العصبية ذبحتني .

اول شئ احتمال من تأثير حبوب الحمل ..

لان لها اثار وهم من اثارها العصبية انت غيريها وشوفي ..

وانت اللي تحددين ان كانت منها اولا يعني من اول ما تزوجت والا بس من اكلت الحبوب..

ثاني شئ انت لما تعصبين ::

1) تعوذي من ابليس

2) توضي

3) قومي ان كنت قاعدة ,, او قعدي ان كنت واقفة ,, او طلعي من الغرفة ,,

ولا تحجين سكتي واستغفري الله واكثري من الاستغفار..

4) تذكري اجرج وانت كاظمة غضبج وغيظج ,,,

وهم تذكري عاقبة الغضب والعصبية اللي انت فيها وافات اللسان وغيره ..

الله يبعدها عنج ويهديج ويوفقج لما يحبه ويرضاه ويبعد عنج الشيطان الرجيم…

ام عبود ..

مشكوووورة حبيبتي عالرد ..

اللي قلتيه اسويه دايم ..

بس مرات ما ينفع .. اكون معصبه حيل ..

و تدرين شنو اللي يذبحني .. مرات ريلي يسكت عني و يطلع ..
اهني انا اموووووت .. ليش يهدني و يطلع ؟؟؟

مع ان هذا الصح ..

بس بعد عمري مشككككورة و ادعيلي الله يخفف هالعصبية فيني ..

تحياتي ام عبود

هلا :

عيوني ===يكون فوزية الدريع بس

انا نفس مشكلتج بالضبط

وزوجي هاااااااااااااااااادي جداااااااااااااااااا

ويطووووووووووووف لي غالبااااااااااااااا

بس ان كان حبيبك عسل . . .

علمت نفسي اكبح جماااح نفسي واهدي اعصاااابي . . .

اطفالي علموني اضبط اعصاااابي وبعد زواااج دااااام خمس سنواااات . . .

تعلمت من تربية اطفالي انى اتحكم بأعصابي بنسبة 80بالمئة شي طيب ولله الحمد . . .

جزاه الله الف خير انه هادى ويطوووف صراخج وعصبيتج عليه

ترى يمكن هذا اللى خلاج تزيدين وتزيد عصبيتج

سبحان الله لو انه سليط ولسانه زفر ……..كان صرتى تتحاشين تتهاوشين معاه ….صج والله

دايماااااااا حبيبتى خليج هاديه ……وتعوذي من مصايب الزمان وادعى ان الله يثبت قلبج ويريح بالج ……صدقينى احنا ما ندري شنو خاشه لنا عسى الله يكفينا شرها

خلي طاقتج للايام الجايه ….خليج قويه وصابره وكاظمه للغيض

وعسى الله يريح بالنا ويغفر زلاتنا اللهم امين

نفس نفس حالج ..وانا يمكن اثر ..انا مصرقعه يعني افصل بروحي ..ومسكين تلاقينه مو مسويلي شي ..والله مرات اتناجر على الريمووت ,واقوله مابيك او ودني بيت اهلي ..وادري انه الريال مرده بيمل وامي ورفيجاتي كله يقولولي ححمدي ربج عندج واحد مثله ولا يطير من ايدج ..وواااايد خايفه من باجر ودي اتحكم باعصابي

اكيد من تأثير الحبوب ..في حريم ما تناسبهم الحبوب وتصير عصبيه أذا ما كان طبعج اساسا قبل الزواج
ومثل ما قالتلج الاخت تعوذي من الشيطان وروحي توضي ولاتناقشينه وانت معصبه توضي وصلي وخلي الموضوع لهدت اعصابج
وانت باول حياتج يمالج بتشوفين اشيا تنرفز في البيت من الخدامه وبالدوام
واكيد زوجج الحين بيتحمل بس بعدين ….لاء

ديري باااااالج حبيبتي
ترى الريال ينفر من المرة اللي صوتهاا عااليي
يمكن يطوف لج مرة مرتين بس بعدين لاااا
(القلوب ان كلت ملت)
غيري الحبوب معروفه تلعب بالأعصاب
واذا ماناسبج نوع ثاني
ركبي لولب
طيعيني كله ولا النفسيه
الريل لايمكن يتحمل مرة جذيه
وابي لج الخير
واذا حسيتي انج بتعصبين
روحي توضي على طول
معروف الوضوء يطفئ الغضب سبحان الله
وعسى الله يهديج ويريح باااالج

