مشكله وبيلحها حل والخاله القشره

السلام عليكم مشكلتي كمشكله اي وحده ساكنه في بيت اهل الزوج من تدخلات الاهل في حتى غرفة النوم من امه
وانها تبطل الباب وأتدرعم ولا جنها في أدميه متزوجه ما يندرى شنو لابسه (لا وعليه يمكن لقافه أو ما تدري )لا واذا سويتي اكله اذا كلوها ما قالو شي واذا ماعجبتهم ويه ويه جنه ذالينج على المقادير الي طلعتيه من مطبخهم
وسوالف اللعانه باليمعات الخاله تمدح وحده من الجنات عشان الثانيه تنقهر ويتهاوشون وما يتسلطون عليها
واذا وعليه سهرانه طول الليل حق بنتج ولا ولدج مريض ونمتي ساعتين الصبح وحطيتيها عند الخدامه قالولج مهمله
لا والالعن انا حماي قالي زين حسيتي بالبنت
واذا كان الريال هايت وعنده دواوين وربع قالو حق الناس اي يبا ما تكشخله ولا تهتم فيه وعليه يطلع بس يبي يرتاح وشوف وويوه سنعه مل من البيت (خو الخاله تقول شوف عيني ما شفتها لابسه قميص نوم)
لا والمصيبه انا عندي غرفه مو شقه لا ومن دونن حمام انا وبنتي وريلي وعلى يميني غرفه اخوه وعلى يساري غرفه اخوه الثاني
معنه كان عندي شقه بس صارت فيني مشكله قبلولادتي وانحذفت ابيت اهلي من السابع لي الولاده ولما رديت ماكو شقه وتحملي
وكل ما اشتكي حق ريلي يقولي انزين انزين وحده طاااف
واذا وعليه المره ما يابتلهم عيال طلعو فيها 600000000000 عذروب حتى لو ريلها راضي
واذا يابت يهال وايد قالولها فاضيه حدها وبس شاطره اترس عيال من غير تربيه اذا ولد من عيال الجنه طق ولد الحماه باللعب
واذا متنت يقولولها انتي هييي شمتنج صايره اي ريال بيتحمل مو شايفه الفضائيات
واذا اضعفت قالولها انتي شنو ما انوكلج احنا
كله بصوب وخدامتج سوت وخدامتج قالت وخدامتج راحت (((خل ترووووح مسؤؤله عن ابووها انا )))
وأذا حلوه قالو عنها مغروره واذا مقبوله او مو ذاك الجمال قالو مادري شلون اخوي متحملها

(((((مشكلتي ما عرف اخلي شي بحياتي اسمه طاف وخل يقولون الي يقولونه )))))
فانتو عطوووني الحل ارد واخربها ولا اسكت وانطر الشقه

وبس

وتكفون ردو والي ما تبي ترد بس ما ابي منها غير دعوه صالحه تكفووون

الله يهديهم لج ان شاء الله ويصبرج

واي الله يعينج
متفهمه وضعج
وادري شي صعب
بس لاتراددين
الحل الوحيد الحقران
اذا شبيتي النار ماراح تطفا ترا
وحياتج بتصير جحيم اكثر
حقري ليما الله يفرجها
او ردي عليهم رد يضحك خل يحترون
يعني علقي على طنازه

حبيبتي انا صبرت 10 سنين و لا في فايده و أخيارا طلعت بشقه بعد ما قررت أطلق لاني ما قدرت أتحمل بس مسكته وقلت له انا عادي عندي أطلق بس اليهال يبونك و أنا من حقي أرتاح ليش شريتني بالمهر و انتي ترضاها على اختك

و قلت له عطني سبب اتحمل أمك

و رديت بيت أهلي انا و 3 يهال و حاول يساحلني بأي طريقه عشان أرد بس ما رضيت الا شقه خصوصا أن أهلي شارطين عليه

و لما شافني المره هذي ملزمه أطر يدور شقه لاني كنت حدي ناشفه معاه و صج قعدت 3 شهور بس الحين فرجت

انتي يا الغاليه اكيد تعرفين ريلج أشلون ادشين له يعني انا خالتي اللي كانت اتسويه فيني كان أطيح عليها مرات و يشوفي ما أدر عليها أبدا عشان جذي لما لزمت حطلي شقه

بس ما أنصحج تقعدين 10 سنين لان من داخلي خلاص اندمرت

يعني نفسيتي و انتي بكرامه زفت و اي احد يكلمني ابجي و لا شي قام يونسني و لا حتي الاشاء اللي أحبها و كنت على طول متكدره و ضايق خلي من التعذيب النفسي اللي كنت عايشه فيه

