انت وزوجج والمعاش

): موضوع بنظري مهم ويحتاج مناقشه معاكم فاتمنى القى تفاعل وصدق في الاجابات

هالموضوع خاااص للمتزوجات فقط …

كنا نتناقش انا ورفيجاتي جم زوجها يعطيها بالشهر اعلى رقم 100 دينار واقل رقم 0
الله يعين وحده زوجها بالحسرة يعطيها فلوس حق المناسبات وماكو مصرف شخصي وهي المسكينه مو متوظفه …

فحبيت اطرح الموضوع معاكم جم يعطيج زوجج بكل شهر واذا في مناسبه كالعيد او العرس معاشج لج ويعطيج غيرة او يزيدعلى معاشج عشان تكفي للمناسبه

واذا موظفه يعطيج والا لا ؟؟؟ وشلون طريقتكم بالفلوس والمصرف
واذا عندج عيال يعطيج فلوس لهم والا لا وشلون طريقه المصرف لهم

اتمنى القى تفاعل وردوو والا

اصير ارهابيه هههههههههههههه

انطركم

أنا موظفة وتوني متزوجه وماعندي عيال بس ما يعطيني أغراض الثلاجة ما يجيب ياليت الباقي يفيدونا

انا موظفة الحين بس لما كنت طالبة كان يعطيني مصرف حسب قدرته وعقب ما يبت بنتي يعطيني مصرف لها هم حسب قدرته والتزاماته اذا ماكفى وبالغالب ما يكفي انا ازيد من عندي …
بس اغراض البيت اهوه اييبها .. وقبل لا اشتغل كان يعطيني مبلغ زيادة شوي حق العيد او المناسبات اللي احتاج فيها زيادة ..

بصراحه انا عمري ما طلبت متى ما اهو عطاني عطاني
على الرغم اني غير موظفه .. بس ساعات تكون عندي مناسبه اطوفها ولا اروح عشان ما ابي اقوله عطني

انا مو موظفة واكيد اهو اللي يصرف بس طبعا في قيود مهما كان مو على كيفي وبكل شي لازم له راي حتى لو مو مقصر بس فيها احراج السالفة ومافي حرية بالصرف

بعد ما اشتغلت

معاشي الشهري منه صار 100 دينار <<< من كيفه مو غصب

والجمعيه اكيد عليه
واغراض الياهل وملابسه اكيد عليه
بس انا ماعندي هالتفرقه يعني اذا بمر الجمعيه من ككيفي مو الا اقوله انا رحت الجمعيه وشريت وابي فلوس الجمعيه لا طبعا اشصاير

الحياة الزوجيه مشاركه

حلو الريال لمن يكون بالسوق معاج اهوا يدفعلج
مثلا خاطري بجنطه او تلفون صراحه اهوا يشتريلي

بس معاشي حقي وكيفي انا اذا بشتري شي حق ولدي ولا حقي ولا حق البيت
بس الأساس عليه اهوا

بس نصيحه لازم الريال يكون اهوا الي يصرف عالبيت عشان لا يتعود عالمره

وطبعا الرجال اجناس واصابع ايدكم ماهي سواااا << عطينا ويه

حسب معاشه وقدرته … يعني اللي يعطون حريمهم 100 تلقين معاشه 500 ولا 600 … بس اللي معاشه موصل 800 ولا 1000 المفروض يعطي 200 دينار بعد شنو لووووووووول … وحتى لو المرة اشتغلت المفروض يعطيها بالكثير 100 او حتى 50 .. بس لازم يخصص لها مبلغ شهري شنو اهي زوجته واهو المفروض يصرف عليها .. وحتى بالشريعه الاسلاميه المفروض الزوج يوفر حق زوجته المأكل والملبس وكل شي حسب قدرته وحتى لو كانت زوجته غنيه !!!!!!!!!!! يعني الحق حق بس رياييل هالوقت ياكرههم يدورون البيزه … بس المفروض المرة ماتسكت عن حقها .. والسالفة مافيها احراج .. والسالفة مافيها استحي اقوله !!! شنو احنا مو قاعدين مع رفيجتنا اللي استحي منها ومادري شنو .. هذا زوجج رفيق دربج ولي امرج .. حتى لو بطريق الذكاء والتنقز وعلى ضحك .. بس الحق ماينسكت عنه .. عيل شلون يحس بقيمتج اذا مايعطيج من عرق جبينه !!!!!!!!!!شلون يحس انج زوجته ومسؤول عنج ويحس بالحنان عليج وانج محتاجته …

