صدمة .لا ابتلاء من رب العالمين

بطبع الحياة وما فيها من مشاكل وامور تخلتف بين الناس فلا بد للإنسان ان يتعرض لموقف ما او مشكلة ما مع شخص سواء عزيز عليه ام لا

موضوعي اللي بتكلم معاكم الحين عجيب وغريب ويمكن صار لشكثر ناس

عندي وحدة بالدوام كان احتكاكي معاها مجرد سلام وعقب ما رديت من الاجازة والا صديقاتي اللي معاي بالقسم يبشروني ان ضحى تزوجت فانا بطبيعة الحال رحت وسلمت عليها وباركت لها بالزواج وعقب ما رديت القسم ولا اشوف رفيجاتي يتغامزون علي جان اقولهم هو شفيكم اكيد فيكم شيئ قالوا ها باركتي لضحى قلت هو وشفيها عيب ولا حرام قالوا لو تعرفين سالتفتها جان ما سلمتي عليها واحب ان اقول اني لاحظت ان سكرتيرة مسؤولنا واللي اهي حيل صديقتننا واسمها ليلى مو مداومة ويوم سألت عنها قالو ماخذة اجازة مر علي الموضوع عادي بعدين سألتهم اليوم انا ماني طالعة الا لما تقولون التغمز على شنو اكيد في سر شنو انا مادري عنه الموضوع اكيد في خبر ما علمتوني اياه

قالوا السالفة وما فيها ان ليلى عندها اربعة يهال تزوج عليها ريلها انصدمت صدمة حيل قوية ما صدقت قلت انكم تجذبون علي انا ما اصدقكم قالوا صدقي يالماسة واللولو الصدمة الثانية ان ضحى اهي الزوجة الثانية انا يا عزيزاتي ما صدقت ما تدرون ان الريال شلون يحب مرته شكثر مغرقها هدايا ساعات وتيلفونات وطلعات و كل سنة سفرة وانا ادري اهو يحبها ……….. طبعا ضاق خلقي واستأذنت رحت حق صديقتي ليلى ويوم افتحت لي باب شقتها و شافتني ……….ما قدرت ولا تبجي منهارة لميتها حسيتي انها قريبة مني وحسبت اخت وقعدنا وقلت لها شلون صار قالت ما تصدقين يا ألماسة ريلي يموت علي يحبني ودريت ان الدنيا مو على طول تضحك لي ولا بد ان الانسان ربي يختبره في اصعب المواقف والحمدالله ان هذا ابتلاء من رب العالمين وقالت واحس ان القهر يملأ قلبها وكلها حزن وكان كلامها اصبح فيه صعوبة من كثر الهم ………… قالت اني عزمت رفيجاتي بالدوام ومن ضمنها ضحى ( وعلى فكرة كنت انا من ضمن المدعويين) على استقبال امي يوم رجعت من الحج ولا عاد هذا الاستقبال؟؟؟؟؟؟؟؟؟

خربت سيارة ضحى وعقبها دقت علي تستنجد ان الوقت الحين متأخر وان سيارتها خربت فمن حسن النية والقلب الصافي دقيت على زوجي وفي الحال حضر وليته لم حضر وقلت له ان رفيجتي سيارتها خربت وانا وياك نبي نوصلها وطول الطريق يطالع عليها بالمنظرة وكان تبادل الاعجاب سبحان الله من اول مرة ويوم وصلتها بيتها ثاني يوم اشكرتني بالدوام وعقب ما رديت البيت قلت حق زوجي ان ضحى تشكرنا على التوصيلة وعقبها اخذ زوجي رقمها من النقال وانا ما ادري وليما حصلت الطامة الكبرى وقالي شوفي اليوم ابيج نسهر مع بعض قلت شعندج قال نبي نستانس بس على شرط نومي اليهال مبجر علشان نطلع ونتمشى وعقبها نتعشى ويا شينها من طلعه قال لي شوفي يا ام فلان ترى انتي العزيزة والغالية وانتي ام عيالي وانتي الاولي وانتي وانتي ووووووووو قلت هو وشفيك انت فيك شيئ لاني ما توقعتها منه قال لي انا ملجت والاسبوع الياي عرسي ……….. قلت له حسافة على عمري اللي قضيتها مع انسان في النهاية رفسني لان بصراحة ما يستاهلون الريايل ولا تعطينهم الثقة وتدرين يالماسة ان قسيمتي اللي دفعت معاه دم عمري يقول لي اختاري اي دور علشان انتي تسكنين والثانية لها الدور الثاني

