج عدل أكثر من نفسج إلا الله تعالى ..

وثاني سبب إن البنت لما يتقدم لها الرجل أول شي تشوف وين يشتغل ومن عايلة شنو وهذا أكبر خطأ مو من أول شي هذا تخليه آخر شي
والأهم تشوف اهوا عنده خلق ودين ولا لأ .. أهم شي الخلق والدين والله يابنات .. لأن إذا الزوج عنده دين بيخاف الله فيج
وهذا ددور الأهل والأبو والأخوان يسألون عن الريال .. أنا لما تقدم لي زوجي قلت حق أبوي يبا أنا آمانه عندك الله يعافيك يبا اسأل عن دينه وخلقه عدل والله من كثر ما أمنت أبوي حتى النوم مو قادر ينام .. وألحين عقب ماتزوجت قاعدة أدعي حق أبوي ليل نهار لأن سأل عن زوجي عدل .. الحمدلله ..

والسبب الأخير .. تساهل الزوجه مع الزوج
يعني عادي تقعد معاه والتلفزيون حاطين حريم مفصخين واهيا تطالع معاه
ولا تطلع وياه وتروح الأماكن إللي متروسه حريم مفصخين على أساس تبي تتمشى وياه
ولاتتساهل وتخلي خواتها يكلمون زوجها جنه أخوهم ..
ماججنه فيها غيره كل شي عادي .. مايصير .. المرأة مفطورة على الغيرة والرجل مفطور على شهوة النساء
فتلقين الزوج يفرق بين زوجته وهالحريم هذي تكلمه عدلوهذي تلبس عدل وهاذي تجامله .. أما لو الرجل خاف ربه وغض بصره
وماشاف إلا مرته والله بشوفها ملكة جمال العااااااااااااااالم .. والمرأة كذلك عليها تغض بصرها وماتفرق بين الرياييل

وبالأخير لاتنسى المرأة بكل صلاة وخاصة بالسجود وقيام الليل تدعو لزوجهاولنفسها بالصلاح والهدايه

ان شاء االله أكون فدتكم حبيباتي
وسامحوني على الإطاله
أحبكم في الله

صح هذا ممكن يكون سبب واهني يكون التقصير من الزوجه نفسها ,, واي شي يطلبه في هاللحظة حق من حقوقه وعلى الزوجه انها تلبيله احتياجاته

بس انا كلامي كان من ناحيه اذا كانت الزوجه مو مقصره بحقوق ريلها

واشكرج مره ثانيه , وسوري على الاطاله

عاده الريال ايكون متعود على هل السالفه
تلقينه كتوم في البيت وايقر بسوالفه لها لرفيجته
ما يبي مرته تدري عنه علشان لا اتقوله ليش واشحقه
أو المره لاهيه في بيتها واعيالها واهو يبها 24 ساعه اتكلمه واتجابله
كل ريال وعنده سبب وبعضهم مرض او نقص فيهم مو من حريمهم
في ناس تعميمه ابتسامت البنت الثانيه ودلعها وخرابيطها

لا تحطون اعذار ومبررات للخيانه

ماعطته وما سوت له كل هذي مبررات ماراح تعفيه من عقوبة الزنا امام الله

كل شي بالدين واضح الحلال بين والحرام بين مافي احد ما يعرف عقوبة الزنا بالاسلام الرجم تصل للموت بالاضافه الى عذاب الاخرة وعذاب القبر

الله يهدي الجميع

اولااا …. البعد عن ربه وعن تعاليم دينه ثانياا …وثالثااا .. واخيراا ان الرجال مايشبعون من الحريم ويبون الوحده دايما بشكل جديد وغير
والمعروف انهم مايملى عينهم الاا التراب وانتوا وكرامه

رد قووووووووووووووووووووووى

للأسف هذي الظاهره وااااااااايد منتشره لاحوله ولا قوة إلا بالله
وحتى لو المره مو مقصره هم بكلم عليها وبخونها
اما السبب انه ما يخاف ربه وللاسف بنات بليس إلي بايعين نفسهم
برخيص انزين اشفيها لو الريال يعيش اهوا ومرته جنهم رفيج ورفيجته
بالحلال شلي يمنع مادري يروح ايدور بره عشان يرضي غروره ويكسر
روتين الزواج بطريقه حرام وغلط بس شنسوي الشكوى لله والله يهدي الرياييل
إلي يخونون حريمهم ويهدي البنات والحريم بعد إلي يخزنون رياييلهم
ومشكوره حبيبتي عالموضوع وتقبلي مروري يا الغلا

ريال ما يترس عينه الا الترااااااااب

مشكوره حبيبتى على تفاعللك

والله على طبيعة الريال نفسه وتربيته وتفكيره وقناعاته..مو عذر ان زوجته مقصره معاه يكلم !! والله خوش ! اذا اهوا يحبها ويبيها يقولها يافلانه فيج وفيج وفيج ..واللي يكلم ويخووون هذا طبع ومرض والله يعينه ويعين زوجته معاه

بحسب اعتقادي…
في أسباب..
بس كلها مهما كانت وكبرت ولا صغرت فهي بكل حالاتها ————->( غير مقنعة )

كلمة وحدة بس إذا بنبرر له الموضوع….
وهي حقيقة إن الانسان ضعيف .. والشيطان قدر عليه بلحظة ضعف !!!!!!

وبهالحالة …. المفروض المرة لي طاحت عليه … تقول له روح استغفر ربك… وتوب.. علشان تدحر الشيطان…
(تحسسه بحجم الغلطة على حقيقتها علشان يخاف ويتصروع من البلوة اللي سواها بحق نفسه وبحق زوجته وبيته وعياله)
وإن الحساب الحقيقي مو منها إهي.. لكن من اللي أكبر منها ومنه.. من الله سبحانه وتعالى….

وساعتها إذا شافته فعلاً ندمان وحاس بغلطته…
المفروض تسامحة … لأن الله سبحانه وتعالى يسامح و يغفر.. وهو الخالق..
واحنا يا البشر لازم بعد نسامح ونغفر..

وما في بشر معصوم من الغلط….. لكن………….. <—— وهذي الـ لكن مهمة جداً…

لكن لازم يكون تايب من صج.. مو تمثيل ولا توبة وقتية أو زمنية و مرحلة ندم مؤقت وينتهي !!!!!!!!!
بالمختصر ……………. يعني لازم يكون فعلاً تايب…

لأنه إذا ما تاب راح يعيدها ويكررها الف مرة..
وراح يعتبر مسامحة زوجته له بسبب ضعف منها وراح يتمادى أكثر بالخيانة لأنه خلاص ضمن مسامحتها كل مرة!!!!!!!!

وهذا أكبر غلط!!

الله يبعد هالشي عن الجميع..
ويوفق الجميع يا رب

انا اقول لج السبب والي منتشررر

بنـــــــــــــــــــــــــــــــــات بليــــس

والله هم البلوى شوف عيني يطيحون على الريايل ليييييييييييين يوقع بشوشته