تصدقون خالي اخو امي ابو زوجي يقولي هالكلام؟؟؟؟

والله العظيم اكتب وانا نفسيتي حيل تعبانه وابكي من الهم والضيقه
انا اهل زوجي دايما يتهموني اني ساحره ولدهم لا والموت اني مو على كيفي ولاني نفس الحريم اللي تروح وتجي وزوجها خاتم باصبعها
الله بس اللي يعلم شلون متحمله نفسية زوجي وفصلاته علي
بس الشغله الايجابيه فيه انه يحبني
يعني لو اتخانق معاه واروح لهلي يترجاني عشان ارجعله مو عشان شي
لانه متعودعلي وعلى عياله
ودايما يقولي انا بدونكم اضيع
المهم توني راده من اهلي من بعد اشهر
وطلعت بنتهم مريضه ونفسيتها تعبانه
انا اقول السبب انها توها متطلقه واكيد رح تتضايق
المهم ما اخذت اليوم الا ابو زوجي جايني ويقول كذا وكذا وكذا ومن ضمن الكلام انه راح لشيخ وقاله اني انا مسويه *** لبنتهم وولدهم وما راح ينتهي لين يموتون (والله لو انه مشعوذ)
ويقولي اعترفي وصدقيني ما يحوشش شي لاني عارف انج صغيره وتغرج الامور
انا انصدمت وانبلهت لان اللي يقول هالكلام اهو خالي اخو امي

مو هذا بلا ابوك يا عقاب لا ويهددني بالسلاح (فيلم بدوي قديم جدا)
والمشكله زوجي غايب له ايام ولا ادري وينه
واهم يدرون بس ما يبون يعلموني وسألت اخوانه ويقولون ما ندري عنه
واهو قبل ايام كنت اسولف معاه قلت شالسالفه اروح للصاله ينحاشون اهلك بالغرفه واروحلهم الغرفه يصعدون فوق والا يردون الصاله
قال اهلي ناس مرضى مالج شغل فيهم
ومثل ما قلت انا ما ادري وينه
انا اعتقد والله العالم انه بالسجن لانه كان غايب فترة 3 شهور عن دوامه
والسبب انه كان بالمستشفى يتعالج من حبوبه النفسيه
واعتقد اعتقد انه بالسجن
والحين انا ضاقت فيني السبل
خالي يقول ما تطلعين من البيت الا بعلمي
وامي تقول مالج شغل فيهم شيلي قشج وعيالج وتعالي عندنا واذا يبيج الرجال يطلعج في بيت
الحين ابي مشورتكم يا خواتي
لاني والله احبكم من كل قلبي وراح اخذ بكلامكم مهما كان
ساعدوني والله ضقت ضقت
حسبي الله عليهم ونعم الوكيل
الله ياخذ حقي منهم اذا انهم ظالميني

لحضه !

ريلج الحين مو بالبيت خالج شكو يتحكم ! .. لو صج اهو بحسبت ابوج مايتهمج جذي !

انا من رايي تروح لـ امج لين يرد لج ريلج ولا تقعدين عند ناس كل ما اتقربين يمهم يبعدون عنج ويتهربون بتتعب نفسيتج اكثر عشان جذي روحي لـ امج بترتاحين عندها واذا رد ريلج ردي لهم .."

قويه السالفه

وفيها سلاح

لا حبيبتي روحي بيت اهلج واشتري حياتج ترا عيالج يبونج

حسبي اله و نعم الوكيل

شوفي اخذي عيالج و روحي بيت امج لا يتعقدون العيال من اللي يشوفونه
و لي بين زوجج و شاريييج
و انه يضيع بدونكم و يبيكم اكيد مايبي عياله يتدون من اهله ع قولته مو صاحييين
روحي عند امج و ديري بالج ع عيالج مالهم ذنب
و مسكي صلاتج و سورة البقره
عشان حتى لو في احد ساحركم و لا عين و لا شر يرةح و استغفري
و مو احنا اللي بننفعج
الله اللي اكبر منا و منج بينفعج
روحي سبحي و صلي و اقري قران و شربي ماي بارد
و نشالله ما يصير الا كل خير

وي الله يعينج على هالعيشة والله

الله كريم حبيبتي

اقري دعاء كثري من الاستغفاااااااار اتعوذي من ابليس واقري قران وربج ماراح يقصر حبيبتي صدقيني ياروحي

