الكذب الابيض

السلام عليكم ورحمة اللة
خواتي في شغلة منتشرة في مجتمعنا بشكل ملاحظ الا وهي الكذب الابيض عندالازواج
وخصوصا عند الرجال .والعذر هو علشان احافظ على العلاقةالزوجية والبعض منهم مايبي مشاكل بالبيت فيضطر يجذب على زوجتة .يعني اذا راح مكان يعرف ان زوجتة ماتحبة يقولها انة رايح مكان ثاني

فهل تعتقدون ان هذا حل مريح للازواج ؟والا انة نوع من الخداع؟
ولو انتي اكتشفتي ان زوجج يجذب جذب ابيض تسامحينة وتعدينها والا تعاتبينة؟
ارجو منكم الرد
اختكم:ســـــــــــــــــــــــــــــــــــــــــــ ــمــــــــــــــــــــــــــــــــــبــــــــــــ ــــــــــــــــــلة

الكذب كذب مهما تغير لونه مهمما تغفرين القلب ما ينسى خاصة من الزوج

على حسب الجذبه وعلى حسب مبرراته

أعديها اكيد

هذي عشرة عمر بس بعد فترة بنغز عليه واعلمه اني مكتشفه كذبه كله عشان ما يعيدها
لوووووووووووووول
قمة الاحراج واهو منكشف

ما اسامح لو شنو لان لو انا جذبت عليه ادري ماراح يسامحني
العين بالعين والسن بالسن

اشكركم خواتي وماقصرتو

اذا كانت الجذب ما يضر احد بس لتفادي المشاكل ok
بس اذا غير جذيه لأ لازم يوقف عند حده ما اخليه يعتقد انه مستغفلني

كلام معقول.شكرا

لا حبيبتي الجذب جذب … يعني اذا جذب اليوم جذبه بيضه وطوفتيها ,,, باجر يجذب جذبه سوده هههه .,,, يعني مو لازم الريال يتعود عالجذب وله بعدين حياتكم كله بتصير جذب بجذ

اشكرج اختي على الرد