|
|
يا اب بالي هل موضوع وابي رايكم معاي
شنو العمر المناسب لكل من الزوجه والزوج
يعني باختصار حلو بجم سنه يكون اكبر منها
وشلون راح يكون تفكيره معاها هل يكون وايد تفكير شياب ولا لا 
نفرض ان عمرها 22 واهوا 32 يعني 10 سنوات بينهم رايكم
ارجو من الخوات اللي بينهم هل عمر يشاركوني بكل صراحه 
ويعطيكم الف عافيه
انا اشوف ان العمر
مو شرط يحدد نضج الزوج واستعداه للزواج
يعني في ازواج تلقينهم في بداية العشرينات
وماشاءالله قد المسئوليه وشايلين بيوتهم وزوجاتهم
وفي ازواج بالثلاثينات والاربعينات ما يدورن عن بيوتهم
وبرايي ان هالشي يعتمد على تربية الزوج في بيت اهله
وتهيئته للزواج ومسئولياته
واذا يينا لفرق العمر
احس كل ما كان الفرق شويه احسن علشان تكون
العقليه وطريقة التفكير متقاربه
بس عن نفسي أنا أفضل ما يكون الفرق وايد يعني مو أكثر من 5 سنوات ولا بعدين أحس التعامل بيكون كأن هو شايب وأنا صغيره وأبي أستانس وهو هذا يعورني وأبي أنام
انا بيني و بين ريلي 14 سنة … عمرنا ما حسينا بهالشي كلش ولا حسينا ان في فرق بالتفكير و التصرفات أنا 26 و اهوا 40!
NeWLeader : يعطيج الف عافيه ، ههه عجبتني هذا يعورني وانا ابي انام ، بس ساعات يكون النصيب وماتدرين وين الله كاتب لج نصيبج ومع منو
al7ajeiah : يعطيج الف عافيه ، وربي يوفقج معاه ويسعدج مثل مااسعدتيني بردج على الموضوع
|
المشاركة الأصلية كتبت بواسطة ~ام خالد~
 والله حبيبتي
انا اشوف ان العمر يعني في ازواج تلقينهم في بداية العشرينات وفي ازواج بالثلاثينات والاربعينات ما يدورن عن بيوتهم وبرايي ان هالشي يعتمد على تربية الزوج في بيت اهله واذا يينا لفرق العمر |
نفس الراي وعشر سنوات فرق شاسع جيلين متفاوتين وبتكون بينهم صعوبات الرجل في هذا العمر يشوف تصرفات الي بالعشرين خطا وما تناسبه وعندي مثال شفته بعيوني لكن مو حابه اقول التفاصيل يمكن مو كل الحالات تتطابق
انا عندي نظرية احب العمر يكون كبير لان المرأة بعد الحمل و الولادة و التربية و المحاتاة تكبر بسرعة اما شكل الريال مثل ما اهو فحلو يكون الفرق كبير عشان شكلها مايصير اكبر منه
الفرق بيني وبين ريلي 3 سنوات ووايد متقاربين بالأفكار
ياما ناس بالاربعينات شكلهم اول الثلاين اذا مو اخر العشرين
والواحد يشبب عمره
وياما شباب عشرينات وعقليتهم خمسينات !
الشحصيه تحكم
والجسم
والصحه
بس بالنسبه لي افضل فرق خمس سنين
مهما اكبر احس اني صغيرة بعينه
ابصراااحه افضل من انه الفرق يكون سنه او سنتين في رأيي
وأهم شي يكون الريال قد المسؤولية لأن العمر مو مقياس
وهالأيام الرياييل يخرعون بالغصب تلاقين واحد سنع وقد بيت وعيال و زوجة