الله يخلف علي ويمسح على قلبي المجروح :(

السلام عليكم

شخباركم بنات متزوجات وآنسات

مادري من وين ابتدي…بس الدمعه على خدي وأبي أحد يولسيني وتدعون لي الله يمسح على قلبي ويبدلني خير

أنا عشت قصة حب سنتين (على فكرة عمري 24)

وكان حب من طرف واحد والطرف الثاني خبر خير ويعاملني كأني بنته باعتبار أنه أكبر مني بـ20 سنه عمره 44 سنه

على فكرة هو مو متزوج أو بالاحرى مطلق لإنه ما ينجب ومتكفل بأهله

إنسان مكافح وقمة فالأخلاق والتعامل نيته موب شينه كلش..

بعد سنتيتن اعترفت له

وقالي بس أنا أكبر منج بـ20 سنه وما انجب وكل فلوسي خسرتها بالأسهم وأنا نظرتي لج كأنج بنتي أو أختي الصعيرة

أنا ما أصلح لج وحرام أظلمج معاي ما راح تتحملين هالعيشة

وبعد إصرار مني أني مستعده أعيش معاه على الحلوه والمره ..طلب مني أني استخير وهو بعد..

كلمت أمي بالموضوع إلا تزفني وتهاوشني وكانت بتطقني ..وقالت لي أنسيه والله لا يدري أبوج يذبحج ويذبحه

قلت لها بس هو يبي يتزوجني على سنة الله ورسوله ..راسها يابس

وكأنه حاس.. قالي يا بنت الحلال أنا استخرت واستشرت وكلهم قالوا ما أصلح روحي الله يوفقج ويرزقج بالزوج الصالح..

والله أني حزينه وأبييكم تواسوني

الله يكون بعونج بس ترى الحق مع امج تبي مصلحتج الزواج مو يوم ولا يومين
وبعدين ماتبين تشوفين عيالج وتفرحين
وانشالله يارب يكتبلج اللي احسن منه وتموووتين فيه

الله يعينج حبيبتي
و صج الحب مو سهل الواحد يتخلى عنه بس لازم تفكرين عدل
نفس ما قالت وصوصة مو يوم يومين .. و اذا اهوا قايلج ان يعتبرج بنته صع يشوفج زوجته
فكري عدل و شوفي اللي فيه الخير
و الله يوفقج

أنا شفت حبي له مغطي على أي شي ثاني

محد فاهمني..

حتى إذا ما يجيب عيال أهم شي الحب موجود

تسلمين يا قلبي على ردج

والله حبيبتي انتي بعدج صغيرة ترى و الحياة جدامج .. لا تستعيلين

ترى باجر تتحسفين … و إذا اهو ما ينجب و انتي اشتهيتي الياهل راخ تبجين عقب

إذا فكرتي فيها حبوبة .. شنو الهدف من الزواج؟؟ مو تكوين بيت و أسرة و تربية العيال؟؟؟ انتي راح تختارين انج تنحرمين من نعمة كبيرة .. فكري مليون مره

على العموم .. الله يوفقج و يرزقج الزوج الصالح اللي يهنيج و يوفق اللي حبيتيه و يشافيه و يعوضه خير!!!

بس هذي مشاعر ما قدرت أغيرها من سنتين

وشلون بقدر أنساه ؟

والله أني اكتب وأنا أبكي

يمكن انتي تحبين حنيته كاب مو تحبيه كرجل

شوي لمن ترتبطين بانسان ثاني تكتشفين انج حبيته مثل ابوج

والله يعينج

الله يعيينج ويصبرج

صج عواار قلب

ميخاالف حبيبتي هذا نصييبج وارضي باللي الله كاتبه لج

وان شاءالله ربي بيعوضج بواحد احسن منه

يمكن لانه عندج فراغ عاطفي وانجذبتي حق هالشخص

وصدقيني لما تتزوجين راح تنسينه واتحسين شي تافهه

لو فكرتي بالموضوع شوي بتقتنعين بنفسج
اهو اكبر منج بعشرين سنة يعني الاعمار بيد الله لكن الانسان يفكر بالموت
بتعيشين ارملة وانتي بمنتصف العمر
لا انتي صغيرة علشان تتزوجين وتكملين حياتج وتييبين لج عيال يشيلونج
ولا انتي الكبيرة اللي زاهدة الدنيا
يعني بتتعلقين عدل

والله أقول الله يوفقه ويسعده ويعوضه

صعب ألقى واحد بنفس أخلاقه وطيبته وطولت باله

تسلمين حبيبتي أدري كلامج عين العقل بس شسوي بقلبي؟

حبوبه كل شئ من الله فيه خير حتى الاشياء اللي نكرهها حتى لو اييب اعيال فرق السن راح يتعبج ترى اللي مريتي فيه كل وحده مرت فيه لا انتي اول ولا ىخر وحده تعدي حبيتي تعدي ممكن ماتنسينه بس تتاقلمين واي واحد يخطبج زين لاتردينه ربج يعوضج

اهو إنسان وااااايد طيب وقلبه أبيض صعب تلقين هالشي برياييل وشباب هاليومين

تسلمين حبيبتي على مرورج

والنعم بالله..والحمدلله رب العالمين

يمكن يكون فراغ عاطفي
الله يوفقج أختي تسلمين على مرورج الطيب

و ليش ما تزوجتوا ؟
اهو يحبج ليش مستشير الناس ؟؟

البنات كفو و وفو

حياتي اهوا اكبر منج اب20 سنه هذا شي عادي ومقدور عليه .. ياما شفنا ناس جذي وعايشين ومستانسين

بس الي يعور القلب انه ما اييب عيال!! .. فكري انتي فيها بعد جم سنه ماعندج عيال ولا شي شبتكون حياتج؟؟
ترا زينة الحياة المال والبنون لا تنسين هالشي

ومهما صار راح تملين لو ماعندج عيال .. عالاقل لعيال يلهونج اشوي لو كان ريلج مش ولابد .. واهم شي اهما اذا كبرتي يشيلونج ويعاونولج

انتي انسي العاطفه وفكري بالصج وفكري 3 4 اسنين جدام .. وشوفي مصريج اشلون؟؟