|
|
يقولون اعداد كبيرة من السعوديات فاتهن قطار الزواج
وبعضهن اضطر الزواج من غير سعودي والبعض رضين بالزواج من كبير السن بالرغم ان اعمارهن في بداية الثلاثين والبعض قبلن بالمتزوج
ووصل مهر المعلمات عن طريق الخطابة الى ادنى المهور تقريبا 20 الف ريال يعني 1600 دينار وفوق هذا مستعدات لتحمل نفقاتهن الشخصية والمسكن
وجدير بالذكر أن ما يقارب من 70% من حالات الزواج في السعودية تتم عن طريق خاطبات حتى أصبحت الخطابات ظاهرة اجتماعية داخل المنازل السعودية
وتقول احدى الخطابات ان أغلب من تجاوزن سن الثلاثين هن في الأساس فتيات عرض عليهن الزواج في وقت سابق ورفضنه بسبب التعليم أو الأهل أو غيرها من الأسباب، وهن الآن محطمات لا يجدن من يؤنس وحدتهن، متنازلات عن الشروط التي وضعنها سابقا في العريس اللقطة
وبينت الخاطبة أم احمد أن السعر الذي تتقاضاه من الراغبة في العثور على زوج يختلف حسب عمرها وطبيعة عملها، إذ تتقاضى من المعلمة العانس ما بين 7 آلاف إلى 20 ألف ريال، أما الطبيبة أو الممرضة أو الصيدلانية فمن ألفي ريال إلى 5 آلاف ريال، مشيرة إلى أن هناك الكثير من راغبات الزواج لا يفرضن شروطا أو متطلبات غير أزواج مناسبين يقترنون بهن، بينما على عكس ذلك نجد شبابا يطالبون بزوجات يتقاضين مرتبات حتى ينفقن عليهم
ما اقول الا حسبي الله ونعم الوكيل على العنوسة اللي تخلي البنات يذلون نفسهم للدرجة هذي
وحدة من الخطابات االكويتيات اللي كلمتها تقول يا كثر بنات البدو اللي عندها واغلبهم قارب على سن الاربعين ولم تتزوج ، تقول الاعداد كبيرة والاقبال كبير عليها من البنات لكن اعداد الرجال عندها قليل مقارنة بالبنات وفوق هذا يتشرطون ويبون الجميلات فقط
أعتقد السبب الرئيسي أكمال التعليم والمهور المبالغ فيها………..
بس والله صج صج شي يضيق الخلق لما اروح العرس واشوف هالامهات مرتزات وبناتهم كاشخين يمها وبس تطق الطقاقه ولا اشتغلت هالاغنيه اقرصت الام وحده من بناتها عشان ترقص وتنشاف ويالله على هالحال لين يصيب العيار ويصير الاختيااااااااااااااااار
يا رب تستر على بناتنا وترزقهم الرجل الصالح
قولوووووووووووووووووووووووووووا امييييييييييييييييييييييييييييييييييييييييييييين
من تشرط الرييياييل الغريب
واختبارات الهيئه اللي يسوونها الامهات
تدق وتطلب بيضا طويله شقرا ضعيفه مشتغله علشان تصرف علي ولدها خو الزواج الحين صفقات والرابح الريال
وولدها عممره 35 يبيب ام 19 ان قالوو بنتنا عمرها 35 قالو ويييييييييييي كبييييييييييييييييره
وتيي الام تشوف ان عجبتها البنت دقت علي الولد وخلته يدش يشوف البنت
شدعوا خليه يشوفها من البداااااااااااااااااايه يمكن اللي مايزولج ايووزله
والله بعد قلبي صايرين عرررررررررررررررررررررررررض
الحين شوفو البيوت البنات اكثر من الشباب
ولا كل بنت تطمح بولد جخ هههههههههههههههه خو حمدو ربكم عيال الجح مايبون درزن شباب علشان يزوجون بنات الاوادم
والله انا ابوي رحمة الله عليه قال اشتري ريال وماني عيزان اصرف علي بنتي المهم تكون مرتاحه
تكون البنت تبي اتكمل تعليمها وترفض الزواج الين تخلص ولاخلصت
تكون الطيور طارت بارزاقها ……….
احصائيا عدد البنات يفووووق عدد الرياييل وهذا بكل العالم مو بس بالخليج
يعني اللي تلاقي ريال تجلب فيه بيدينها وضروسها :d
الله يرزق كل عانس الرجل الصالح اللي يؤنس وحدتها يارب
و هم السبب ان زياده العلاقات خلت الشاب يكتفي عاطفيا و مايفكر بالزواج لان وراه مسؤليه و مصاريف..يرافج له وحده و يطلعون مع بعض و يسولفون و عادي جنهم متزوجين..