الزوجه العامله —–

مرحبا 00000 كويتيات عاملات 00000 حبيت اسال سؤال هل يكون لك انت المراه العامله نصيب من اموال زوجك ام لا000؟ يعنى بالعامى جذى يعطيك زوجك من فلوسه وانت موظفه والا يقول لا عندك معاش —

انا مو متزوجة بس هذا حق وحتى بالاسلام الرسول علية الصلاة والسلام سن على الريال ايا كانت فلوس مرتة انة يعطيها حقها وعلى بيتها وانا اللي اشوفة اغلب اللي اعرفهم يشتغلون هم رياييلهم يعطونهم فلوس

حتى لو انها تشتغل وعندها معاش اشلون المره تحس بانوثتها وحب زوجها لها لما يصرف عليها مو يقول عندج معاش

انا موظفه وزوجي ماخذني موظفه عشان اساعده
بس الصراحه اهو اللي بصرف على البيت ويشتري اغراض العيال ويدفع معاش الخدامه واللي يقدر عليه يمده بس مو دايما
يعني اذا بغيت شغله غاليه شوي انا اشتريها،ولاداتي بالمستشفى الخاص علي
اكثر ملابسي علي واذا بغيت شي غالي للعيال يقول ما اقدر فتصير علي
وصراحه مو مضايقني هالشي لأن معاشه مو قوي وانا معاشي اقوى
واذا صار عنده ما يقصر

الموضوع مكرر
وانا قلت طبعا اخذ منه لان الزوج اذا ماصرف على مرته ماحس في رجوله
اهي تحط وتساعد بس لازم يعطيها

الله يخلي بو عبود والله العظيم يابنات استلم المعاش اليوم بعد يومين بالكثير وهو طاير..
الله يهديني حييييل مسرفة بمعنى الكلمة..

طبعا لازم يصرف علي وعلى عياله..ومن يخلص مهاشه ألتفت على معاشي واصفره ….اهني أرتاح…على الحديده…

لازم الريال يصرف على المرا حتى لو تشتغل بس رياييل هالزمن يبون المرا تصرف على روحها

للأسف ان ريلي ما يعطيني مصروف كل شهر و لما قلت له المفروض تعطيني يقوللي تبين اعطيج لا تشتغلين قعدي في البيت اعطيج مصروف .. مينونة اقعد بالبيت خالتي تقوللي لا يمة لا تسمعين كلامه هههه

انا قاعدة بالبيت واخذ مصروف والله مرتاحة يمكن ارجع اشتغل مادري شراح اصير بس لا يحلم اني اصرف علي او على عيالة فلس حمر

أكيد يكون لج حق من فلوس ريلج انا اصرف معاشي وارد اقوله عطني, لازم تعودينه انه يكون مسئول عنج حتى لو عندج معاش , ما اقصد انج تضغطين على الريال بس لازم يعطي .