|
|
هااااااااااااااااااااااااااااااااااااااااااااااااا اااااااي عليكم كلكم …
اشلونكم …
ولهانه عليكم يالغاليين ..
الله يسلمكم بقولكم السالفه وابي خبرتكم ..
الله يسلمكم بالجامعه وحده درت اني حامل وانشرة الخبر حق البينات والصبيان والكل منصدم ومتعجبين انه انا متزوجه لانه شكلي صغير ..
ومزهقيني بدنيتي على حنتهم اووووف وماكو سؤال مايسؤلونه ولا لازم لازم يتدخلووون اب كل شي وانا نوعي حيل استحي اني ادقر..
في وحده معاي بالكلاس انا كلش ما ابلعها البنت الله يستر عليها الحمدلله والشكر وانا نوعي اللي مايعجبني ما اكلمه كلش ..المهم من درت ذبحتني اتحن وتسأل شسم زوجج وشنو عايلته قتلها ليش قالتلي بس جذي فضووول وانا الهبله جان اقولها وحدي بعدها انقهرت ليش قتلها لانه البنت مو سيده وحسيت ماله داعي تسأل بس شسوي انا نوعي استحي ادقر المهم هالحجي امس والاخت اليوم مستلمتني كنا قاعدين نتكلم مع الاستاذه عن الازواج الكويتين واستاذتنا امريكيه متجنسه كويتي فوايد فاهمه بالعلاقات الزوجيه وقاعده تنصح وقاعده تقووول حلاة الريال يذكر مرته حتى لو اب ورده ..جان البنت هذيج تنقز وتقولي انتي ريلج اييبلج ورد انا انصدمت حقرتها ولفيت ويهي جان ترد وتسألني مره ثانيه ريلج اييبلج ورد قتلها لأ وابتسمت ولفيت ويهي عشان مابيها تسال اشياء ثانيه جان تسالني حتى بالفلنتاين قتلها لا انا اعترف فيه ولا ريلي ومره وحده بس يبتله هديه وبس كانت هديه عاديه ومالها شغل بالفلنتاين جان تقوووول اييي انزين حتى عيد زواجكم ماتحتفلوون فيه انا لاعة جبدي وسويتلها نفس الحركه حقرتها واتعيد كلساع السؤال تبيني ارد عليها جان اقولها امبله بس مو خبه ونحتفل من صج لا بس انها تكوون ذكرى وعادي طاف قااااااااامتت اتخووووززني اووووووووف جان اطلع لعة جبدي مابيها تسال بعد وانا طبعي مادري متى اتك منه وهالمستحى ينشلع مني؟؟
اشرايكم ؟؟وشنو تهقون اللي تبيه من كل هالاسئله ؟؟
وشلون ارد مره ثانيه من غير لا ادقر انا ما احب ادقر احد والله ؟؟ابي ارد من غير لا ا جرح ومابي ارد؟؟شسوييييي
ومنو ماره عليه هالسوال وشلون تعاملتوا مع هالمواقف؟؟
وعلى فكره ريلي مره ياي معاي الجامعه ومادري اذا كانت شايفته معاي ولا لأ؟؟
يالله سوووووري على القرقه بس لاتنسون ترى انا البنوته الكتكوته موتكشتون فيني وماتردووون
يله سلااااااااااااااااااااااام
صج هذي ماتستحي على ويها …
ولو انا منج والله احقرها ولا ارد عليها لان مافي ميانة بيني وبينها ولا اقولها اسم ريلي ولا شي …
وعلى فكرة وايد من هالاشكال اللي يسألون وايد من غير سنع…
وانتي لاتحطين في بالج شي بس خلاص لازم تخلين بينج وبينها حدود يعني بتسألج عن شغلات بالجامعة اوكي ام عن خصوصياتج لا تعطينها مجال …
اذا اسألتج اى سؤال مرة ثانية قوليلها بطريقة حلوة يعنى وانتى مبتسمة لا ماراح اقولج انا مااتكلم بخصوصياااتى خلااااص ترا عن جد اتضاايق
واذا عندها ذوووق راح تستحى واذا ماعندها ذوق بترد اتدخل حزتها قوليها بطريقة اشوى جدية انا مو قتلج مااحب اتكلم عن خصوصياتى ؟
شوفى حتى لو حسيتى انج تحرجتيها تذكرى انة هانوعية جذى يفهمون يعنى لاتتحسفين
انا جذى متعاملة مع الفضولين مو حلوة بحقى اتكلم عن حياتى الخاصة جدام الناس
عاد انا اردى منج وااااايد تمر علي هالمواقف من اهل ريلي
مثل شنو سويتي اول ما شفتي ريلج ؟؟ لميتوا بعض ؟؟ شلون اول بوسة ؟؟
و في اسئلة خطيرة
بس انا مسويه نفسي هبلة كله اضحك و ما ارد
قاموا يعرفون لي اذا سالوا سؤال و ضحكت على طول يوخرون عني حتى ما يعلقون
بس هالبنت حسيت ان شكلها ما يريح
ريما .. انا استحي ادقر جذي فجأه احس نفسي جني معقده لوووول فشله يامعوده عطيني طريقه غيرها ..
