هل الشكوى من عيالك تنحش الزوج من البيت؟؟؟؟؟

[size="4"]هلا والله فيكم كلكم,,,,,,,,,,,,,,,,,,,,,,,,,,,

اليوم بالدوام دار نقاش بيني وبين كذا وحده ؟؟؟؟؟وحده من كانوا قاعدين تقول لا يمكن اتشكى من عيالي جدام ريلي اخاف يمل ويطفش من قعده البيت

اوكي؟؟؟؟؟؟؟؟؟؟

شلوووووووووووون؟؟؟؟؟؟؟

قالت حتى لو مرض واحد من اليهال او طاح ما اتصل عليه حتي لو كان فاضي وقاعد بالدوانيه لاشغل ولا مشغلة

ليش؟؟؟؟؟؟؟؟؟؟؟؟؟؟؟

علشان ما انكد عليه فاخذ ولدي او بنتي واوديها الطبيب بروحي

صراحه ما اقتنعت !!!!!!!!!!!

وين المسؤلية والمشاركه ؟؟؟كل هذا علشان سي سيد يعيش حياته مرتاح وانا ماكله<<……….>>>

ما ادري رياييل الكويت وصل فيهم الدلع ان حتى مرض عياله بالخش والدس

فهموني

لا غلط وستين غلط .. شنو اهما موعياله ؟؟؟ موابوهم ؟؟؟
بالله اشلون بيحس بالأبوة والمسؤولية اذا كل شي آنا اسويه ؟؟ موحلوة جذية اصير جني ريال اودي عيالي واييبهم وكل شي علي ؟
ومنو قال الريال يطفش ؟؟ بالعكس اذا الوحدة بالبداية عودت ريلها على المسؤولية والمشاركة بتربية اليهال ماراح يطفش بالعكس بيستانس ، آنا استغرب من البنات اللي تقول وديت عيالي الطبيب ووديت عيالي السوق ورحت اشتري اغراض من الجمعيه و و و … مليون شغله اهي تسويها .. وين ريلج ؟؟ والمشكله انها مستانسه تطق سيارتها سلف وتفتر وبالأخير لي طاح الفاس بالراس تقول ريلي مادري شفيه وريلي لاهي وكل شي علي !!! مو انتي عودتيه بالبداية ؟؟؟؟ تحملي !!!

وااااي احس تعبت بس يبطون جبدي هالنوعية

مو للدرجه هذي لا المفروض المشاركة بكل شي

بس بيني وبينج هالأيام اجازة وعيالي زايد النشاط عندهم حبيتين وسهر وطقني واطقك وانتي عارفة وانا اتشكى له من ولدي واحس زوجي طفش وانحاش تصدقين صاجة

المفروض ما نشتكي بكل شي صج احس زوجي طفشان منهم
بس بالمرض لا عاد يوديهم وانا معاهم بعد هذيل عياله مو بس عيالي

مشكووووووووووووووووورة حبيبتي على الرد

والمشكله ان رياييل الكويت يلقون لهم ملييييييييييون سبب حق التطفش

بس

كل شي يصير على على ابو انه يبي راحته ببيته اوكي

سوا التزاماتك ومسؤلياتك

وتالي ارتاح على كيفك

والا شرايكم؟؟؟؟؟؟؟؟

حبيبتي هالفترة هذه اجازة ومن حق اليهال يسهرون عقب المدارس والنوم المبجر

بس بالمعقووووووووووول

يعني اناعيالي لازم الساعه 12 ينامون علشان ارتاح انا مو بس ابوهم

اما الشكوى من اليهال

فهو شريك حياتي اذا ما اشتكي له منو اشكي له

يعني لازم يصير لي شخصيتين علشان يرتااااااااااااااااااااح

الحمدلله والشكر ليش اهم عيالى بروحى

والله الريال اللى اتسبب على ادنات الدون بقب عاد اشتكت المره والا اسكتت منحاش منحاش ياماله الضربه

بس صج انا استغرب اكو يهال طول الوقت يمه ودينا يمه بروح يمه ويمه ولاجن عندهم ابوى صج مأساه في نظرى