وانا ترا ليمن اتضايق ابشي يكون ما عندي سالفة لان ودي يكون عندي صداقة روح بالروح عندي صديقات بس ما يحسسوني ابهالشي فودي احد يكون معاي بس انتي مشكلتج عودر فالله يوقف معاج انشاءالله

الزم ما عليج نفسج وعيالج
لا الرجال ينفع ..ولا اهله فيهم خير << سووووري من الحرة والله
تروحين بيت اهلج وتخلينهم يتفاهمون معاهم احسن …
ما ادري شلون عايشين هالعالم ولا شلون يفكرون …الحمدلله والشكر

سوسو
حناين
مس ستورم
يعني لازم احط اسم
قلبــ انا ــك
مشكورين حبايبي عالمرور
والله كنت متضايقه حيل بس ردودكم تشرح الصدر
الله لا يحرمني منكم يا رب

شنو وين قاعدين سلاح
تطلقت البنت هذا قضاء وقدر بيمنع القدر!!!
امبيييييييييييييييييييييييييييييييييه حريتيني هذا متخلف سوري ولو انه خالج بس شنوو ماراح يحوشج شي بس اعترفي!!ولا يمكن عشان لحد يعيب على ببنيهم بالفه طلاقها بيطلعون سالفه انج مسويه *** استغفرالله واتوب اليك
حبيبتي شوفي اخووج او احد يشوف ريلج اذا بالسجن العسكري او لا وتطمنين علييه…
وروحي بيت اهلج لين يطلع ريلج بس لا تطلعين من البيت لين تعرفين وين ريلج
ماتدرين شنو بيقولونله من حجي
صي ركعتين وادعي نه الله يفرج همج ترى دعوهالمظلمه ستجابه والله المستعان

الله يفرج همج ويفك عنج كربج..حبيبتي كثري من الدعاء والاستغفار
سبحانه ما ينسى عباده ..

قولي لأبوج وامج واخوانج سالفة انه متهمينج بالسحر وانه مهددج بالسلاح
خل يوقفونه عند حده
وعيشي عند اهلج ليما الله يفرجها على ريلج ولا مجابل هالوحوش

سمعي كلام امج اهو الصخ 100%

ماراح ترتاحين الا اذا استقريتي بروحج

الله يكون بعونج حبيبتي

روحي عند اهلج احسن لما يطلع ريلج وخلي احد يسأل عنه ويشوف وينه من اهلج

لا حوله ولا قوة الا بالله اشصاير بالدنيا ياربي الناس قامت ماترجم حتى اللي من دمها و لحمها استغفر الله ربي و اتوب اليك …

حبيبتي شيلي قشج و اعيالج و ردي بيت اهلج و ريلج سهله اذا بتعرفين وينه اي احد بالداخليه او بالعدل عطيه اسم ريلج رقم بطاقته المدنية وراح تعرفين وينه و مني لين ريلج يظهر ربي يسهل عليه اييج بيت اهلج …

الله يكون بعونج و يفرجها عليكم اجلا لا عاجلا يارب العالمين …

الله يساعدج !
والله يشل الغمامه عن عيونهم ان شاءالله الله كريم يفرجها يارب

حبيبتي روحي بيت اهلج ان قدرتي
وخلي اهلج يكلمونهم قولولهم هاتو دليلكم مايصير
علي اي اساس اهي ساحرته؟ وليش!
وليش تسحر بنتكم؟ شنو تستفيد؟
بالعقل انتو اهلها المفروض اللي يقول هالكلام عنها اتطردونه من بيتكم وتدافعون عنها
ولاترضون بكلمه تمسها اهي قبل لاتكون مرت ولدكم بنت عمته
واللي يسمها بكلمه يمسكم

الله يهديهم ويصلح الامور يارب

لا حول ولا قوة إلا بالله

شالسالفه هذا واهو خالج قالج هالكلام يا بنت الناس روحي عن أهلج واشتري راحتج وراحه عيالج لما الله يفرجها على ابو عيااالج
وتشوفين حل لخالج وكلامه اللي مفروض مايقوووله بس بلغلي أهلج على انه اتهمج بالسحر والعياااذ بالله

والله يهدي الجميــــــــــــع