كم يوم يصمد المعاش بالايد ؟؟

الحال من بعضه
حده حده اسبوعين اذا مو داشه السوق
واذا دشيت ما خليت شي ما خميته وفلست

حبيبتي قبل لا تسوين اي شي بالمعاش قسميه
انا ما عندي معاش بس ريلي يعطيني 300 بالشهر
اقسمه للبس والمناسبات والهدايا والله عادي يظل معاي
والحمد الله حتى ماركات لبست

انا بعد اذا دخلت السوق امشى واسحب بالكنت لحد مايخلص الرصيد وامشى وافصل الحين حاسة عندى اكتفااااء عشان جذى صارلى شهر مورايحة السوق واول مرة معاشى يقعد على حالة بس اكيد بيطير على اى شى
وبالنسبة للادخار ماادرى اشوف ان الادخار من المعاش ينطبق علية مسالة(السهل الممتنع)
مغريات ومتطلبات الدنيا ماتخليج توفرين خصوصا اذا انتى من النوع اللى ماتقدرين تمسكين نفسج عن احتياجاتج الثانوية
انا افكر بدخل مادى غير معاشى وان شالله اقدر احقق هدفى يعنى بشتريلى شى يدر على مبلغ شهرى للزمن

انا ما يقعد عندي المعاش الا اسبوع واحد و معاشي 480 لان عندي قسط سيارة و فيزا و ابي حل مثلج انا ما ابي اوفر بس ابي الشهر يمشي معاي عادي بدون ما تخلص فلوسي

أأأأأأأأأأأأأأأأأأأأأأأأأأأأأأه وماأدراكم مالمعاش… هو معاش من اسمه فكيف تبونه مايخلص ( اسم على مسمى )تكفون قولولى شلون يصير عندى مورد ثانى غير المعاش … والله فقرنا نروح المطاعم أحيانا مانقدر ندخل ولا الأجانب قاعدين ياكلون ويشربون ومستانسين..ويدفعون وو الله حنا معاشاتنا اكثر منهم بس مافيها بركه

انا رحت ويا ريلي سوق الصفافير شريت الحصاله اللي جنها اتنكه ما تنفتح
صرت كل ما صار بيدي فلوس قطيت 50 او 100
او حتى 20
شسوي ابي ايمع سويت احساب ثاني جان امرده على تراجي وخواتم وخرابيط

والله نقدر يا بنااات نوفر بس احنا مشكلتنا
ما ننظفم مصروفنا
لو نحط في بالنا ان نشتري بس الاشياء الضروريه يبقى من معاشاتنا
ونقدر نجمع …

انا على وشك ولاده زوجي لو شنو ما يجمع وجذي
فلوسه مقططه يمين ويسار ما ايي اخر الشهر ماعنده ولافلس

الحمدلله انا عندي راتبي بس نفس الشي
رايح على اشياء تافهه سوق جنطه ساعه ملابس …الخ

ولا قاعدين نسوي شي
يفيدنا ولا حتى يونسنا وباجر ورانا بيبي والمصاريف بتزيد اكثر واكثر
واذا بنظل على هالحال بنستفقر لان لو شنو زوجي ما يعرف يجمع
فقررنا …

اول شي .. ماكو مطاعم ولا طلب ولا فاست فود لانه هذا اول شي ينهب المعاش
قمنا كثر ما نقدر ناكل بالبيت والله شحلات البيض والجبن والزيتون
الا اذا كللللش اشتهينا نطلب ولانروح مطعم

ثاني شي .. الجمعيه اشتري الناااااقص بس لان زوجي مينون كاكاو وخرابيط
فقما نقلل من هالسوالف

ثالث شي.. انا قللت سوق يعني الحمدلله الكبتات بتنفجر من الهدوم والجناط
وتكرمون الجواتي والاكسسوارات والمكياج والعطورات والله التواليت متروس

رابع شي.. فتحنا حساب مشترك وقررنا كل شهر نحط فيه مبلغ
نجمع فيه ينفعنا حق سفر حق شاليه او ليله بفندق يعني شي حق كسر الروتين
او حق ظرف سبحان الله ما تدرون بعد

والف الف الف الف الحمدلله وضعنا متحسن وايد

يا قلبي الطلعه تبي فلوس وبالكويت وين ممكن تروحين غير المجمعات اللي غصب يخلونج تشترين واحنا الكويتيات بصراحه نحب نلبس ونكشخ وهذا اللي مطير المعاش

انا الحمدالله اصرف واشتري بس احط بحساابي الثاني علي الااقل 300 دينار حق مستقبلي والباجي اصرفه

الحال من بعضة

قسمو المعاش وانتو ترتاحون وقبل لاتشترين الشي فكري عندي شي يشابها ؟ اهو حييييل ضروري؟

انا نفس الحالة اذا انتي يصمد ايام انا حدة ساعات
ياربي شنسوي ان طلعنا نغير جو وين بنروح غير قهاوي او مطاعم او سينما او السوق وكلها فيها صرف
بس لو جونا اوطبيعتنا حلو ة مثل برة جان طلعنا نتمشى بالحدايق ولا على النهر
الصرااااحة يبيلة يعطونا بدل طبيعة وجو

الحل اهو تسوون استقطاع شهري ما نجيسونة كلش
و تصرفون من الباقي بدون تأنيب الضمير

يقعد يوم