|
|
بصراحه ترددت وايد قبل ما أكتب موضوعي هذا بس اخيراً قررت ان آخذ رايكم وبعدها أقرر شنو بسوي
موضوعي بصراحة أني كنت منفصله قبل 7 سنوات وعندي ولد وبنت وقبل 3 شهور قررت أن أتزوج وتزوجت واحد متزوج وعنده 4 أطفال وهو أكبر مني 3 سنوات قبل مانتزوج قلت له أني احب اليهال وايد وخاطري اييب بيبي المهم بعد الزواج ابتدت ماساتي معاه تفاجأت بانه شخص عنيد وعصبي وايد ويصر على كلامه حتى لو كان غلط ولان عنده مشاكل مع زوجته الأولى فهو دايما معيشني بهم ونكد دايما ساكت وماله خلق يتكلم من كثر لهموم اسنانه ما أشوفها الا أذا ياكل تعبت حاولت معاه بكل الطرق اني اغيره واخليه يعاملني بطريقه زينه ماقدرت والله العظيم يابنات أني أمسويتله كل اللي يبيه وزود بعد اهو دلع ولبس ونظافه وبيت مريح ورومانسي وكل شي لكن بعد فترة انتبهت ××××××××××××××××××××××××××واذا تتأخر علي الدورة يعصب ويخاف ان اكون حامل وقبل يومين كتبت له رساله وشرحت له كل اللي فيني وتدرون شنو كانت ردة فعله قال لي آنه مابي يهال منج والسبب ساعات يقول ان مايبي يخلط نسبه بنسب اولادي وساعات يقول شلون بعدين يكون عندي اطفال منك وماقدر اخليهم يشوفون اخوانهم اللي من زوجته الاولى يعني ماعنده رد يقنع طبعا ىنه نهيت الموضوع وقلت له طلقني آنه مب مستعده اكون مثل الجاريه وابسط حقوقي ما احصلها وهو طبعاً رفض يطلقني وقال آنه مابي أخسرك شسوي آنه ضايعه واحس ان بموت من التفكير ساعدوني بليز ردودكم بتساعدني في اتخاذ القراار السليم بليييييييييييييييز
بس نصيحتي لج
لااتسكتين
لاتسكتين
لاتسكتين
مو معنى ان هذا زواجج الثاني وانج زوجه ثانيه انه يدوس على ابسط حقوقج
خليج واضحه وصارمه بالموضوع
يا انه يعامل باحترام ويعطيج كامل حقوقج ك زوجة حالج حال زوجته الاولى يا يفتح الله
وكلش كلش دششي احد كبير وصاحب حكمه وكلمة من عيالتج خل يكلمه ويوضح له الي انتي تبينه قبل يوفره اهلا وسهلا
ماقبل ش لج بحياة ميته جذي!
واولا واخيرا استخيري
ف ماخاب من استشار
مالت على جذيه رياييل
لو انج مطلقه وباقيه على عيالج وااااااايد ابرك لج
بلا هم بلا بلاوي
الله يعينج حبوبه وقلوبنا معاج
أسمج مطلقه مرتين مو حلو … وزجك الأولاني بيقعد لج حق الشماته
فكري باللي فيه خير وصالح لك ولعيالك
الحمدلله عندج ولد وبنت واتوقع هالشي كافي يعني اذا تحبينه احتفظي فيه اهو لان الياهل عمره ما يربط ريال لان اهو بالاساس عنده من الاولى يهال لكنه خذاج عليها
انا برايي اذا تحبينه صرفي نظر عن البيبي وربي عيالج
الله يكون بالعون
وهم اعتقد ليدام عندج عيال من قبل اشلج بعوار الراس باجر تصير حزازات بينهم وهم انتي شكلج مو مستقره معاه
اذا تحبينه وتبينه ويعني على قولتهم ظل راجل ولا ظل حيطه خلج معاه واستانسي بحياتج معاه منها دلع وسفر ووناسه ومنها ريال يكون يمج بس اذا حاسه ان زواجج مو مسعدج وتحسين ان لج فرص بالزواج تطلقي
واول واخر شي استخيري
لو كانوا العيال يربطون مره بريال …كانوا اربطوج عيالج بزوجج الاولي
لا تزيدين الحمل على نفسج وعليه هو
والله العظيم انى اشوف ابرك لج زوووج يحترمج انتى وعيالج ويقدركم ..ولا عيال وصيييييحه ونجره ونفاس ومستشفيات وحفاضات بيبي ومرضاعه …وبعدها مقااارنات وتفرقه بالتربيه بين عيالج الاولين والتاليين
يا عمري عيشي بسعاده ودلال وغنج ….ولا تزيدين مسؤوليتج وحمولج
واستخيري ربي تراه هو اللى راح يجاوبج ويريح باااااااالج
لكن استخيرى..والله يعينج ويهون عليج الامر ان شاء الله..
درى بالج وحاولي تقنعينه بالتي هي احسن
والمره لازم تستحمل ريلها بطبعه واخلاقه وتصرفاته وتتنازل حقه قد ماتقدر بس الا بحقوقها وحق مثل هذا صعبه تتنازلين عنه
انا اقول ردي حاجيه بالموضوع بس باسلوب حلو واذا مافاد هم حاولي مره ومرتين وثلاث واذا مانفع خلي احد يتدخل بينكم
واذا الله لايقوله تم على رايه ووصلتو حق الطلاق تر عادي كلش مافيها شي لا انتي اول وحده ولا اهو اخر واحد المهم تعيشين مرتاحه
واللي الله كاتبه بيصير
وصبري الصبر مفتااح الفرج وضلي على ادبج ورومانسيتج واخلاقج
والله ماينساا عبده ويووقف معه الانسانه الصبووره ويمكن يتعدل معه الوضع
الله يسهلج حبيبتي ..
وعسا الله مايجيب طلاق
|
المشاركة الأصلية كتبت بواسطة همسات ليالي
 والله حبيبتي انا اخاف ما يبي منج عيال علشان بسرعه يهدج يعني
درى بالج وحاولي تقنعينه بالتي هي احسن |
هذا اللي حسيته والله يعينج