المرض الشين

السلام عليكم بنات شلوونكم

انا سالفتي سالفه وماادري شنو اسوي فيها

الزبده والموضوع من غير مقدمات اهو : خطيبي في المرض الشين (( سرطان بالمعده )) الله يكافيكم الشر يارب و وصج انه مو وايد خطير والحمدالله يعني بعمليه ينشال الورم بس المشكله انه طول عمره راح يعاني من الم وعوار ولازم على طول ياكل دوااا

وين المشكله : المشكله انه صار انسان ثاني كئيب والله انا ماالومه كل شوي يقول انا راح اموت انا مااضمن باجر فمراح اضمن مستقبلك … انا مو هامني والله مو هامني ولا تغيرت معاملتي له كلش كلش ..

واحسه مرات جنه طفل خايف و مرات يصير مستعسر .. ساعدوني بنات شلون اتصرف معاه انا احبه وايد ومتعلقه فيه فلا احد يقول لي خليه .. انا بس ابييكم تساعدوني شلون اتعامل معاه واذا احد فيكم مر بنفس التجربه

حبيبتي قوليله كل واحد يموت بيومه والمرض الي فيك مو خطير لدرجه ان تفكيرك يوصل للموت

قوليله خل ايمانك بالله قوي وانا ابيك واحبك وابي اعيش معاط طول عمري

اصيله والله

حبيبتي الله يشافيه ويخليه لج يارب

حاولي تكونين معاه علطول اهتمي فيه لاتفارقينه ولاثانيه لا تزعلينه حببيه فالحياه واذا على سالفت ان بياكل دوا طول عمره في ناس واجد من كانو اطفال وبياخذون ادويه ومافيهم شي تزوجو وعاشو..

خليج متفائله كل شوي ذكريه بأحلامكم اللي انتو تبونها

قوليله واجد ناس مرو بمثل تجربته وطلعو منها بروح مليانه قوه وحب للحياه

انا حاسه فيج ومتعاطفه معاج والله لا يحرمكم من بعض

لاتخلونه بروحه ترا ياكله الوسواس علطول خل يطلع ولا تفارقينه تراه بأكثر وقت محتاج لج انتي بالذات وارجع اكرر والله انج اصيله وفيج الخير حبيبتي

والله اختي تعبت وانا اقول : بس خلاص المخ لقفل شلون يصير..
ومرات شحلاتنا قاعدين ينط اذا صار فيني شي جم يوم تبجين علي .. بعد جم شهر تنسيني ومن هالكلام اللي يبط الجبد
و يغث

ام خالد تعرفين وين المشكله انه برا الكويت يدرس وموراضي يرد الا لما يخلص امتحاناته .. عناد وراس يابس والله انا قاعده اسوي كل شي عشانه حتن مرات اذا عصب اطوف له لان ماكان جذي و اقول كل شي يحتاج تعود واهو يدري انه غلط فيني ويي بعدين يتسامح مني ..

اولا السلام عليكم والرحمه والبركات
ثانيا الله يتمم عليج يارب ويشفي خطيبج وزوج المستقبل ان شاءالله وهالامور كلها كلها تكون سوالف تالي
ومايردد المرض ويصير طبيبعي

ثالثا بخصوص التعامل مع هالحاله ، انا ماعشت مع مريض كانسر بس مرينا بعيليتنا بحاله مقاربه
تقلب النفسيه من العلاج
ومن الوضع اللي اهو فيه تخيلي حياتج معلقه بشعره !
والتهديد بالمرض
وان معرفه حياتج ماراح تكون طبيعيه بعد اليوم
فلاتلتومينه
التعامل وياه خليد وسيعه بال
غرقيه كلام طيب وحلو
ثبتيه وصبريه دايما وذكريه بربه وفضل الصبر عند الابتلاء
خليج بشوشه بشره حتا لو تعمد يجرحج طوفي الامور جنج ماسمعتي
لان التغيير والوضع اللي يمر فيه موشويه
يعني باختصار حطي نفسج مكانه شلون تبين احد يعاملج بهالوقت؟ عامليه
ححسيسه بحبج له وانج نهائيا ماراح تتخلين عنه
كلميه عن المستقبل وايد وعن عيالكم وشلون تتمنين تصميم بيتكم
والله يشفيه يارب

الله يشافيه يا رب

قوليله كل شي بيد رب العالمين خلنا نعيش يومنا و نستانس

و الله يسعدكم يارب

خليه يكمل دراسته عشان يحس في مستقبل وراه

خليه يهتم بعلاقته مع ربه ويخاف على آخرته اكثر .. نصيحه اختي لانه كل ما كانت علاقته مع ربه حلوة كل ما ارتاحت نفسييته اكثر و يريحج معااااه

مشكورين خواتي على هالمرور الطيب
وعلى هالكلام البلسم اللي على القلب
ادعو لي بنات ان اقدر اتعامل مع الوضع وانا نتعود عليه
وادعو له بالشفاء العاجل

السلام عليكم اشلونك بدريه جعل الله عملك فى ميزانك واوصيك حبيبتي باهم شى للمريض وانا اختك انك ماتحسسينه بالملل او القلق بالعكس حاوطيه بالحب والحاجه له علشان يشعر انه للحين انتم بحاجه له وان اهتمامك فىه مو بس واجب لا علشان هو راس مالك فى هذه الدنيا وان انتى اللى محتاجه حق وقفته اكثر منه كده راح تحولين شعوره السلبى الى شعور ايجابى وبالتالى تخلين عنده الدافعيه للحياه والاتجاه للمعافاه باذن الله والله يخليكم حق بعض يارب ومايفرقكم ااامممين يا سميع الدعاء

مشكوره ام فهد واقصرتي والله هذا انا اللي قاعده اسويه وعلى طول محسسته اني من غيره اضيع واني احبه .. الله يشافيه يارب …

عسى الله يشافيه و يشافي كل مريض ويخليه لج يارب ……. طولي بالج عليه و دايما سولفوا بامور غير المرض عن مستقبلكم و خططكم لبعد الزواج … واهم شي يتابع علاجه و ان شاء الله ماكو الا العافية …….. احرصي بالدعاء له بالصلاة

ما أدري اختي اهو يبي يتزوج حدد الوقت والتفاصيل لازم تطرقين لهالموضوع

الله يعطيج الصبر والعافيه والله يشافيه لج ويكون ذكرى من الماضي
انا اخو رفيجتي فيه المرض الشين يارب ترفع عنه وتشافيه انشالله
بس اهو بالخصيه وبالغدد اللمفاويه بالبطن يعني حالته اصعب
انا ماشفت زوجته الا بالعرس وسبحان الله ماحبيتها وفعلا طلعت غبيه ماتعرف شلون تتعامل مع زوجها يقوله لا تاكلين مانع خاطري اجيب لبنتي اخو ولا اخت يونسها بالدنيا <اهو بامريكا يعلج والحمدلله حالته تحسنت وابد والورم تقريبا راح>
بس لازم يشيلون له خصيه ولازم يقعد فتره ماكو جماع
تصدقون مو راضيه تقول لا تو الناس
واهو ينن لها ولالهلها ومايقصر عليها بشي
واهو مسافر للعلاج يكلمها على الماسينجر ويشوفها بالكاميرا يترجها يشوف البنت لو شوي ماترضى تقول خلها مفاجأه
حدها سخيفه انا لو اشوفها ودي اطقها
حاولي ماتحسسينه بشي واهتمي فيه لان بمثل هالوقت يبين معدن الانسان