ايواااااااااا ايوااااااااااااااااااااا

محتاره تعجبينيييييييييييييييييييييي

صح كلامج شكو الحريم يستحون من ريايليهم شخباري هذا ايام الملجه

بس بعد الزواج لا والله كل شي عليه عيل اشلون بيحس بقيمتج

حتى لو الزوجة موظفه

الصراحة المفروض يعطيها لو حتى 50 دينار اهو بالاسلام المفروض يصرف عليها وييحط لها وحده تساعدها بالبيت عشان اهي تتفرغ له هذا طبعا بالاسلام بس اللي عندنا يعرفون الاسلام وقت ما يشتهون واذا مو من مصلحتهم ما جنهم يدرون بس المسأله ما فيها مستحي الصراحه بس الرك على الأسلوب الحلو الطيب اللي الزوجة تبدي فيه الموضوع ههه حدي مشتطة عذرونييي بس توني منقهرة على رفيجتي من هالسالفة وحاطتها بقلبي ههههه

والله انا من تزوجت وقبل لا اتشغل يعطيني 100 ولم تصير مناسبات اهو يشتري ولمن اشتغلت سوي استقطاع شهري مدي الحياة يعطيني ونفس الشي حق اليهال يعطيهم كل شي……….الجمعيه اهو بس ساعات انا اعر بروح الجمعيه اتشهيت شغله شريت بعد مو لهدرجه بقوله شريت ب 10 والا 20
وطبعا فقير اهو الي يسدد الفيزا والماستر بس طبعا بحدود وهو الي يصيبلي بانزين ههههههههههه والله لايغير علينا يارب

اشكرج خخخخخخخخخخخخخخخخخ

انا مو موظفه للحين وماعندي يهال بس بصراحه انا ما احب احدد له عطني جذي بالشهر لا والله الحمدلله كل ما اروح معاه لازم اشتري شي ويعني حنا تقريبا كل يوم ولايومين طالعين واسوقه وجذي وحتى لو ماعنده يشتري لي ومايقولي لا ما اقدر اذا كان السعر شوي غالي للي ابيه ييبها لي الشهر الوراه بس انني احدد مصرفي لا كلش مو شي ليش اتقيد ب100 ولا 200 لا الي ابيه وهو يقدر عليه اشتريه وغراض البيت وكل شي عليه اصلن انا ما احب اطلع بروحي يعني كل طلعاتي معاه حتى لبيت اهلي ما احب اروح بروحي لانه هو موجود ويوديني
والله يوفق الكل

قبل لااتزوج يعطيني 100 بروح واذا عندي مناسبات مايقصر معاي العواني والهدايا يعطيني غير معاشي
لما توظفت مشاركة معاه بكل شي بكيفي يعني امر الجمعية اتمشى واشتري اغراض البيت بس مااطلبهم منه اشتري لعيالي وللبيت واللي ابيه عادي مافي بيننا حواجز جيبنا واحد والحمد لله مرتاحين ..الله لايغير علينا

انا مو موظفه بس الحمدالله ريلي مو مقصر معاي طبعا اغراض البيت اروح معاه نشتريلهم واذا كنت طالعه معاه اي شي ابيه ما يمنعني حتي لو قلت الله هالشي عاجبني وكان عنده يشتريلي اذا ماعنده يقولى خلاص الشهر الياي والحمدالله يعني مو محدد لي مبلغ معين اي مبلغ ابيه يعطيني اياه
عسي الله لا يغير علينا انشالله

انا الحمد لله مو مقصر معاي لو اخذ المعاش كله مايقول شي بس في مشكله ياليت القالها حل منكم

انا ينزل لي كل شهر راتب بدل بطاله ويتجمع عندي لاني مااصرف منه بس اذا خلص معاش زوجي وطبعا يخلص من ثاني يوم ينزل يجي يطلب منى مثلا عشره او عشرين لبانزين او طلعه وعلى هالطريقه ليما يجي معاشه وانا ابي اجمع واوفرلي وابي اعلمه شلون يوفر من معاشه واستحي اقوله لا بس احيانا اقوله ابي اشتري شغله اخاف مايكفي معاشي عساس ماابي اعطيه

يااااااااااربي شسوي؟؟