انا ما اقدر ادوام واشوفها جدامي الحين قاعدة ادور لي واسطة علشان انقل لاي مكان وانا ادري ابفقدكم بس مو علي كيفي…..قلت لها شوفي حبيبتي سوي اللي انتي ترتاحين فيه والله يسلم النقال يقربنا منج ولا يهز لج اي شعره واللي رفسج ارفسيه وخلي همج الاول والاخير عيالج اللي الحين اهم محتاجين لج لانها صدمه لهم والله يعينج ويصبرج ويثبتج على طاعته

طلعت منها وانا محطمة اهي انسانة يا اخواتي طيبة لاقصى درجة وكريمة وخدومة وحبيبة وعشرية وانسانه مؤمنة عارفة دينها بس الانسان اللي يحبه ربي فعلا يختبره في الدنيا ولا في الاخرة

هاذي الانسانه ضرت بحياة صديقتي مع ريلها وحطم حياتها والشر لازال قائم سامحها الله ولكن سؤالي ان صديقتي بعض المرات تدعي عليها وعلى زوجها هل هذا الشيئ تستاثم عليه ……………. لا تلومونها من الهم اللي فيه

رفيجتي تفكر ترفع قضية عليه لكن انا ما أأأيدها وانتو شرايكم؟؟؟؟؟؟؟؟؟؟؟؟

شقولج اختي هي لو تستحي ما خانت رفيجتها لو كان الرجال يبي يتزوج كيفه بس ما اخدع رفيجتي لو هو عينه زايغه انا اصده اتحاشاى بجميع الطرق او الرفض مو ما اصدق على الله او وحده من الدوام حريم اول قالو خاويني وخاويج واخذ ريلج واخليج

حسبي الله ونعم الوكيل ………..

زين هي ليه ماتفاهم وياها
وتقول لها ان قدرتج وخليت ريلي يساعدج لاني انا واثقه فيج ليش تهدمين حياتي ومن هالكلام لين يلين راسها هذا اذا ماتزوجها الى الان

وطيعيني المحاكم ماتجيب الا عوار الراس

بس فرضا انه لامحاله تزوج خلاص لا تتركه خليها توددله تدلله تصير احسن من اول تسوي اللي سوت ايام شبابهم يعني تعيد القديم وكأنها عروس جديده ……..
ولاتتهاوش معاه ترحب فيه لي دخل تبخره لي طلع تهتم فيه اكثر من عيالها

والله والله راح يتغير ويصير ماينام الا عندها ولا ياخذ الاشورها ………
وتموت هدامة البيوت هذي من الغيره وتطيح بشر اعمالها

فيه صديقه تخون صديقتها ولا معاها بنفس الدوام ………..
حسبي الله ونعم الوكيل ………..

ان شاء الله البنات عندهم اكثر من كلامي اللي قلته واحسن

بس خليه يادهينه لاتنكتين طيعيني قولي لها …………..