انا حالتي نفس نورا بالضبط كنت مثلج بس بعدين حسيت ان قام يمل ويهدني ويطلع فكنت ادق على امي وابجي وامي تقولي لاتسوين جذي ترى يروح حق وحده ثانيه هاديه وماتصرخ مو مثلج مينونه
اهني بديت افكر بديت اطق بريك وقت الاعصاب واغير السالفه او استغفر
والله كريم حبيبتي

اول ما تحسين انج بتعصبين تعودذي من ابليس وقولي لا إله إلا الله وحاولي تقرين البقرة والأذكار .. انا حاشتني عين وكنت دايما مثلج أعصب واصلا ما يكون شي يستاهل .. وبعدين حطي ببالج شغلة ان الريال تفكيره غييييييير عن المره انتي ببالج شي واهو بواااااادي ثاني يعني بالأصح ما يكون قاصد اللي انتي فاهمته

الله يوفقج ويبعد عنج كل شر

البنات ما خلولي شي اقوله ماشالله عليهم .. انا على حسب ما اسمع من اللي اعرفهم ان الحبوب تأثر على المزاج .. يمكن يكون منها صج .. تبين تتعلمين الصبر على اصوله؟ اشتغلي مدرسه ابتدائي صبيان ! بتتعلمين الصبر وضبط النفس من قلب لأن قلبج ماراح يطاوعج تصرخين على ياهل وان صرختي ثاني يوم يايينج اهله يلعلعون !! عدل يا مدرسات؟ انا عندي الوالده الله يطول بعمرها جذي عصبيه ناااااااااار وانا من النوع اللي بسرعه تقدرين تنرفزيني والوالده الله يسامحها مو مقصره فيني ما نتوالم بالعصبيه بس والله العظيم تعلمت اضبط نفسي منها انا اللي اعصب بسرعه اصير قدر الامكان ثلجه جدامها عشان تطخ شوي .. بس مرات تزيد الجيله شوي تخليني غصب اتكلم عاد انا اهني اتعوذ من ابليس وأقوم من جدامها عشان لا تكبر السالفه على ولا شي وبعدين بالنهايه اهي امي جنتي وناري الله لا يحرمني منها

حبيبتي راح اعطيج طريقتين تسوينهم وان شاالله عقبها بتصيرين هاديه وترى هالطرق مسويين عليهم دراسات وانفعت
اول طريقه تيبين ورقه وتكتبين فيها عبارة (انا هاديه جدا) تكتبين هالعباره 21 مره يوميا لمدة 21 يوم اوكي
الشغله الثانيه استرخي بمكان هادي عالسرير مثلا واخذي نفس شهيق وزفير ولما تاخذين شهيق اكتمي فيج النفس وعدي لي الخمس وبعدين طلعيه ولما تطلعين النفس وتخلصين قولي أنا هاديه جدا سوي هالطريقه يوميا لمدة 5 دقايق او 3 دقايق وانشالله راح تحسين بالفرق وراح تقل العصبيه بالتدريج

الحال من بعضه

شلون قلبج يطاوعج تصرخين على ريلج …..ترى مهما سوى هذا ريال وله احترامه وما يصير تعلين صوتج عليه مو حلوة بحقة
وبعدين شراح تسوين لي راح حق غيرج…….انتي بس فكري بهالشي وانشاءالله راح اتغيرين

انا بعد عصبيه ولمن كنت اتهاوش مع ريلي لازم اكسر شي علشان تخف عندي العصبيه .. اخر مره كسرت تلفونه لوول بس ماقال شي حرام لأن فعلا كان غلطان … سبحان الله بنات اللي تكسر شي بيدها تخف عصبيتها . وانا اتفقت معاه ان كل مانتهاوش يا انا اطلع من البيت او اهوه علشان تهدى النفوس … طلعي من البي اهو يطلع علشان تهدى النفوس صدقيني لا تكونون بنفس المكان لأن راح تتعدى الأمور بشي انتي لاترغبين فيه ولا اهو .. ولله يهون عليج ويوفقج