شاركوني الراي محتاجه أعرف قراري صح ولا لا ؟؟؟

وانا اقرى مواضيع الخاينه مالت البنات . تذكرت البلوه اللي صارتلي ..
قبل يومين .. تعبثت بتليفول زوجي بالصدفه لأن تليفوني نسيته في بيت اهلي ..
لقيت مسج من وحده .. وانا قاعده اقرا جان يطيح علي ويسحب التليفون بسرعه .. انا قلبي نغزني لأني كل ما قلتله عطني التليفون بدق وقف فوق راسي لمن أخلص وخذاه ..المهم هالوحده مسجها كان عتاب جنه كان كاشت فيها .. بس رقمه توه مغيره ما صارله شهرين يعني البنت مو وحده قديمه >>>جيكو مو وحده قديمه ..
ليش ؟؟ لأن اكثر من مره اصيده ويحلف ويتكفر ونوح الاتصالات وناخذ خط جديد عالبو خلاص ..
وهذي حالته بين فتره وفتره أطيح عليه ..شوفوا الحمدالله انا كامله والكامل الله بكل شي حتى بالفراش مرتاح عالأخر ما يشتكي من شي .. يحبني ويموت فيني .. ومومقصر معاي ومومتغير علي .. بس ليش يكلم ما أدري ؟؟؟؟؟؟؟
حتى عقليا انا وياه متفاهمين حيييييل مع بعض والمعامله بينا روعه .. بس شنو سالفته ما أدري؟؟؟
المهم خل أكمل السالفه ..
أخذ التليفون وما رضى يعطيني اياه وانكر السالفه وقام يكابر ويحلف ان ما عنده شي وان ماكو خرابيط .. قلتله انا موغبيه ولا غشيمه .. المهم انا زعلت وما كلمته .. وما قدرت انام من التفكير ..
قعدت الصبح قبله .. واهو ما اعترف بغلطته ولا شي .. وجن انا المذنبه مو اهو ..
تدرون شسويت ؟؟؟؟؟

قلتله شوف انا اسفه اني تدخلت بخصوصياتك ..
واذا تبي تكلم انا ما عندي مشكله كلم على راحتك .. وجني ما أدري وحتى والله ما راح أجيك على تليفونك مره ثانيه ..
وقلتله انا بس زهقت ومالي خلق اراكض وراك وافتش وادور كيفك سو اللي تبيه .. وانا موجوده ما راح يتغير شي وبس
طالعني وسكت وما رد علي ..وكمل نومه ..

وانا حسيت اني ارتحت ..

انتم شرايكم بهالسالفه وشرايكم بردة فعلي .. وترى ما قلتله هالكلام مني والطريج الا بعد تفكيييييييييير ..

مممممم, و الله ما عندي خبرة بهالسوالف, بس ما حبيت أمر بدون لا أرد علييج, انشالله البنات يفيدونج.

مشكوره يكفيني مرورج…
ليش ماكو رد ؟؟

ما ادري والله …

وهم انا ما حبيت اطلع من غير ما ادعي ان الله يسخره لج يا رب .. ويهديه

وان شاء الله البنات يفيدونج اكثر

ما شالله 20 دشوا ما ردوا الظاهر المشكله قديمه وكلهم طايحييين فيها يعني محد يلومني اذا سويت جذي ..

بصراحه كلام وحده هبله

خل يطنشك ولا يردك عليك ويلعب علي كيفه ولا يحسب لك احساب

اتصدقين رفعتي ضغطي

لا عادي انا مليت … خل يسوي اللي يسويه ..ومشكوره على الرد جنون العشق ..

زين سويتي يمكن بي هالاسلوب بيحس بغلطته

بعد يمكن المسج من واحد وانتي ما انتبهتي ؟

لا تعورين راسج ويه سوالف البنات الريال يوم يريد يسوي شي بيسويه سواء مراقب وله غيره

الله يسعدج

الله يهديه انشاءلله

مشكوره نبض القلب على الرد .. لا متأكده انها بنت ..
ومشكوره بنت الارسنال ما قصرتي حبيبتي …

امبي ليش تقولين جذي ماراح يحطلج حسااااااااااااب

غلطانه حبيبتي اي زوجه هذي ترضى على نفسها ان زوجها يكلم واهي تقوول << خلاااص مليت << شنو خلاص مليت ..

ليش انتي متزوجه بس اسم ريال ؟؟

يعني عندج بالطقاق مشااعره واحاسيسه وفلووسه لغيري ..

اصلاَ جذي راح يستغفلج وموبعيده يكلم جدامج .. وانتي اطالعين بعيونج ومابيدج شي .. << وتالي يقولج انتي راضيه ..

الوحده اذا مااتخذت قراار صاارم مع هالمواقف زوجج بيضيع وحياتج بتضيع ..

مشكوره عالرد كلي شموخ ..
كيفه لا يحسب …

شوق لا ما قررت الا عقب تفكير .. ولا تحاتين هالشغله بتكسره ..

لأ هذا مو حل شنو يعني كلم و خربط و انا هم موجوده
لازم يحترم وجودج معاه و اذا على كلامج انج مريحته من كل النواحي و انكم مرتاحين مع بعض لييش البناات !!!
انا برايي انج وايد غلطانه و ان رضيتي على مغازله بالتلفون و تنازلتي عن هالشي باجر بييبهم لي عندج بالبيت ..
اللي تتنازل مره تتنازل ألف