والله ينصرها عليها يارب

الله يعينها

مالها الا الصبر ولا ترفع قضيه عليه عشان عيالها

وانشالله البنات يفيدونج اكثر

السلام عليكم ورحمة الله وبركاته اختى الالماس ان الله اذا احب عبد ابتلاه وهذا ابتلاء من رب العالمين والله يحي يشوف عبده هل هو صبور ولالأ ومالها الا الصبر والدعاء وتكثر من قراءة القران وقيام اللليل وتدعى ديم ربها ان الله يرجع لها زوجها وصدقينى ماكو شي بعيد عن رب العالمين وانصحيها لا تتسرع برفع قضيه وتدخل فى محاكم وقضايا يمكن ربي يهديه ويرجع حق عقله عشان عيالها حرام وربي الله يهديه ويصلح باله وربي يفرج همها وهم كل وحده يا رب العالمين خليها كل يوم تقرا سورة البقره ودايما تدعى هذا الدعاء لا الا الله الا انت سبحانك انى كنت من الظالمين وتكثر من الاستغفار واللهم اجرنى فى مصيبتى وخلفلي خيرا منها وربي يسمع دعاء المظلوم وهى مظلومه وربي كفيله ان شاء الله الله يفرج همها وهم المهمومين يا ربالعالمين

نفس ما قالت بنت الاجاويد
خل اتغرقه بحبها واتخليه يتحسف على اليوم اللي بنام عند الثانيه فيه
هذيكي مو متربيه وغداره شلون رضى ياخذها مادري
وشلون رضت فيه واهوه ريل رفيجتها اللي ساعدتها

خل اتروح اتقولها حجي اتخليها اتحس بتأنيب الضمير
هذا اذا عندها ضمير بالاساس

وخل اتحاول بريلها اذا مافاد
لا تتطلق حرام لعيال يضيعون
خل اتظل معاه وتتقبل الواقع وتنساه وماتعطيه اي اهميه
واتعيش حياتها
وتطلع واترد واتسوي كل اللي ودها فيه
انا لو مكانها كنت راح اسوي نفس اللي كتبته بالضبط
لا اكثر ولا اقل
خل تهتم فيه اهتمام مافي مثله
وعلى الاقل ماتبين نفسها انها متضايقه منه
بالعكس خل تضحك جدامه وجنه عادي عندها
اهني اهوه اللي بيركض وراها

والله يعينها يارب ويصبرها
وحرام علييه صج صج ظلمها
وهذيكي انشالله يردلها اللي سوته بغيرها
صج صج ضيقتي خلقي بسالفتها احس ببجي والله

اااااااااااااااااااااااي والله وايد نسمع عن رياييل يتحرشون برفيجات زوجاتهم بس الوحدة تحترم صديقتها وتصده مو ماصدقت علي الله
اعوذ بالله
الله يعينها ويساعدها ويفرج كربتها قادر ياكريم

حسبي الله ونعم الوكيييييل والله دمعت عيني

لاتنسى الدعاااااااااااء و الاستغفاااااار والله ما ينسى عبده

وحده من اهلنا كانت رايحه درس ديني والمحاضره قالت مايجوز تقولون حرام تزوج ولا هالكلام لانه هذا شرع الله …

بس تدرون اللي يقهر في الموضوع والقصه هذي انه صديقتها خانتها … صج خيانة الصديق قهررررررررررررررر

عندي الريال يتزوج بطريقه تقليدية اهون من طريقة الخيانه وان يتزوج صديقة مرته ولا خدامة مرته ولا بنت خالة مرته عن طريق شفتها وعجبتني …

الله يصبر الجميع

عذا ماكان يحبها اساسا واااااضح

الي يحب مايشوف غير حبيبيه خصوصا ان بدون محاولات انعجب فيها بالسياره على طول

واي قهر

الله يعين قلبها والله

آآآآآآآآآآآآآآآآآآآآآآآآآآآآآآه منهم آآآآآآآآآآآآآآآآآآآآآآآآآآآه

لاحول ولاقوة الا بالله

حبيبتي قوليلها من له حيله فليحتال لا قضيه ولا ديولو ترجعه بالطريقه الي انسرق منها فيه

واهيا اكثر وحده ترعف نقطة ضعف ريلها

وخل تبدي المعركه