|
|
قوة بنات ..شلونكم ؟ إن شاء الله بخير …دوم يا رب
راح أعرض عليكم مشكلتى و يا ليت أى وحدة تدش الموضوع و ما تبى ترد ..تدعى لى على الأقل 
السالفة و ما فيها :
أنا مليت من تصرفات زوجى ..فعلا مليت وودى أعلمه درس و أخليه ينقرص …
أهوا ما يدرى عن البيت ولا عن عياله ..يرد من الدوام و يخمد لى ثانى يوم ..و ساعات يقوم على الساعه 10 ..يلبس و يطلع !!!
و طبعا عين السيح أمه و خواته ما يهدهم ..يوميا يروح لهم هذا غير يومين بالأسبوع يزورهم مع عياله بدونى …لأنهم غالطين على جدامه و لا سوى شى لهم
المهم …رمضان قرب ..و لمح لى إنه ما راح يكون بالبيت وقت الفطور …راح يتفطر كل يوم فى بيت !!! أنا هنيه بقيت أنفجر
ليش !!! و متى تقعد فى البيت و ليش متزوج عيل ؟؟ و متى عيالنا يتعلمون اللمة و يعيشون الجو الأسرى ؟؟؟ خل فطورك بره يوم الإجازة مثل العالم …طبعا أهوا يقارن بينه و بين رياييل من عايلتهم ..فى رمضان فطورهم جماعى ..المهم …المسج وصلتنى …أنه مو مرتاح معاى ..و الدليل إنه يلجأ للنوم وسيلة للهروب…و فطوره بره البيت يوميا …أوكى …الحين ..أنا مابى أدش فى دوامة و حرب إسترداده ..لأن الطرف الثانى هو أهله ..و على الرغم من كرهى لهم ,,لكن مو أنا إالى أفرقه عن أهله ..أنا عندى عيال ..و باجر راح يتزوجون و يفتحون بيوت ..و ما بيهم يقطعونى …لكن ..إالى أبيه ..ان يوازن بينهم و بينى ..انا لى حقوق ..مو بس أييب عيال و أربى و بس !!!
و أنا قلتله .. أنا مو مستانسه بهالعيشه ..و ضايق خلقى ولا راح أقدر أعطى أكثر ..يعنى كونى مو قاعدة احصل شى منه مادى و معنوى شلون أقدر أعطى ؟؟؟
و من صارت هالسالفة و أنا بس قاعدة أفكر إشلون أخليه يحس بإنى فعلا بايعة الموضوع …فكرت أهد البيت و أروح بيتنا ..بس للأسف ماكو مكان هناك لى ..فكرت أبهذل نفسى و أسكن بشقة ..بس إشتعوا اخوانى بيرضون
و هالأشياء كلها بسويها بدون ما أخذ عيالى معاى ..أقطهم عليه ..خل يبتلش فيهم و لا يوديهم عند أهله إالى أنا متأكدة بيطقون الصدر له (مسوينها حق حماى )….والله العظيم إنى محتارة …حياتى من خذته جذيه ..ضاع عمرى على الحرات …
الله يسخر لج من تحبين حبيبتى ..شلون أعامله ببرود ؟؟ و أنا بيتى قاعد ينهدم ؟؟ ما كو تقدير لى !!! ما كو إحترام !!! إشلون يعنى ..؟؟؟ أسوى نفسه !! ما أقعد بالبيت !!! والله أقدر ..بس ليمتى ؟؟؟شهالعيشه!! عيشة فنادق !!
خواتى يقولون لى أسوى جذيه ..على قولتهم ..دامه ينام فى البيت و لا عنده خرابيط !!!! ركدى و خلى شغله زاهب و تكشخى و قعدى !!!
إنزين وأنا !!!!!!!!!!!!!!! راح عمرى و ضاع على جذيه ؟؟؟؟؟
دامج متضايقه منه واهو متضايق قعدي معاه وتفاهموا ليش مايبيج ومقصر عليج وعلى اعياله اكيد في سبب واذا ماسمع لج سوي مثل ماقلتلج اختي brettey خلييه على راحته واكتفي بعيالج وراحتج مالج خص فيه واهله موقاعدين له على طول بييييلهم يوم كل واحد مشغول بعمره
والله يعييينج ويفرج همج ويسعدج
و إشتعوا الشماته مو شغالة !!!
و سالفة الشقة ..وايد قوية أدرى ولا هيا من سمتنا ترى ..بس تعرفين لما ما يكون بإيدج حيلة !!! و إنج قاعده تلطشين بالظلمة !!!!!