وانا بعد استغرب بس هذا حال اغلب الاسر شوفي حواليج

حتى مراجعات الحوامل ثنتين حريم مع رياييلهم وعشره بروحهم

تقولون الظاهر حملوا من نفسهم

بس همن

المره على دور لازم تشركه بكل شي…………….ينغث شويه بس ما عليه يتعود ويخلي الدلع

الحمدلله ريلي مشاركني حياتي بكل
شي الجمعيه او الطبيب او اي مكان نروح مع بعض اهوه اصلا يضيق خلقه
اذا طلع بروحه وخاصتا انه بيتوي درجه اولى ..
ووايد اشووف ريايل شايلين المسؤووليه واحس الي ما يهتم بأمور بيته
هذا مو كفو الواحد يحط له اعتبار ..

الله يهنيج وهذا المفرووووض يصير

مو معقوله انا اكل بنفسي واهو بتشبب ويرتاح

اذا الريال برا مو داري عن البيت … ليش اخاف عليه و اقول ما ابي انكد عليه …

لا يبا … الريال ملزوم يودي عياله الطبيب … و ان ما قدر اوديهم اوكي بس لازم يعرف عشانهم و عشان يحس اني انا سويت شي بداله و رفعت عنه مسئوليه …

عشان يقدر بعدين ..

ترا مرات يكون الريال زين و ما فيه الا العافيه …بس المره اهي اللي تخربه …

بس كثر الحنه و التشكي عاد مو شي …. يعني ما يكون هذا اهو موضوعنا الوحيد … بس لازم يعرف كل شي عن عياله … هم عشان يعرف احتياجاتهم و مشاكلهم و يساعد يحلها ..

عين العقل

وهذا المفرووووووووض

والمرونه مطلوبة بكل شي مو مشكله اعذر مره مرتين بس مو دايما

والحنه مو حلو بكل شي

بس همن احنا بشر وننغث من عيالنا ساعات

لا عااااااد بالمرض لازم يعرف حتى المرض مايقدر يتنازل يوديه او يدري انه تعباااان !!!
بالنسبه انا المراة تودي عيالها اماكن معينه عادي بصراحه للي تسوووق وهم مرات الريال يكون مشغول فاهي تخلص بعض المشاوير اللي تقدر عليهاا مو كلهاا والحياة مشاركة واهو طبعاا بالمقابل يسوي وبالنسبه للتشكي الوااايد اللي ع كل شي هذاا صج يطفش

صاجه حبيبتي الحياة الزوجية مشاركة مو اللي قاعد يصير الام اهي الام والابو بنفس الوقت

لازم الأب يكون له دور بالتربية …بس الوحدة تنقى الوقت المناسب للشكوى ..و تحاول أن تكون من الخبرة والثقافة و الذكاء بحيث أنها تطرح مشكلة الولد و تعطى الأب تصور حق الحل و نوعية العقاب ,,من خبرتى الصراحة ..الريال إالى ما يعرف يتصرف بهالمواقف إالى تتطلب الحزم والشدة
أهو إالى يهج من البيت يهج من الفشل فى أنه يواجه هالأمور …فالدور علينا إحنا بالدرجة الأولى الأمهات …نتثقف و نقرا و نسأل و نروح محاضرات ..عشان نعرف شلون نواجه هالأمور .

ويقولون لين الرجال ينحرف اذا هو غير مكلف باي شي حتي عياله مايوديهم يموت احسن علي الاقل يجيها معاش تحلم فيه اسم الله علي رياجيلكم بس مومعناته اني مابي ادوخه مابي اغثه لا ياقلبي هذول عياله وماهي حلوه تالي الليل بروحج بالمستشفي والحبيب فالقها بالدوانيه لا غلط

ياقلبي الرجال يزهق اذا جا بيته وشاف عياله ازعاج وطلبات وهواش هنيه يكره يدش بيته الا عقب ماينامون عياله وبالتالي مافي علاقه بينهم ولا يسوون له احسا ف اختصرروا الموضوع وعلمي عيالكم الهدوء والادب واحترام الابو ولازم يكون مرتبط فيهم ولهم طلعه معاه اسبوعيا