الحقوني م حريم الحمى

انا لو اوصف لكم عبطي ما تصدقون كل شي اقوله حتى مقاس هدومي و مع الكل حتى في بيت خالتي المسكينه المحاصرة بحريم عياله و مع الاسف ليش حريم الحمى دااااااااااااااااااااايما يغارون و انا اصغرهم بسنييييييييين و كل كلمه يحاسبوني عليها و عبالهم الكلام نقزات و غرانهم الحش و انا اولهم حالي حال الحريم الله يهدينا بس الزعل الزعل الزعل اهمه كيفهم يقولون اللي يبونه و يمصخرونج لو بغو على بو ان ضحك و انتي لو تتكلمين البرطم انمد شبرين و تطلعين غلطانه و انا مثل الهبله على عين اعتذار و ان من طبعي قبل لا اطلع من اي مجلس اسلم على الكل و اقول سامحوني اذا زعلت احد او قصرت بحقكم لان الحياة اخرها موت و ما ادري متى بموت و اخاف لا احد يزعل علي انا مو كامله بس ابي نصايحكم احس بنظراتهم غيرة و دايما يفتعلون المشاكل ليش انا احب اسولف و اضحك بالجمعه لانها مرة بالاسبوع و الله يشهد بظهر لغيب احبهم وحده وحده و انسى بسرعه اللي زعلتني على شنو؟ ما اذكر اتناسا لاني ما احب الكدر شلون اتعامل معاهم ما ابي اصير من بعيد لي بعيد ادخل و ما اسولف و احاسب على كلامي عشان كل وحدة ما تزعل انا احب الناس و احب اسولف بكل شي ليش سوء الظن و عبالهم اي كلمه من وراها معنا ثاني ساعدووووووووني ابي اعيش معاهم بحب

حبيبتي ليش متعبه نفسج
مبين انج صغيره ومو عارفه سوالف الحريم ومصدومه بالمجتمع الجديد الي انتي فيه
يا اختى لا تعبين نفسج وتحاتين فلانه وعلتانه ماعليج منهم نزلي سولفي ضحكى وحتى لو يقطون نغزات طاااف جنج ما سمعتى ومو لازم كل مره تطلعين من المجلس تعذرين وتستسمحين اذا انتي ما غلطتى وواثقه من هالشي فالاعتذار ماله داعي

خلي علاقتج رسميه مع حريم حموانج وكسبي خالتج وكشخى واستانسي بعمررج توج صغيره لا تحرقين اعصابج وتضيعين ايامج بالقهر بسبب ناس ما تسوى والزم ما عليج زوجج ومن ثم خالتج الباجي من يكونون علشان تزعلين نفسج بسببهم

خلج قويه وطنش تعش تنتعش
وموفقه يالغاليه

انا مع هوى الدار …….. انتى شكلج صغيرة وياما راح اشوفين من سوالف الحريم وانواع الحريم نماين واشكال بس انتى عطيهم بنفس المعامله اهم شى لاتبينى انج معصبه وجد ترى الدنيا مافيها احد يستاهل الزعل عليه وتحاتين مشاعرة غير امج وابوج بس

وتعلمى لاتنسين السوالف اللى صيرلج اتعلمى منها اهو كل طراق بتعلوووم بس صدقينى عادى اللى اتقولين بس خليج مرنه ودوووووسى على قلبج

ياجبل مايهزك رييييييييييييح

انه من راي البناااااااااااااااااااااااات

الله يهديكم لبعض
ان شا الله
ولا تحطين بخاطرج
طوفيها وخلج صبوره وتحملي
هذي امور تحصل بكل بيت حبوبه