و عقب 10 سنين شفت ان طولت بالي ما نفعتني بالعكس كان على حساب صحتي و نفسيتي و ماكو شي يسوي لو كنت ملزمه من الاول أطلع جان ما صار فيني كل هذا

لا مالج شغل فيهم انتي … سوي باصلج و خلهم لي طلعتي خلي علاقتج رسميه دامهم شريين جذي

اف اف من اهل الريل
انا اقول شوفي وين راحتج
محد بيفيدج لي طحتي

اللة يعينج بس مابيدج حل تحملى عشان بنتج وكبر عقلج ولا تقعدنى وايد بالبيت يعنى كلة روحى عند اهلج يعنى خلى بيت اهل ريلج فندق اتين تنام وبس واذا ريلج اعترض قولى لة نج تعبت وهذا اسلم حل واذا مو عاجبك طلعنى بشقة

الله يعينج

صح خليه مثل الفندق وكوني رسميه ولاتسمحين لخالتج تمد لسانها او تنقز قعدي عند اهلج طول اليوم اونس لج ومنها اتحاشين الاحتكاك انا من تزوجت بس ارد احط راسي وانام وماطيحت الميانه ابدا وفوق هذا الصبح انزل ولدي عند خالتي واكبر المخده يعني مو بس فندق لاحضانه بعد وساكتين ويخافون يحتكون لاني ماعطيهم اهتمام ولا ابتسام مثل مايقولون بس محترمه نفسي ومحترمتني

والله مالج الا تشرطين وتلزمين وتصممين تطلعين بشقة برووووحج

هذا مو وضع والا الدين يسمح ان الريال يسكن مرته بغرفة وعلى يمينها ويسارها حموانها

من شروط السكن اللي يوفره الزوج بالاسلام ان يكون مريح ومناسب للبنت ومتوفر فيه الاستقرار والامان

وانتي كلش ما ينطبق عليج هالشي

غرفة وحدة وحمامها وياهل معاكم ووووين صاارت؟؟<<خالتي قماااشة!!!!

واشلون تاخذين راحتج حتى باللي تعرفونه مدام الطوف لها اذان!!!

واشلون تمشي حياتكم وعندج خالة وحمووووولة مناشبينج بييبون المشاكل والنجرة بينكم

اشتري حياتج وسعادتج وراحتج مع زوجج وقبي طلعي بره بشقة بروحكم

وياداار ما دخلج شر

يا ريت وياها حمام الحمام مشترك

خلج رسميه معاهم و الحقران يقطع المصران واذا بتذبحينهم قهر و خصوصا الخاله وانتي صاعده و لا نازله ولا طالعه ولا داشه جدام الناس ولا ما كو ناس حبيها على راسها و اشوي من هالحجي الحلو مثل تامرين يما – من عيوني – ماطلبتي شي اشدعوا صدقيني بتسويج يادهينه لا تنكتين و عندج بنت لزقيها في خالتج اشلون ؟
من تقعدين ويا خالتج قوليلها واي بنتي اطول الليل واهي تبيج ابي امي العوده ودوني عندها – ولا قوليلها يما بنتي صايره قطعه تشابهج ( ادري ماودج تقولين بس ملزومه عشان راحتج ) و من هالحجي و لا بين كل فتره و الثانيه اشتريلها شي و عاد ريلج اذا قاعد معاكم دلعيه جدامه و لا تنادينه بسمه استخدمي ( حبي فلبي عمري ……….) وانشاءالله باذن الله مالج إلا طيبه الخاطر و بقولج دعاء خليه ترجية بإذنج :
(( ربي حنن قلب زوجي و ام زوجي وخوات و اخوان زوجي علي يارب وابعد المشاكل عنا يارب ))

اذا مو مرتاحه معاهم وقاعدين يراقبون تحركاتج بكل صغيره وكبيره
طلعي بشقه بروحج … والهشي انتي لازم تفهمينه ريلج
اهووو اكيد مرتاح مع اهله ….. بس راحتج انتي بعد ضروريه

الله يعينج بس لازم اتفهمين زوجج انج مو مرتاحه مايصير جذيه؟ وانتي بعد حاولي اتوددين لهم ترا هالشي بغير وااايد من حياتج .

الله يعينج ويصبرج
بس انا برايي طلعي من البيت ردي شقة وحاولي تقنعين ريلج بسرعة