مرحبا خواتي
طلبت مني زميلة لي بالدوام اني اطرح عليكم مشكله اهي تواجها مع زوجها عل وعسى تساعدونها وتقترحون عليها الحلول…
المشكله مثل ماهو مبين من العنوان…
الصممممممممممممممممممممت
اهي تقول ان زوجها طبيعته انسان صامت…. نادرا ياخذ ويعطي معاها…
طبيعته هذي مع كل الناس مو بس معاها… وحاولت بشتى الطرق انها تخليه يتكلم ويناقشها لكنه بسرعه ينهي المواضيع مثلا تقول له… اشلون الدوام اليوم… يقول مثل كل يوم!…. شنو صار معاكم؟
ماصار شي….وهكذا ..!!!
مع انها تقول انه راضي عنها ومابينهم اي مشاكل…
فشنو برأيكم الحل عشان تغير طبيعته هذي وتخليه يتكلم ويتكلم….؟
ترى اغلب الريايل جذي طبعهم الصمت .. غير عن طبع الحريم الهذره .. صديقتج خل تحاول اهي تسولف معاه و تطول بالها و على شوي شوي يتغير الحال .. خلها من سالفه لي سالفه بس على سنع ..و خل تحاول تسولف بالاشياء اللي يحبها لو ما تهمها هالاشياء على الاقل ينطلق بالسوالف .. و ان شاء الله يتغير الحال .
انا رايي من راى الاخت زينه خل تسولف بالمواضيع الي اهو يحبها
و اذا ما نفعت معاه هالطريقة .. قوليلها خلتمسك روحها و تسكت .. راح يتحرقص ويسألها شصار .. و ين رحتي … و خلترد عليه بإجابات مقتضبة – قصيرة – مثل ما اهو يرد عليها .. شوي شوي لين تتعود شفايفه على الحركة
والله هالرياييل مشكله اذا كلنا اشفيك لا تقولين اشفيك واذا ماقلتى وسولفتى معاه يقول انتى ماتدرين عنى
هالحالة مستعصية
اذا تكلمتي سكت واذا سكتتي صح بيسال مره ومرتين بس بسرعه بيتعب ويرد يسكت
الحل:
مفقووووووووووووووووود
حبيبيتي اغلب الرياييل جذيه تسحبين منهم الكلام غصب يالله يرد عليج بجم كلمه
بس قولى حق رفيجتج خلها تسولف بالمواضيع اللى يحبها و انشالله مع الوقت يتغير
مشكورين خواتي على الردود وانا اعجبتني فكرة فلانه يعطيج العافيه
الله يعافيج .. نسيت اقولج ان هالفكرة مجربة
بس.. نتايجها بطيئة و يبيلها صبر طوييل
هلا كتكوتة
والله هذا المرض المستعصى اللى ماله حل
جربناه مع اخوى انا وزوجته ماكو هذا طبع
قلت حمدى ربج انه كل اللى تطلبينه منفذه لج
السكوت ولا المصايب اللى نسمعها عند الناس
اغلب الجماعه ينتمون الى بني صامت
لا تحاتي مو بس اهي كلنا في الهوا سوا
ههههههههههه انا وريلي جذي شمس وقمر ليما استسلمت للامر الواقع
واذا سولفنا للزم نتهاوش انا شخصيتي قوية واهو شخصيته اقوى
فالافضل التحدث بينا بصوره رسميه
على فكره انا احبه واهو يحبني
بس للاسف مافي توافق فكري ,,,,
انا مو متزوجة بس وحدة من رفيجاتى زوجها جذى جربت اتقلدة ومافاد صارت تتكلم بحدود مثلة على قد الكلام …..بس مانفع وامس تقولى تعبت احس انا معاه بعاد عن بعض اللى يعرف حق هالمشكلة يساعدنا والله يفتح علية من اوسع ابواب رزقة
برونززززززززززززز
صح اغلب الرياجيل صامتون – والرجل اذا شاف زوجته قرقه صدقينى بيصمت ويخليها اهى تتكلم بس عن تجربـــــــــــه ……… لازم شوى شوى تتعود تصمت بعد وماتساله ولا تعلمه بالاخبار وبهالحاله راح يستغرب ويدور الاخبار والسوالف عندهااا والله يعين الجميع
الله يعينج على هالصمت القاتل انا حاسه فيج لأن زوجي عنده بعد هالحاله وانا جربت طريقة فلانه إني اسكت وماتكلم بس مانفعت لأني بغيت امووت مو متعوده اسكت :> لازم اسولف