حبيبتى عادى هذى مو مشكلة كبيرة وموجودة بكل بيت تقريبا
موشرط يرضون عنج الناس عشان تكونين سعيدة
اجتمعى معاهم وكشى وجاوبى على قد السؤال وبعدى كل البعد عن سوالف تخص حياتج الزوجية
ولاتتكلمين معاهم عن شخص مو موجود عشان ماتنقط السالفة بالاخر عليج
لاتخلينهم يلقون عليج زلة ترا فعلا السكوت من ذهب
وكلة ابتسمى الان البتسامة تعطى للشخصية حلاوة جذى بتثقين بنفسج وصدقينى بعدها بيحسبون لج احساب
ولاتسمحين لحد يغلط عليج ولاتراددين بصوت عالى خلج ذربة بكلامج
ولاتامنين احد منهم

عشان ما تعورين راسج صيري رسمية معاهم وفكي عمرج

اخذيها قاعده عامة .. اكثر وحده تكرهج مرت حماج (طبعا في استثناءات قليلة ونادرة)
لوتسوي روحها تحبج لاتامنين لها ترا بالنهاية ماتبيج تصيرين احسن منها
واللي بينهم تنافس صعب انهم يحبون بعض ، بالعكس تحب تدور عليج الزلة وتسويلج من الحبه قبه
يمكن ماتسوي هالشي جدامج بس شوفيها من وراج شتسوي !! راح تنصدمين
خلج معاهم سطحيه ، وججبيهم بالمناسبات ولاتغلطين عليهم بس هم لازم ماترضين بالغلط
ترا التواضع الزايد مذله

حبيبتي ترا العيب فيج انتي لازم ترسمين خط تمشين عليه ليش القرقه اللي مالها لزمه ليش كل شي تقولينه ليش تخلينهم كل شي يعرفونه عنج صراحه مادري شقول بس مبين انج غشيمه حدج لازم يكون لج حدود تلتزمين فيها واكبر غلط انج تطيحين الميانه معاهم ترا مو حلوه لج ابداااااااااااااااااااااااااااااا حلات البنت هاديه ماتتكلم وايد وكل بعيد عزيز لا تقحمينهم بحياتج علي ابسط الامور ياربي ليش جذي
ترا العيب منجججججججج الدنيا مايبيله واحد بشخصيتج اشتغلي علي روحج لان مبين يبيلج دوره علشان تتعلمين اللي تقولينه واللي ماتقولينه لان ممكن تسببين لنفج مشاكل انتي بغني عنها

منو يكونون علشان تهتمين لهم تلاقينهم الغيره ذابحتهم لأنج أصغرهم ويمكن بعد تكشخين وماتو حره ماعليج منهم ألزم ما عليج زوجج وأمه ولا الباقي تحصيل حاصل وأسمحيلي بس عن جد وحده مقروصه……

اشكركم حددة وحدة و انا متاكدة من كلامكم كلة صح بس مع الاسف التطبيق صعب حيل و مو سهلة الوحدة تغير من طبعها انا تعاملت مع عمري و صديقاتي و بنات خالاتي و خواتي و هذول بعاد عن الغيرة و عوار الراس لان كل حدة لها حياتها بس ببيت الخالة العنصر المشترك راي خالتي نظرة الرياييل كل وحدة خايفة لا ريلها يشوف الثانية احسن منها ليش و الله عيب منو لها شغل براي زج الثانية و خالتي شكو سباق و لا من سيربح المليون و برد عليكم ان لازم اهتم لزعلهم او اسايرهم لاه همن اهمه صارو من اهلي لانهم اهل زوجي و ما ابي رضاهم لا انا ابي حب الناس و الذكر الطيب و شكرا شكرا على الردود كفيتو ووفيتو

نصيحه طنشيهم وخليج طبيعيه معاهم

انا حاسة ان النس بهالزمن ما يحبون حق احد الغير و دايما اذافو احد يقارنونه بنفسهم و ينسون ان الله خلق الناس اشكال و انواع و كل وحدة لها جمالها و تصرفاتها و بالحياة لازم نتقبل الكل و ما نمشيه على كيفنا