شلون تاقلمت مع فراق عايلتج يالمتزوجات

هاي بنات

احس اغلب البنات مرو بهالمرحله الا الي كانت تبي الفكه لوووووول

لما رحتي بيت ريلج

وخليتي غرفتج الي يمكن فيها كل ذكرياتج وكل شي تحبين وحمامج عزكم الله وغرفه اختج ولا اخوج الي يمج كل شوي تطل عليج

وغرفه امج وابوج الي تسمعين حسهم بالبيت ويدللونج
يمعتكم كل يوم عالغدا هواشج مع خواتج وخوانج لووووول له طعم ترا

مواقفكم طلعاتكم

بوسه ابوج او امج لج كل يوم مداعبتهم لج
حتى زفهم لووووول
حتى خدامتكم

ايااااااااااااااااااام بتتحولين من بنت لامراه بلحظه

تتركين كل هالذكريات بيت جمع احلى ايام عمرج

لبيت يديد وانسان يديد ويمكن عايله يديده

شلون تاقلمتو

انا لاني ماخذه ريلي على قصه حب احس سالله قرت اتاقلم وكنت كل يوم اذكر ابوي وامي واختي الي يالها اكتئاب لما تزوجت لان كله نطلع مع بعض

وياما بجيت بروحي مرات اشتقتلهم

الحين تاقلمت بس مرات احن للايام القديمه
واتحسف عاللحظات الي ماستغليتها باني اقعد مع ابوي وامي اكثر

وبنت اختي الصغير ظلت اسبوع تطق باب غرفتي عبالها داخل ياقلبي

موضوع حلو

انا ماكان لي اي علاقه بزوجي
بس شفته بالملجه
والحمدلله تأقلمت معاه بسرررررررررررعه

اوا اسبوع من زواجي كنا قاعدين بفندق
كنت متضايقه حدددددددددي
وبعد مارحت لشقتي عند حمولتي في شقتي ارتحت بسرعه تأقلمت عليها بعد
بس حمولتي كنت احس بغربه عندهم لانهم ما يقر بولي

اما عن اهلي حييييييييييل كنت اشتاقلهم
ولما ازورهم احس بإحساس غريب
احس ان بيت اهلي مو مكاني
واشتقت حق ريوق الصبح يوم الخميس والجمعه مع جمعة خالتي وعيالها لانها كانت تنام عندنا بالويك اند ولان زوجي مايهتم بأنتظام الوجبات>>>الى الان عايش حياة العزوبيه لوووووووول

وغرفتي اول مازرت اهلي بعد زواجي لقيتها موغرفتي
اختي مسويتلها احتلال ومغيره الصبغ والاثاث
هذا شوي ساعدني اني مااشتاقلها
اتوقع لو اني لاقيتها على حالها ببجي

هايات

وييييييي جنج تتكلمين عني

انا الحمدلله تاقلمت ومرتاحه ويا زوجي بس للحين مشتاقه لاهلي واحاتيهم

ودايما احن عليه بروح لاهلي وبروح لاهلي

بس لما اجي عندهم واخذ اخبارهم واتطمن اطالع وجيهم واقول والله مقابل زوجي ابرك لي منكم هههههههههه الزوج غير :$

موفقه

بجيتوني انا بروحي على على طريف عرسي بعد شهر واحاتي

انا كنت مستانسه وايد وطايره فيه فكنت مستانسه يله متى نكوون مع بعض 24 ساعه لووول حدي مطيوووره ككك ولما صارت الصجيه ورحت عنده ماكنت اقدر انام والله ما اقدر انام انا من انا صغيره ما اعرف انام الا على فراشي وبغرفتي غيره نهي نهي نهي والكل كان يدري فيني اني امووت بالنوووم وكله نايمه ولما تزوجت الكل قام يشوف العكس لا ليلي ليل ولا نهاري نهار تخيلوا والله كنت من ازوور عند اهلي ادش غرفتي واناااااااااام وااااااي على نومة فراشي وانا من انا صغيره عندي كمبل متعلقه فيه وما اقدر انام الا وهو معاي وكنت مستحيه اوديه بيت ريلي فشله صبره الله وكيلكم سبوعين وبعد قلت مابذني ماي عطيته مقدمات وخذيته معاي لوووووووووووووووووووول وشافني شكثر متعلقه بالكمبل قام كل مايبي يتناجر وياي ويبي يرفع ضغطي يحذف الكمبل كككككككك وانا ابجي ابيه ..والحمدالله الحين تعودت على فراشي بشقتي وفراشي اللي بغرفة نومي عند اهلي وناسه ..

وااي واااااااااااي انا لي دشيت بيت اهلي ما ودي اطلع حدي حتى لو قاعدة بروحي و داري كل اربعة و خميس انام فيها و اتذكر ايام اول اااااااااااااه على ايام اول جان زين ترد

واااي قلبتي الموااجع اسطووريه

ونااسه ايام الخووات والنجره معاهم ومعه خدامتنا الي اتحنطت عندنا وجوو
الفرفشه والونااسه مواللحين مجابله اربع اطووف وريال بس الريال غير

كل يوم انا عندهم من الصبح لي الليل ماتغير شي الا وقت النوم

قلبتي المواجع

ماما وبابا وخواتيب واخواني مسافرين اهيء اهيء اهيء

انا لي يومكم هذا مومتأقلمة مع ان اهل زوجي مو محسسيني بالغربة بالعكس رحبوا فيني كأني بنتهم بس اهم بعد سافروا فقاعده بروحي صج كل يوم اطلع بس هذا مايعوضني عن بيتنا وااااااااااااااااااااااي شنو مشتاقتلهم

ريلي يقولي لو ادري انج ياهل جذي جان ماخذيتج

في أحد متعلق بأمه وأبوه جذي

لا ويقولي أمي غلطانه المفروض قبل الخطبة تاخذج اسبوع عندنا وانشوفج شلون تتحملين ولا لأ

الحمدلله على كل حال

بس انا قلت حق ريلي اذا يبت بنت بحيل الله ماراح ازوجها مابيها تتعذب مثلي

والله يوفقنا جميعا"

لووووول اختج بدعت انا غرفتي ليلحين مثل ماهي بس الي ساعد اني غيرت كل شي فيها قبل ماتزوج مادري بتزوج وماتهنيت بالفرش اليديد

صح صح مرات اييني هالشعور زوجي مجابله ابرك ههههههه

لالا لاتبجين
يعني كل بنت لازم تمر هالمرحله تذكري انج بتصيرين مره وام موصح احسن من ماتقعدين عندهم ليما تكبرين وماتزوجت اكيد احسن الزواج والريل غير دلال ودلع وحب

واي سالفه الكنبل بدعتي فيها لووووووووووول الحين فاقده كنبلج اكثر شي هههههههههههه

اي ايام ماترد للاسف بس ان شاءالله الايام اليايه احلى

صج الريل غير بس هم ذكريات النجره وهالسوالف لها طعم مايتكرر ياحلوها
حياج الله