|
|
مرحبا فديتكم شوفوا ادري بتقولون مجنونه وشفيها جذي ….بس هذا اللي دايم افكر فيه اسبق الاحداث والايام انا اذا زوجي تاخر وكان رايح مكان بعيد ولايرد علي تلفوني ولا يرد عالمسج وانا ادري مو من عوايده لانه اذا شاف رقمي يركض ركض للتلفون فوالله انه اذ مارد لانه يطول مايرد ساعه ساعتين ثلاث يكون مافي سيرفس ولايشوف مسجاتي فاذا رد علي ابكي حيللللل اقول ايه اكيد مات اكيد مسوي حادث شسوي بعمري ادري بتقولون تعوذي من الشيطان بس مرات الشيطان شاطر يعني افكر يارب اذا مات شسوي ……………راح افكر بحياتنا واشلون بيخلينا واحنا متعودين عليه ويحبنا ويدارينا ويقدرنا مرات اقول انا من عقبك ماعيش يقول لاحول الله الاعمار بيد الله اقوله اذا مت انا بلحقك لان انا وعيالي متعلقين فيك بفقد طلته علينا ….بفقد صوته ….بفقد حبه وحنانه ……..بفقد عصبيته ……..بفقد ضمته …….بفقد صدره الحنون …..بفقد طلعاتنا …….بفقد جياتنا …….بفقد سفراتنا ……..بفقد زعله ……بفقد كل شي حلو بحياتي راح تسير الدنيا سودا بوجهي راح اعيش مثل الغريبه راح امووووووت باليوم مليون مره دايم اذا فكرت بهالشي ابجي حيل حتي جدامه مرات يقعد يمسح ادموعي اقول له اخوانك اذا صار فيك شي ماراح يسالون عن عيالك انت اذا سافرت شهر شهرين محد يسال عنهم الا جدتهم ومرات قليله مااااااااااااااااااااااااااااااااقول الا ياريت انا قبل يومك واهو يرد يقول لج طولة العمر ولي طولة العمر …………..يارب لاتوريني هالساعه يارب بنات في احد مثل حالتي انا موتعبانه من هالشي بس افكر فيه اذا شفت زوجي لاني مؤمنه بقضاء الله وقدره واقري وخايفه ربي بس يطري علي هالشي وشراح اسوي اذا صار واحاول اصبر نفسي اذا صار ……سامحوني اذا طولت عليكم وابي ردودكم الحلوه وهل في وحده مرت بهالشي وتقبلوا تحياتي خشف العرب
بس من ناااحية اهله الحمدالله يسؤلوون علي على طووول سوااء ريلي موجووود ولا مسااااافر الله لا يغيرهم علي يااارب
الله يعطينااا طووولت العمرررر انشاالله ونشوووف عيااال عيااالناااا ياااارب
بس عندي تعليق بسيط قلتي بكلامج لا حول الله (مايجوز أختي الصحيح )لا حول ولابقوة إلا بالله
مو زين
هذ وسواس
بس تبين الصج ولا وحده فينا تعمقت بالتفكير فيها كلش
خاصه بهالزمن الي احنا فيه كاثر موت الفجأه الله يكافينا وياكم الشر
يعني لازم لازم نتهيأ نفسيا حق اي خبر يوصلنا فجاه
اما انج تسوين بعمرج جذي فما له داعي بالمره
يعني انتي شبتستفيدين من البجي والنياح على شي ما صار وان شاءالله ما يصير
الوقت الي بجيتي فيه عند زوجج الاولى تقعدين تضحكين وياه تسولفون وتستانسون مو تعذبين عمرج وتعذبين الريال وياج
توكلي على ربج يا خشف والي الله كاتبه بيصير سواء بجيتي ولا لأ
لاا تقولين مو بكيفي ! لاا تقولين انا راضيه بقضاء ربي بس غصبن علي !!
اذا راضيه لازم فعلا تؤمنين وتوقنين ان ماراح يصير الا الي ربي كاتبه لج
وحمدي ربج واشكررريه واستانسي بحياتج ولاا تنغصين على عمرج وعلى زوجج وبيتج
وتعوذي من ابليس وكثري من قراءه القران واذكار الصباح والمساء والاستغفار
حايشني معاج
وأعرف وحدة كانت تقول ماأتصور أرجع للبيت ماشوف زوجي وكانت حييييل تسولف فيه وتموت عليه وسبحان الله ومرت الأيام وإنفصلوا وكله تسب فيه سب لدرجة تقول عنه إنسان ضعيف ماحملت منه عقب ولدي أبو أربع سنوات شوفي إلى أي حد في السب له وصلت…وأهو تزوج من تزوج ماشاء الله إحملت منه العروس,,,
بس الدقة ريلي 24 ساعة
وياي ما تفارق الا وقت دوامه
أو لما طالعة أكون مع رفيجاتي
تقولين ولدي أقعد أحاتيه
و اذا بيسافر اعوووذ بالله اين اتضايق بس احاول اني ما ابيه له عشان ما يتضايق
لمن امي صحتني قالت لي لا تقعدين تفاولين على ريلج لا يصير شي قولي الحمدلله و ادعي بكل صلاة فجر و مغرب يا ودود يا ودود احفظلي زوجي من كل شر و ضر مع قراءة المعوذات و اية الكرسي ….
و تاكدي ان الله سبحانه و تعالى لا يكلف نفسا لا وسعها يعني لو مكتوب ان يصير شي في ريلج لا سمح الله تاكدي ان الله يعرف انج تقدرين تتحملين … ترا الله لطييف بالعباد و قوي اييماانج ترا هذا ضعف ايمان قله ثقة برب العالمين
انا واايد الحمدلله تحسنت بعد هالكلام …امس امي قايلتلي هالشي كنت ابجي عندها لمن ساافر و قالت لي جذية
حبيبتي ديري بالج