زوجي والشورت

زوجي بينني لحقوا علي شلون اتصرف معاه؟

دايما يقعد في البيت امفصخ بشورت حده حده فنيله حفر وساعات بدون فنيله والله ما أبالغ والمشكله عندي خدامه اندونيسيه وعيزت وانا اقوله البس دشداشه بيت ما كو فايده اهلي كلموه ماكو فايده وكلمت امه وما كو فايده المشكله خدامتي قامت تخزز فيه ولما ابي اطلع من البيت يكون نايم بالصاله على بطنه بالشورت واقوله ادخل الدار جدام الخدامه عيب ؟ بس لاحياة لمن تنادي لوع جبدي شكلي بهده واتطلق شنو الحل معاه؟؟

والله مشكله
اشفيه؟؟؟؟
يبي يلبس شورت وفنيله اوكي ماكو مشكله بس من غير فنيله امبيييييييييييييه
حدها مشكله
الله يعينج

صلي عالنبي اشدعوه توصلينها للطلاق

حبيبتي ريلج متعود على هالطبع وصعب انج تغيرينه بس حاولي

معاه ولاتملين وبالسياسه عامليه قعدي معاه وفهميه ان ما يجوز هالشي وخصوصا ان في خادمه معاكم في البيت

طولي بالج ولا تكبرين الموضوع حاولي تحلين مشكلتج بنفسج

صحيح اني مو متزوجه بس حبيت افيدج

شدعوه ما توصل للطلاق..ولا ان الناس يكلمونه..

عادى هو متعود من قبل على شي وصعب يغير طبعه بعد ماجت الخدامه..

حاولى معاه شوى شوى وبالتدريج بيخلى هالطبع..

كان الله بعونج يا الغاليه..

حاولي معاه بينج وبينه المفروض مايطلع برا وذكريه ان هذا مايجوزجدام الخدامه تطلع عورته

الله يعينج

اول شى لو تقدرين غيري خدامتج الاندونسيه لاي جنسيه ثانيه هالجنسيه تموت على الرجاجيل عاد شلون تشوف زوجج مفصج

والله يهديه

واي
الله يعينج

واااااي الله يعينج انا احتريييت .. حاولي معاه بالمسايس أول قوليلا انا اغار عليك مابي احد يشوفك جذي غيري ومن هالسوالف ترى بيتشقق بس طبعا بدون نرفزة بدلع .. وحاولي خدامتج هم ماتحوس وايد عندكم تخلص شغلها وتطلع ولا تقعد بغرفه وبس مو تحوس جدامكم على طوووول واذا على ترتيب وتنظيف ليما يكون طالع ولا مو موجود تتخطرف على كيفها .. والله يساعدج ان شاء الله

اشرايج تشتريله بجامة مو دشداشة بنطلون
وقولي له يوم شفتها ما طرى في بالي الا انت
و ما اتوقع تركب على احد عيرك
وما اتوقع بيكسر بخاطرج وبيلبسها
ان شاء الله
والله يهديه لج

الله يساعدج بس كلشي ولا الطلاق

كيفه
ريال ببيته خل ياخذ راحته و الخادمه هي الي تنحد حريتها وقت وجوده.

يعني ما لازم تحرقين اعصابج عشان تغيرين عوايده…و لا تكبرين السالفه توصل لأهلج و اهله يكلمونه شنو يلبس بوسط بيته!

لكن خلي جدول خادمتج انها تخلص شغلها وقت هو بالدوام او نايم والاوقات الى هو في البيت ما توطوط صوب المكان الى تقعدون فيه.

يعني انتي تحطين حدود التعامل بدون ما تضايقينه و لا تتضايقين بتكشفه جدامها لن ماراح تشوفه اصلا مع الحدود الى انتي حطيتيها.

ابسط شي اذا انتي ببيت حموله .وقت يوصل البيت تزتينها بره الشقه بكبرها.

و صدقيني بس تطخين انتي عن الموضوع بتلقينه عقب فتره غير من نفسه .
لكن من نفسه مو من ورى طلبج …

و بيني و بينج……اذا تبينه خلال اسبوعين يغير لبسه.
اول اسبوع لا تجيبين طاري الموضوع
اول يوم من الاسبوع الثاني طولي عالمكيف.
و كل ماقدرتي تطولينه اكثر طوليه……

مع البرد اذا مافطن يقصر عالمكيف راح يلبس!

جربي !!!!يمكن ها الحركه تنفع و ان كان مو شرط: ما اضمن لج اياها ….لكن يمكن)
بس عاد ها
زهبي البديل من قبل ما تقصرين و اذا هو يحب الشورتات خلي البديل نفس النوع بس اطول شوي مع روب.
او بجامات (بنطلون مو دشداشه)
و خلي دشداشه بارزه احتياط.
يعني زهبيله و انتي ساكته من كل بستان زهره و خله ينقي بروحه اذا استبرد.

بنات صدقوني السالفه مو هينه وخاصتا اهو يلعب حديد

انا رايي من راي رنين لاتخلينها تحوس واهو قاعد بس يدش البيت تذلف داخل

حبيبتي المشكله ان مطبخي التحضيري بالصاله وساعات انا بطلع من البيت وحمام الخدامه بالحوش

اهو بس لو يقتنع يلبس فنيلة زين فهمي ان اللي يسوي غلط وان رح يتحمل اللي يصير بعدين من الخدامة مو اهي هني صراحة مشكلة عوووووووودة