الماضي

السلام عليكم يا احلى كويتيات
انا حابة ادش بموضوعي على طول
طبعا معظم ازواجنا مرو بتجارب قبل لا يفكرون بالزواج
و الشي هذا ما يتحاسب عليه لانه ماضي
لكن بصراحة انا دريت عن ماضي زوجي بعد سنة من زواجنا
يعني توني ادري ان عنده ماضي بس مو يلوع الجبد
لكن دريت انه كان يحب وحده لمدة 3 سنوات
وكان مو مقصر معاها بأي شي
من حب
وعطاء
وحنان
وشاء رب العالمين ان يفرقهم لسبب ما وماادري شنو هو
و من فترة اكتشفت انها رايحة لزوجي بالدوام
ولم واجهته قال ماعطيتها ويه وصرفتها
بس والله مادري ليش قلبي قارصني
لان صار له فتره متغير علي
مو زوجي اللي اعرفه
يباريني ويداريني
ولم اسأله ليش يقولي شغل ولويه
واليوم على ضحك سألته شنو كان يعجبك فيها
جان يقول كان شكلها عادي بس كان جسمها عجيب اتعب عليه
والله يابنات قال هالكلام بالحرف الواحد
مع العلم ان احنا ماخذين بعض على حب بس مو مده طويله
تدرون شنو حسيت ؟
ان الدنيا افترت فيني فجأه قعدت ابجي
مع ان شكلي مافيه شي مملوحة وجسمي حلو بس من الولادة القيصرية طلعت لي كرشه
وقاعده اسوي رجيم عشان تروح
مادري ليش هالموضوع متعبني مع اني ادري ان ماضي
بس محتارة يابنات شسوي
والله حدي متضايقة وقاعده اكل بنفسي؟؟؟؟؟؟؟؟؟

حبيبتي كل الرياجيل لهم ماضي

بس انتي المفروض ماتنبشين فيه وتسألينه عنها

ولاتعبين نفسيتج على شيء مايسوى والله كل ماارتحتي نفسيا

تلاقين نفسج احلويتي وبشرتج تجدد وتحسين انج على طول مستانسه ومرتاحه

وكثري من الاستغفار واقري سورة البقره والله تريح وتحل مشاكل وادعي لزوجج انه مايشوف غيرج

ولاتنسين تغيرين من شكلج بين فتره وفتره والله يوفقج ويهنيج ويعلق قلب زوجج فيج اكثر واكثر ولا يشوف غيرج

موفقه

عدل كلامج حبيبتي ومن ناحية التغيير كل 3 شهور مسوية لوك يدييد بس مادري شنو اللي طق براسي عشان اسأله مادري وصدقيني من غير شي انا دايما ادعيله ولله الحمد اموري ماشية بس الفترة الاخيرة وايد تغير

حبيبتي مادري شقولج الله يهديه ويسخره لج لاتفاتحينه بالموضوع وسوي اللي يحبه وكثري من الادعيه والقران والله يهديه لج

واااااااااي بعد قلبي دايما ادعي انه الله يهديه
واهتمي بروحج اكثر من قبل
يعني اذا كنتي عاديه لا علميه انج مو عاديه
وكشخي بالبيت وبره البيت
خل يعرف انه ما عليج قاصر وحتى لو كنتي يايبه ياهل فيج كرشه صغيره
شنو يعني

الله يهديه يارب ويبعد عنه هالبنت ويعمي عينه عن كل البنات وما يشوف غيرج

والله انا اللي مادري شقول كرهت الساعه اللي تكلمت فيها بس الحمدلله على كل حال والله مو مقصره بشي قاعده البس واكشخ ومو مخليه عليه قاصر بس هم احس ان هو احسن من غيره و مشكوووره حبيبتي على مرورج

تدرين من كثر ما اسوي لوكات يديده شعري منتهي وفوق هذا حارمه نفسي من الاكل عشان اضعف والحمدلله يعني ماشيه حتى هو ملاحظ و من ناحية الكشخة مو مخلية والله اني اروح الكلية مهلقة عشان ما احط مكياج مرتين و ارد اكشخ والبس ويرد من الدوام يلقاني ناطرته
الله يتقبل دعائج يارب ويوفقكم معاي و يسخر ازواجكم ويبعدهم عن الحرام وعيال الحرام يارب
و مشكووورة يا حياتي على مروورج والله فديييتكم

لاتعبين روحج خلاص الحين انتي الي ملكتي قلبه ودايما تذكري انها ماضي كانت ماضي
دايما رددي هالدعاء -اللهم اجعلني نورا بين عيني زوجي واجعلني الوحيده في نظره وقلبه-
عسى الله يسخر لج زوجج يارب

انتي الحين معاه ليش تذكرينه فيها!!!!!!!
يمكن اهوا يكون ناسيها وانتي تذكرينه!!!!
لا تعيشين نفسج بقلق من ماضي!!!!!
عيشي الحاضر وخلج واثقه من نفسج..
انتي زوجته الحين..
انتي الربحانه مو اهيا..
أنتي الفايزه مو اهيا….
لا تعيشين بتعاسه من وهم… وماضي…
حبيه وعطيه حبج وصدقيني راح ينسى كل ماضي لأن عنده حاضر أحلى من الماضي

كلامي نفس البنات 00 والله ما قصروا معاج وياريت تاخذين بنصائحهم

حطي ايدج على صدره وقولي بقلبج
اللهم ملكني قلبه

عليج من الحاضر والمستقبل اللي اهو انتي.. الماضي رااح

ana methlech
marrah ga3dt m3a zoojy as2leah 3n matheeh o mn 3gbhaaa o el7arrah kalat galbee akaaaaaaaaaaaaal walllaa
kella agol beeny o been nafsee :shloon kan y3amelhaa? shlon nabrat 9oootah m3aha ? shlon kan ydl3ha o afkaar wayed etyeely bs ana alooom nafsee
ana elly yebtah 7g nafsee
elmafrooth ma as2l 3n elmatheee
o elmafrooth et5aleen elshy hatha 7aqeer b3yoonah
et7aseseenah ennah elshy hatha lazem yst7ee mennah mo tetklmeen feeeh
o tra m3a el qr2aaan et9eereen a7san enshallaa

الي صارلج هذه شعور طبيعي حبيبتي وادري الكلمه تعور القلب بس الله فتره وبتنسين انشالله ولاتخلين الوساوس تذبحج واحساسج ان متغير هذه طبيعي عقب مايتله الدوام بس مو اكثر

لا تسلالينه عن اي شي عنها هذي اكبر غلطه حبوبه وكلام البنات كفا ووفا والله يسخر لج ريلج يااااااااااارب قولي امين حبيبتي