:: حياكم اللــه كلكم معزومين تعالو شوفوا الحركات ::

شــلوكــــن كلكـــن شخباركــــن ؟؟

شــلون امتحانات العيال معاكم … و اللي عندهم امتحانات قوموا .. يالله دراسه دراسه

حيالله الكويتيات .. منورين والله

هيييييييييييييو بنتq8 بره ماكوا رياييل بينه عيب

ابييييه فشله ما ضيفتكم …. يااااااااااا ميري يبي الجاي

:
:
:
:

ويه ويه حسبي الله عليج شهـــ البيالات فشلتينه … ميخالف خدم هالايام لا يعتمد عليهم …
بيني وبينكم عبالها اللي زايرتني ام خالد >>> منو ام خالد ما ادري

تفــــضلوا ..

المهم .. يالله نبدي اقدم ثاني مهنه للحريم من بدايه الكون و اهيه

.
.
.
.
.
.

الحـــــــــــــــــــــــــــــــــــش طبعا انتو عارفين الاولى

اقولكم ذاك اليوم زايرتني اختي و عاد قاعده تسولف عن رفيجاتها و يمعاتهم

وطبعا لازم يحشون … بنات اللذينه كانوا قاعدين يحشون فيني

اختي تقولهم …

تفضلوا الحلـــو ..

" انا اختي <<<<< اللي اهيا انا … محسوبتكم … معبــوجه

المهم انا اختي تموت على سوالف الحوايين و الخلطات و الصوابين "

طبعا انا عشقي هالسوالف امووووووووووووووووووت فيها

ما تــشوفوني منقعه عند خواتنا بمنتدى العنايه بالبشره والجسم <<< ههه دعايه

ليلحين ما دشيت بالموضوع

المهم يا محفوظين السلامه …

خذتهم السوالف .. ووصولوا ان شلون فيه بنات يحبون التغيير والفناتق

وهذا موضوعنا ….

ياااااااااااااااااااااا ميري .. وين المكسرات

افففففففففففففففف لازم اقوم … واي على هالخدم

اي يالله يالله …

عاد وحده من البنات الله يسلمكم … تسولف عن مرت اخوها …

قاعده معاهم بالبيت في بيت حمولتها يعني ..

اول شي قولوا ماشالله … لا اله الا الله … تبارك الرحمن

مابي اخذ ذنبها البينه.. لا تحوشها عين

عاد تقول .. ماشالله عليها من كثر ما اهيه سنعه مسنعه …

اخوي ما يطلع من البيت

واذا طلع يخلص شغله بسرعه و يرد طيران

حته ما ينزل من شقته يقعد معانا

ويييييييييييييييه ليش محد كلا حلو … لا تقولون رجيم يالله مدوا ايدكم حبايبي

انزين على الاقل فاكهه ؟؟؟؟

المهم …..

سالت اخيتي ….. اي عاد شتسوي

تقول هذي البنيه عليها فناتق مفنتقه

وعيشتها كلها حركات … ماشالله عليها

يقولج كل يوم صبغه .. وكل يوم لوك يديد

مره مسويه تان .. وصابغه الشعر اسود

ومره مسويه جلسات تبييض و شعرها اشقر و مو أي اشقر .. هذا لون الاجانب المايل على الابيض مادري شنو يسمونه

المهم و مره طويل و مره قصير و النبي والكرزي و الــ…….والـــ….والـــ….

المهم تغير بشكلها

وياليت بس شعر ولبس

يا بنات ما تصدقون

تغير حته شكل جسمها …. مره ضعيفه تسوي رجيم

و مرات تمتن عشان ريلها .. خبركم ريايلنا يحبون المتن

ما تبـــون معجنات …. حق منو يايبتها انا …. شدعوه يا حافظ

وغير هذا كلــــه…

عليها حركات ارعه بنت الايييه

قولو ماشالله …..

تقول حق عيد ميلاد ريلها .. شمسويه …

تارسه ارضيه غرفتها كله تفافيخ ملونه …. و معلقه تفافيخ طايره بالبيت كله

دش الريل البيت شاف الزيـــنه والكيكه وو الحركات

و شاف صندوق هديه شكبره … مكتوب عليها "كل عام وانت بخير ..افتح الهديه قلبي "….

بس المره وينها … وين اتوقعون ……….

قاعده داخل علبه الهديه الكبيره … يعني اهيه الهديه

وحاطه داخل الصندوق تفافيخ صغار ملونين وقعدت فيه لما ريلها بطل الصندوق طارت التفافيخ و طلعت اهيا داخل

صج حركـــات هااا ؟؟؟؟

ايييي وتعالوا شوفوا شسويت يوم درت انها حامل ابــــ بجرها

دخل ريلها ….

والا دبابديب ترس البيت اشكال والوان شي صغير و شي كبير واللي يغني واللي فيه عطر

و كاتبه بغرفت النوم welcome home dady بالتفافيخ

طبعا الريل ين عليها و تشقق ….

ماشالله عليها لا اله الا الله .. ادعولها يا بنات اللـــه يوفقها .. ما اعرفها بس تساهل الدعوه والله

يا ربي يخليلها ريلها ويسخره لها و يحفظ عيالها لها ..

والله يرزقنا يا رب

ها شرايكم بحركاتها ؟؟؟ زوغـــه مو ؟؟؟

عاد انا صراحه كنت خاشه هالافكار حقي….عشان اذا الله رزقني بالمقرود الا عندي حركات …..

بس ما اقدر اخش شي عن حبايبي …..

والله نورتوني وو ونستوني

لا تنسون الوفيه وانتو طالعين و اخذوا حق عيالكم …

ولا تنسون اتبخرون وانتوا طالعين حبايبي ….

وقولوا لام خالد انا مخليه السنع لها … صج ما تستحي .. تقول عني ما اعرف اوجب …

يالله مع السلامه

اي قبل لا انسا يا بنات اللي عندها افكار حلوه و غريبه تعزمنا ..لا تخش شي
على قولتهم انشر تؤجر