التقاليد وأيام الملجه – لو سمحتوا ابي رايكم بكل صرااااحه

راح اكون اول مشاركة

انا عن نفسي ضد اي تدخل بين الزوجين ايا كان الموضوع وايا كانوا المتدخلين ومن رأيي ان هذي مسألة شخصيية ما تخص احد غير الزوج والزوجة ولا تحتمل تدخل اي احد ايا كانت صلة قرابته من الازواج.. وبمجرد ما تتم الملجة معناها انهم صاروا حلال على بعض ومو من حق اي احد ان يتحكم في قربهم او بعدهم عن بعض .. فقط الازواج اهم الي يقررون اذا كانوا يبون يقربون من بعض في فترة الملجه او بعد العرس ..

يلااااااااااااااااااااا ارااااااااااااائكم بلييييييييز

انا قلت رأيي لكن ما تكلمت عن تجربتي

اوعدكم اني اتكلم عن تجربتي بعد ما اشوف المشاركات اوكي ..

انامع المحافظه علي العادات والتقاليد لاسباب وايده خصوصا بهالزمن الاقشر
ماتدرين يمكن لابنت تسلم نفسها لخطيبها علبو مالج عليها وقبل حفلة العرس صار بينهم خلاف وقال مابيها وطلقها اشذنبها هالمسكينه تبتدي اول حياتها بكلمة مطلقه وموبجر من بياخذها عقب هالريل حتي لوياها نصيبها تلاقين قلبه متروس شكوك يقول لوفيها خير ماعافها الطير
وثاني شى ماكو ام وابو مايبون مصلحة بناتهم مامنعوها من التأخير الا اهمه عارفين شقاعدين يسوون يحسبون الف حساب وحساب حق يوم العرس عالاقل يطلعون ببياض ويه جدام اهل المعرس وعيب تصير البنت مشفوحه ايام الملجه لازم تثقل واذا موقادر يصبر الريال يستعيل بتأثيث بيته وياخذ بنت الناس مرفوعة راس معززه مكرمه من بيت اهلها
في بعض العوايل يطلبون من المعرس نيشان واكيد الاغلبيه مايعرفون شنو النيشان

النيشان اهو عباره عن منديل ابيض فيه دم البكارة يعطيه الريال حق ام العروس والمعرس وتالي ابو العروس وابو المعرس يشوفونه علشان يكون دليل علي ان بنتهم بجر ماجاسها ريلها طول فترة الملجه ولاعندها خرابيط قبل العرس
اظن هالعاده الحين اندثرت بس في عوايل ليما الحين متمسكه بهالشغله ويسوونها وقبل مايجهزون اغراض العروس يشترون هالمنديل الابيض هههههههههههههههههههههههههه

حتي الزواج اصلا مايصير حلو ولا له طعم خاص الا بليلة العرس

الغاليه نونو شكرا لمشاركتج وابداء رايج

بغيت اذكر ان سالفة النيشان هذي انا من رايي انها جهل

ما ورد عن الرسول عليه الصلاة والسلام هالعاده

ولاهي من تعاليم دينا واسلامنا

اتمنى ان الكل يتقبل كلامي وعفيه الاختلاف بالرأي لا يفسد فالود قضية

انا ما اقصد ان الوحده تكون مشفوحه

اهوا وارد ان ايام الملجه يصير بينهم شي ووارد ان ما يصير

اقصد ان هذا الامر اهما يتفقون عليه ومحد له علاقه بهالقرار غيرهم

يعني ما تقط روحها عليه ولا شي .. اهو قرار يتخذونا ويمشون عليه .. واذا كان القرار الي اتخذوه ومشوا عليه يقول انهم يعيشون عيشة الازواج فهو مو حرام ولا غلط ولا عيب .. وليش تطيح من عين ريلها دام انهم متفقين ودام ان بالحلااااااااااااااااااااااااااال يا ناس بالحلال ما غضبوا ربهم واهيه زوجته على سنة الله وروسوله .. انا ما اقووول ان هالشي لااازم يتم قبل العرس لاااااا .. ولكن ارجح ان ما يكون هناك قانون يمنع او يسمح .. وانما حسب اتفاق بين الزوجين بدون تدخل الاهل ..

واحب اعلق على كلامج وعفيه من غير زعل الخلاف بالراي لا يفسد بالود قضيه

شلون خطيبها واهو مالج عليها ، مالج عليها يعني زوجها مو خطيبها ، وزوجها معناته حلالها ، واذا تطلقت منه وتزوجت بشخص ثاني فمن الخطأ ان ينترس قلبه شكوك لانها ما غلطت ، اذا الله سبحانه ما راح يحاسبها لانها ما غلطت اهو بحاسبها !!!

ارجو انج تكونين تقبلتي رايي بكل صدر رحب

اختي نيبال .. شكرا لمشاركتج وابداء رأيج .. وانا احترم رأيج ورأي الغاليه نونو ولكن لي رأي اخر ..

مادري يمكن انتوا طريقتكم غير بس بالنسبة لي اذا فترة الملجة للتعارف فشنو نعتبر فترة الخطوبة وشنو نسميها ؟؟ انا بالنسبة لي فترة الخطوبة اهيا الي للتعارف ، اما فترة الملجة فهي للاعدا لبيت الزوجيه .. ووقتها اهو حلالي وانا حلاله فمو من حقي اني امنعه عن حلاله اذا طلب لان ربي راح يحاسبني .. وما راح يكون في بينهم خطوط حمراء لانها زووووووووووووووووووووجته يا ناس ..

وشكرا للمشاركه

شكرا لمشاركتج دانه

انا ما اقول مستعيلين ، بس اقول ان ماكو قانون يحكم ، ما يحكم بهالشي غيرهم اهما الاثنين المتزوجين ، وبالنسبة للحمل فآنا ضد الحمل قبل العرس علشان العروس يكون شكلها حلو في عرسها مو لسبب ثاني ..

وانا ماحب العادات والتقاليد تتحكم بالشخص طول ما ن الواحد ما اغضب ربه بشي .. وودي اقول شي بس اخاف تزعلون وتفهموني غلط فخلني ساكته احسلي

ارااااااااااااائكم بلييييييييز

والله بالنسبه لنا احنا عادي سمردحه مافي قوانين

من يملج الريال على المره تصير حلاله ومافي اي عوائق

تم التصويت

احنا بعد نفسكم سباجة

انا مع التحفظ والتزام بالعادات والتقاليد..

وفتره الخطوبه عندنا شوفه شرعيه وسؤال عن العائلتين وبعد الملجه تكلمه عادي او تطلع مع بس بحدود..

لا انا افضل انه ما يكون في علاقة فترة الملجة يمكن الحضر عندهم ضروري علشان تجهيز الشقة وغيرة بس احنا البدو لا كل شي على المعرس واهلة انا عن نفسي افضل كل شي يتم هالفترة جدام الاهل حتى الزيارات داخل البيت الافضل ما تطلع وياه .. وحلاتها تكون يوم العرس بعينه غير مو شبعان منها العروس لها لون خاص

احنا مثل سبااااجة