مردك حق هالبيت ..مردك حق عيالك …بس متى ؟؟؟؟ ترى ذيك الساعة بنكون متعودين على غيابك و ما راح يكون لك مكان بيننا …اليوم جمعه مع أهلك ..باجر كلمن بروحه ..و هذاالشى يصير ترى …تبى ذيك الساعة تتفرغ لنا !!!!..
تسلمين يا عذبة الصوت على الرد …الله يسخر لج من تحبين
تصدقين لو توقفين تفكير بتحسين ان لج اهتمامات ثانيه غيره راح ترتاحين ويمكن مع الوقت اهوا يحس انج مو مهتمه الا بنفسج وبعيالج فيحاول يعرف الاسباب وحزتها تقدرين تاخذين وتعطين معاه
بعدين أنا فعلا عندى إهتمامات ثانية ..و أقدر أحطه على الرف و أكمل العيشة مع وجوده الشكلى بالبيت ….لكن السؤال : هذى عيشة ؟؟؟؟؟؟؟؟؟؟؟؟؟؟؟؟
أنا مانى قادرة أدوس على نفسى و أقول له صباح الخير ..ودى أقول له بدالها " الله يفكنى منك بستر "و ساعات أدعى عليه بس أخاف ترد لى الدعوه …..
يا رب تعيننى و تخلصنى من هالغم
إنزين أنا رحت لهم رمضان إالى فات و حماتى غلطت على جدامه و صراخها شايل و لا سوى لها شى !!!!!!!!!!!!!! ..آمنا بالله ..إخته و لايقدر يقول لها شى ..خيخه
إنزين ..إذا أهله بهالطريقة يعاملون الناس!! شكو أييب اليهد حق عمرى !!
أقاطعهم أبرك …وخل ينشق شقتين …دامه ما خذا موقف من البدايه ..خل ياكلها …
أصلا صار لهم عزا رحت و يا أهلى كلهم نخلف و نوجب..و أهم الحمدلله يتصددون عنى !!!! أكثر من جذيه شسوى !!!!! إذا الموت ما أتعظو منه
ترى كلام إختنا سبائك صح، تركيه عنج شوي والتفتي لنفسج، اهتمي بنفسج وعيالج وبس.. أنا قبل كنت تقريبا مثلج، ريلي لي صار دوامه صبح يتغدى ونام لي الساعه 12 بليل، وأنا كل شوي أدخل عليه قوم يا فلان قوم يا فلان وعمج أصمخ…ووقت الزوارة ما كان يزور معاي و كل من يسألني وين ريلج أقولهم نايم بالبييت وأحتر وأبجي وأقوله أنا ما أحس إني متزوجه…
بعدين فكرت، قلت أنا لي متى بأقعد بالهّم..وفجّيت عنه، لمّا أزور أقعده مرّه وحده وإن ما قعد خذت عيالي وطلعت،، قمت أونس نفسي أطلع مع خواتي وعيالي معاي وأستانس وأرد البيت نفسيتي حلوة حتى لو صار له يومين نايم:d …أكتشفت إنه أنا كنت منكده على نفسي…
اتصدقين الحين لي زرت ورديت يقولي ليش ما قعدتيني، وليه رديت من طلعتي يسألني ها ستانستي و ستانسوا اليهال؟؟ ويشتاقلي أكثر..
فعرفت إنه بساعدتي قدرت أحبب زوجي فيني أكثر.. أيه ونسيت أقولج، في دعاد سمعت الشيخ العويد بإذاعة القرآن يقول ، قوله بنهاية كل صلاة وهالدعاء بإذن الله راح يغير حياتكم" اللهم أصلح لي زوجي وأصلحني له وأصلح ما بيننا" وفعلا عن تجربه شخصيه ، غير حياتي…
حاولي هالطريقه وعسى الله يسعدج ويسمح دروبج
الله يبرد قلبج حبيبتى
أنا أقدر أسوى جذيه ..بس من وين لى نفس
أنا كويتيه …
يا بعد قلبى على إهتمامج
مو حتى الأم أنا ماخذه على خاطرى منها تشوف البنت جذيه و لا تقول لها شى
بس هامها لمت عيالها على بعض !!!و حريمهم !!! خو حماى مطلق 2 من قبل و الثالثة كاهى تتأرجح ..اللهم لا شماته
يعنى الزبدة : أهما متعودين على هالأشياء ..و شعارهم ..أحنا و بس الباجى خس …