المؤخر . انتي معاه أو ضده؟؟

السلام عليكم و رحوة الله و بركاته
————————–

اشلون الكويتيات؟؟ أتمنى تكونون كلكم بخير و صحة و عافية

الموضوع حبيبات ألبي إني أعرف وحدة تطلقت من ريلها كذا مرة

و كل ما قالها سوي حركة يقولها إذا سويتي العكس فإنتي طالق!!

يعني مثلا إذا طلعتي من الباب انتي طالق

و لا اذا أكلتي هالأكلة فإنت طالق!!!! يعني ملاقة السالفة

المهم البنت خلصت عدتها و الحين الريال يبي يرجعلها، لكن شرطت عليه شرط، و في الغالب أهلها اللي اشرطوا مو اهي

اشرطوا يكتب بالعقد اليديد مؤخر مبلغ و قدره!!!

اشرايكم بسالفة المؤخر؟ و هل فعلاً يكون رادع للرجل يمنعه عن الطلاق؟

و هل المرأة تقبل على نفسها إنها تعيش مع واحد ما يبي يطلقها بس لأنه ما يقدر يدفع المؤخر!!!! و لو ما المؤخر جان طلق من زماااان؟؟؟

و هل انتي شارطة على زوجج مؤخر؟ و شنو السبب؟؟؟

يا ريت تتفاعلون مع الموضوع و تعطوني آرائكم

و لا تنسون التصويت فوق .. يهمني أعرف رايكم

احنا ماعرفنا المؤخر الا من المسلسلات المصرية
يعني شفايدة المؤخر اذا تنازلتي عنه عشان تبين الفكه من الريل صح ولا لأ؟

وشفايده اذا انتي تحسين الرباط الوحيد بينج وبين ريلج الفلوس

قطيعه صج دنيا حقيرة

صاجة أميرة

حياج الله و مشكورة على التصويت

شوفي
بزمنا الحين كل شي يخرع
انا صوت ب نعم
ومقتنعه فيه
عيالنا مو مال مسؤوليه
ياخذها شسمه ويقطها عظم < مو عارفه المثل
المهم المؤخر للمرأه نفسها
تبني حياتها من جديد
وادري ان اهلنا مايمشي معاهم المؤخر وهالسوالف
أخذها بعباتها هههههههه

طبعا لااااااااااااااااااا
اذا ابي الفكه منه شفايده الفلوس بالعكس انا راح اعطيه فلوس عشان يطلقنى واللحين منتشر هاللشي (الخلع)اذا طلب لانى اذا بعته خلاص الفلوس وصخ دنيااااااااااا ماتسوى راحتى النفسيه..

حبيبتي

المؤخر مب هدف بحد ذاته

بس المؤخر هو الدواء لأمثال هؤلاء اللي الطلاق عندهم مثل شربة الماي .. مستهترين وغير كفؤ لتحمل مسؤولية الزواج .. يلعبون ببنات الناس وكأنها رقيقه ومب زوجه

فهو رادع لهذي الفئه

لذلك فأنا أأيد وجود مؤخر .. ومب أي مؤخر .. لا .. مؤخر يقص الظهر من قلب .. يخليه يعد من الواحد للمليون قبل لا يفكر بالطلاق

بتقولين هذا ظلم .. أقول لكم لالالالا

الظلم هو يوم يلعب ببنات الناس

والظلم هو يوم ما يعرف الفرق بين زوجته أم عياله وبين سيارته

والظلم هو يوم ياخذها بنت من بيت ابوها ويقطها وهي تحمل لقب ( مطلقه )

والظلم أن أمثاله من أشباه الرجال ما يعرفون ولا يفهمون قدر الزوجه ولا قيمتها خاصة إذا كانت أم عياله إلا بوجود قيد يخليهم يفهمون قدرها وقيمتها

