السكن مع أهل الزوج بين القبول والرفض ؟؟؟؟؟

كيف الحال عساكم دوم بخير إن شاء الله ….

حببت اطرح عليكم قضيه او موضوع لاخذا ارائكن وانطباعااتكن الا وهو

السكن مع الزوج في بيت العائلة(بيت اهله) هل يؤثر على الاستقرار

منذ سنوات مضت كان من الطبيعي أن تسكن الزوجه مع والدة زوجها في منزل

واحد بل كانت تسعد الزوجة بهذا ويسود بينهما كل الود والحب والتعاون

أما الآن فعادة ما تحلم العروس ببيت الزوجية المستقل

الذي يضمها وحدها مع شريك حياتها لتكون هي صاحبة الأمر

وآلاتي يرفض العيش في بيت العائله ينسقن وراء حلم الاستقلالية

متذرعات بالمثل كن بعيداً تصبح حبيباً

عزيزاتي هل تقبلن السكن في بيت عائلة زوجك؟؟

ام تفضلن الاستقلالية في بيت خاص لكِ؟؟

وان كان زوجك وحيد والديه واكبر عائلتة؟؟ماذا ستفعلين؟؟

لكم مني أعطر التحايا….ريم ست الحريم

وانا عن نفسي تغيرت نظرتي بعد تجربتي :

انا رأي الافضل الزوجان يبدون حياتهم مستقلين بروحهم
لتجنب المشاكل وحتى يبقه الكل بمعزتهم
محد يكره الثاني
بس اكو حالات استثنائيه ما ممكن الابن يترك اهله
بهذه الحاله يجب ان تكون الزوجه متفهمه لهذا الوضع
ومستعده ان تعيش مع اهله

البيت المستقل افضل عشان تعجنين زوجج عالشكل اللي تبينه
وتاخذين راحتج سواء بالطلعات (مايقولون راحت او رجعت) او اللبس او الراحة النفسية ومنها يحشمون المرة اكثر ويولهون عليها عشان لا تطيح الميانة ذاك الزود

بس في بنات يشوفون انه ملل يعني لمن اكون انا وزوجي بأول زواجنا وماكو عيال تحسين ودج في اكشن مع حمواتج خالتج الناس اللي تزورهم وتصير منافسه معاهم الخ الخ الخ
وشكرا عالموضوع

هاي شلونج ام فهودي احسن اذا كنت بسكن خاص عشان نبعد عن الحجي او دندره او اخذ راحتي

والله انه رايي غير عنكم الصراحه هالشي يعتمد على اهل الزوج والمرأه
يعني اذا اهل زوجج زينين ومايتدخلون ابشي فبالعكس السكن عندهم افضل
والاجارات بالديره ناااااار الواحد لمن يبي يبتدي حياته موعلى الضيقه الماديه
بالله عليكم اقل اجار شقه ابجم مو 180 بالمناطق البعيده
موانتي اولى وريلج وبيتج ابهالفلوس اذا اهل ريلج زينين
اما اذا كان عليهم حجي لايبا اشتري راحتج بفلوسج
والله انه الحمدلله والله لايغير علي
ساكنه بيت اهل زوجي
محد له شغل فيني وين رحت ورديت المهم ان انه زينه معاهم
واسوي الواجب وباليمعات معاهم وولاعندي مشاكل
وحرام اذا ام الزوج ماعندها غير هالولد او محد من عيالها قاعد معاها
لازم احد يتبرع يقعد معاها
عشان لاتحس بالوحده والبيت خلى وماعندها احد
وهذا رايي وعن تجربه الصراحه

حتى لو كان اهل الزوج عسل مصفى ….حلم الزوجه في بيت بروحها أكيد موجود…..
الحياه المستقله في بيت بروحج طبعا أحسن ….مو لي تخانقتي مع زوجج الكل درى""""""""""""""""

والله انا عشت مع اهل الريل وانصح كل وحده انها ما تعيش مع اهل الزوج لأن حتى لو زينين اهله احس ان اي مشكله اتصير بيني وبين ريلي دروا فيه وسمعوه لأن قاعين في بيت واحد لا وساعات يتدخلون وتنقلب الدنيا وتقعد، وغير لما ندخل وحنا شارين شي احس ان امه تغار حتي اخوانه ويطالعونا من فوق لي تحت اول شي دلعوني والأكل يوصل لي باب الدار وبعدين قعدوا يزنون براسه عشان اطبخ بالرغم من خدامتهم اهي اللي تطبخ وبعدين يحترون لما اهلي يزوروني عاد انا من النوع اللي اهلي يحبون يمرون على وايد يعني لو بشقه احسن وايد 0

انا عن نفسي عادي اعيش عند اهل ريلي لانهم يحبوني وانا احبهم وخالتي وايد زينة معاي وتحبني بس لمة اسكن بروحي اخذ راحتي اكثر وهم ريلي عنة نعيش بروحنا احسن عشان ناخذ راحتنا اكثر

افه خمس ردود بس
على العموم مشكووورين على المرور

ويالا يبنات نبي تفاعل اكثر

من ناحيتي انا ما اؤيد العيشة مع اهل الزوج الا في حالة وحده ان الزوجين يكونون معزولين في شقة مفصولة حتى تتوفرلهم الخصوصية والراحة ويتجنبون المشاكل والقيل والقال .. اما ان الوحده تقعد بغرفة وحمام فهالشي مزعج وماتقدر الوحده تاخذ راحتها كلش لو بتسويلها اكلة حق زوجها ماتقدر لان مهما يكون الوحده تستحي تدش مطبخ مو مطبخها وتخبص فيه .. بس تظل فكرة الحياة المستقلة واايد اريح واحسن بس كل واحد وظروفه .. واسفة عالاطالة

هذاك اول تحب الزوجة انها تعيش ببيت حمولتها ..

بس الحين لا لان الزمن تغير ونفوس الناس تغيرت وماعاد احد يتحمل احد وتلاقين المشاكل كل ما لها بزيادة..

عن نفسي خالتي زينة بس انا اكيد احب الاستقلالية..

والله يرزقنا ويطلع بيتنا ..

اللهم امين..

انا ساكنة عند اهل ريلى

لانة حبيب قلبي الولد الوحيد

انا مسوية لى نظام شقة بالبيت
ومرتاحة وياهم
لانة مالى شغل فيهم ولااهم شغل فينى
ومشكورة

انا مع السكن مع اهل الزوج

بس بشرط

بشقه منفصله وباب منفصل

وبجذي نمسك العصا من النص

أنا أحب أكون بعيده وسعيده …
والواحد بعيد ويالله السلامه هالمره بعد عندهم …….
لا يبه لا يحوووشك بس

انا براى اريح لوحدة تكون بيت بروحها تقعد على راحتها وتنام على راحتها هم تكون بعيدة وعزيزة لان الحريم لكثرو بالبيت كثرت المشاكل والحزازيات يتجمعون مرة بالاسبوع ويكونون حبايب ولا كل يوم نجرة ومشاكل هم اذا اشتهت شى تطبح اللى تبى انا خالتى اذا شافتنى اطبخ تقول اللة يديم النعمة احد يحط جبن على الكيك >>>>يبة شيز كيك من بعدها كرهت الحلو وسواتة >>>>>>>>>>>>>> سورى متعقدة شوى
طولتها مو جذى