|
|
فكرة ببالي صار لها فترة و ما سنحت الفرصة إني أكتبها
و قلت الظاهر مكتوب لها تنطرح كموضوع منفصل على الرغم من إنها يمكن ما تحتاج هالاستقلالية
الناس يعتبرون الزواج المتكافئ هو الزواج المتشابه
يعني الحلو لازم له حلوة
و الغني لازم له غنية
و الطيب لازم له طيبة
و الذكي لازم له الذكية
و الصدمة و الاستغراب اللي يصيرون لنا لما نشوف ثنين تزوجوا و نقول شو اللي جمع هالاثنين
واحد بشرق و واحد بغرب
واحد قاسي و واحد طيب
و احد مرح و واحد جدي
و غيرها من الصفات المتناقضة
ليش نتهم هالزواج و نقول إن غير متكافئ!
من نحن عشان نحكم على زيجات الناس و نتريا فشلهن
و نتوقع الانفصال و الطلاق و نظل نشك بالناس و نقول أكيد هم مو سعيدين بحياتهم و يدعون الهنا
الدنيا مخلوقة بنظام التضاد
ليل و نهار
السالب و الموجب
الكون مخلوق على هالأساس إن المختلفين يتجاذبون
ليش الله سبحانه خلق الكون بهالطريقة
لأن هذا الشي الوحيد اللي يمسك الكون و يحفظه
نفس الشي بالنسبة للبيوت
تخيلوا ثنين نكديين
و إلا الطرفين بخلا و إلا عباقرة أو أنانيين
أو أيا كانت الصفات
ما في أي متعة بتشابه الصفات
الحلو بالاختلاف و التفاهم على هذا الاختلاف
كل طرف يكمل الثاني و يصلح عيوب الثاني
هاذي هي المتعة و السعادة
كل شخص يحب يشوف اللي ناقصه بشريك حياته
لأن يحس نفسه إنه الأن اكتمل
و بس 
يسلمووووووو عالموضوع
بس صعب ذكية تتزوج غبي وايد بابا فيها مشكل
بس فيه تكافؤ بالمستوى التعليمي..
يعني الدكتور ما يصير ياخذله وحده ماعندها شهاده؟! ماتفهمها ولا يفهمها..
والمهندسه ما تاخذ واحد بالجيش شهادته متوسط!! باجر تعايره وتشوفه ما يفهم..
بس العصبي لازم ماياخذ عصبيه والعكس صحيح