ذكككور ..صديقتي الصدوقه المشكله انا نوعيتي ابتسم واضحك استهبل بس اهي تحن وتزن الا تبيني ارد عليها فهمتي .. وحدها مو راحه ولاهي رفيجتي عشان هالجرأه اللي عليها
شوفي يا قلبي
قوليليهاا وانتي تبتسمين..لما تتزوجين اقوولج كل شيء
انتي صغنووونه لااحقه لهالسوواااالف
واذا اهي ما تستحتي وقامت تتمدادى..خلج مثلا لا تستحين وقوليلها مو شغلج ..وبعدين ماراح نخلص من هالسوالف
وقفيها عند حدهااا
وبسسسلامتج
تخيلوا لا وحده ثانيه جدام البنات الثانين ومومتزوجين والبنت توها متزوجه صارلها سبع تشهر متزوجه تقووولي شنو طريقتج عشان تمنعين الحمل كل هالسنتين @@ اي شي قلة ادب تقولي غير الحبوب واللولب انا ويهي صار طماطه امبيه مو لهل درجه ولا اهي اول ما درة اني متزوجه ومالي علاقه فيها ولاهي رفيجتي ولا شي يت فجأه تسألني جدام كل البنات امبيه قلةادب البناااات حدهم افللاااام ..وانحاش منها واتبوسم واترد تسالني الحمادلله والشكر
قوليلها هذى اسرار بيوت وعوايل وبليز ههههههههههههههههه عاد انتو بنات الجامعه كله تقولون بليز موووووو
قوليلها بليز لزمي حدودج وانامابيني وبينج شى علشان اعطيج خصوصياتي شوفي لج شى ثاني ينفعج احسن من سوالفي ولاتعطينها شى عقب االيوم هذى ملقوفه والملاقيف لاتخلين لهم مساحه بحياتج ياقلبي صدقيني بتتعبين اذا طاوعتيهم حتي لوبحسن نيه ترا موووووكل مره تسلم الجره نصيحتي لج خلي زمالتج فيهم بالكلاس علي قولتج وبس لاتخرخرين لهم كل سوالفج وخصوووصا سوالفج مع ريلج ياقلبي وعسا ربي يبعد عند كل عين وكل حاسد ويهنيج ويسعدج دنيا وآخره يارب دايما قوليلها لا لا لا
ليما تزززززززززززهق وتعرف انج ماتبين تدخل بخصوصياتج
واذا مصختها مره وحده قوليلها ماادري
اي وحده تسئلج ردي عليها بسؤال
يعني مثلا قالت لج ريلج يابلج ورده بالفالنتاين؟؟؟
ردي عليها بمليون سؤال قوليلها ليش تسئلين؟؟؟ محد يابلج ورد؟؟؟ خليها اهيا تنحرج و تتوهق او قوليلها ليش انتي تعترفين بالفالنتاين ؟؟؟ بس يقولون حرام ؟؟؟ ضيعيها
و مثلا قالت لج ماتحتفلون بعيد زواجكم ؟؟؟
قوليلها انتي تحتفلين بعيد ميلادج ؟؟ او اذا تزوجتي بعيد زواجج ؟؟؟ صج انتي متى حاطه ببالج تتزوجين ؟؟؟ طبعا راح تتبلعم
يعني تدربي انتي اللي تسئلينها و تحرجينها بحيث انج تغيرين الموضوع و تفتكين من الاجابه
وفيها فضول
بس انتي ليش تعطينها تفاصيل اكثر من اللزوم !!!
قوليلها امي موصيتني ماسولف عن اللي يصير ابيتي بره وابتسمي
و ريحي بالج من هالناس اللي ذابحها الفضول .
والله حاسه فيج
مره ثانيه اذا سألتج جاوبيهااا بس خليج متضايقه علشان تحس شوي
وهي مع مرور الايام ماراح تقرب صوبج