البنت هي الطرف الأضعف في العلاقه الزوجيه .. خاصة مع أمثاله .. ويجب تقويتها وتحصينها من مزاجيات وتقلبات أهواء مثل هذي النوعيه

بتقولون يمكن البنت هي الغلطانه .. بقول لكم هناك محاكم تفصل وتحكم إذا كان من حقها المؤخر أو لا .. ولو كانت هي الغلطانه أو هي اللي طلبت الطلاق فلن تحكم لها المحكمه بالمؤخر

لذلك أنا مع مؤخر الصداق .. ومؤخر يكسر الظهر بعد

انا رافضه فكرة المؤخر نهائي لان الي قاعد يصير الحين ان من غير مؤخر والريال يلوع جبد المره على ما يطلقها يبيها تتنازل عن النفقه بعد مع مؤخر والله ايننها ليم يخليها تقوله يبه انا اعطيك فلوس بس طلقني .
ومن ناحيه ثانيه في ناس عبالهم ان بيمسكون الريال اذا حطوله مؤخر وهذا اكبر غلط لان الريال اذا عاف المره المؤخر ماراح يوقفه عن الطلاق لا بيطلق وانتي راكضي على المؤخر بالمحكمه واخر شي يقصدوله اياه.
فليش عوار الراس من البدايه انا اقول خل الوحده تشتري راحتها وايد احسن

تبين الصج .. الريال ما يرده المؤخر .. و لو المؤخر موجود اييننها على اساس تطلب الطلاق و تسقط حقوقها .
يعني الريايل لو في بالهم شي ما يردهم اي شي كان عنه .

gloob927

حبيبتي .. يوم يكون الريال سيئ .. فكلامك صح 100 %

بس يوم يكون لعّاب وكلمة الطلاق على لسانه بسبب وبدون سبب .. أو هو ماخذها كوسيله لشيئ آخر .. فالمؤخر هو اللي بيمسكه

وبعدين سالفة تقسيط المؤخر مب بهالسهوله

يتأكدون أولا من عدم وجود أي عقار باسمه أو أسهم أو رصيد بأي بنك .. ويوم ما يلاقون شي عنده ساعتها يقسطونه عليه لو كان موظف وله راتب

المشكله هي ان المرأه ما تفكر ساعتها إلا بالفكه عنه .. وتتنازل عن كل شيئ من عصبيتها وضيقها .. وهذا هو الوتر الحساس اللي يعرف أمثاله اللعب عليه

الموخر
يساعدها
بعد
الطلاق

مايرد الريال عن الشر
مرات ياذي المره يعلقها علي المؤخر

خل تحط مؤخر عشان اذا تطلقت تطلعهم من جبده ولا تتنازل

خل تيريره بالمحاكم

بنات المؤخر حق من حقوق المراة الي كفلة لها الشرع يعني مو بكيفنا اكو ولا ماكو ماخر هذا شي كافلة لها الشرع ما له شغل الافلام المصرية
وطبعا اهو مثل التعويض للمراة بعد الطلاق
انان معاكم ان الريال لي بغا يطلق ما يردة شي وان ممكن بحسر في المراة علشان تتنازل عن مؤخرها بس هذا للمايخاف الله سبحانة وكون ان في رياييل بهدلوا حريمهم فهذا مو الاصل هذا شي شاذ
"امساك بمعروف او تسريح باحسان" ماتبيها طلقها وعطيها حقوقها
بس ضعف الدينعند البعض اهو الي مرات يوصل الامور بين الزوجين للاذية والبهدلة
ومشكورين

اذا الواحد بيعلق مرته علشان المهر.. فهو غلطان !

المرا بكل سهوله ترفع عليه قضيه بالضرر وتطالب بالطلاق + التعويض

واذا صار هالشي يكون خلع وبالتالي ترد الهدايا + المهر له لكن الم}خر يظل لها !

اذا اكو احد محامي تعرفونه سألوه ممكن يفيدنا أكثر بعد ..