يا معشر المتزوجااات . الفزعه

السلام عليكم

بنات بغيت مساعدتكم لاني في حيره من أمري <<== حلوه حيره من امري
المهم بغيتكم تساعدوني بمشكله رفيجتي العويصه والي تبط الجبد وتقهر

والوحده مننا ما تبي الا الخير لرفيجتها صح ولا لا
المهم هذي المشكله ولكم التعليق
طال عمركم رفيجتي حلوووووووه مررررررررره على قولت السعودين خذ واحد سحت مرررررررررره
المهم ريلها عقله عقل مراهق ححيييل يعني طلعات مع ربعه كل من من ربعه قال بسافر السعوديه طب وياه يعني منفلت حيل اهي احملت معاي وولدت شهر عشره بالسابع من كثر ما تحتر منه ومن اهماله يعني تخيلو وحده متزوجه مصروفها خمسين دينار ولا ساعات ما يعطيها كلا يقول مديون اهو صج عليه قرض بس اهي تستغرب 450 يصرف نصها باسبوع اهو والشهاده لله لا يتعاطى ولا يشرب ولا يقامر بس اهو مهمل بس طيب وعلى نياته بس فيه العيب هذا عاد الاربعا الي طاف راح يوديها الجامعه تسجل وعقب اطلعت وياه السوق اتقضى افتحت درج السياره لقت ورقه صغيره توقعون شنو
اورقه فيها رقمه الحالي ورقمه الاولي يقول انه قطعه وكاتب اسم مو اسمه اهو اول شي كان يحاول ياخذها منها قبل لا تفتحها بس ما قدر لانه يسوق بس شافتها انصدمت واسكتت اكيد عصبت بس اسكتت اهو حس بغلطه قام يساحلها ويسايسها واهي ساكته قال لها انا اسف ادري اني غلطان بس اسكتت وما ردت عليه وصلها بيت اهلها لانه بيروح دوامه محجوز لي الاربعا الياي وطول ها الفتره يدق عليها ما ترد عليه
السالفه محد درى عنها غيري انا وياها واهي طبت مني اشوف لها حل على اساس يوم الاربعا بترد لبيتها
بنات انا خفت اهدم بيتها لان لو انا جان فجرت فيه
بس هم هذي رفيجتي وابي لها الخير وانا ما عندي خبره بالامور هذا وانتو اخبر
فبشنو تنصحوني وجزاكم الله خير

والله ما أدري شقولج يا الحلا كله … مشكله عويصه بالنسبه لرفيجتج ,,,

وماودي أفتيلج بشي أخاف !!!

بس ما عليها إلا إنها تدعي ربها إن الله يهديه ويصلحه بالثلث الأخير من الليل .

ولما تردله اتخليه يعاهدها إنه ما يرجع مره ثانيه إلى هالتفاهات إلي تخدش في مروئته أمام الله

وأمامها وأمام الآخرين … والله يعينها

وخليها تطلب منه شهريا 100 دينار مصرف بدال لا يفسفسها يمين ويسار على هالبنات الله لا يوفجهم

خربو رجلها عليها …

وبعدين لازم يصير لها يوم بالاسبوع كااااااااااااااااااااااامل تطلع معاه عشان يحن عليهم و يحس إن

عنده زوجه و عيال محتاجينه …

وآخر شي إذا ما نفع تهدده إنها تقول حق أهلها طبعا هو أكيد بستحي … وإن شاء الله بندعي لها

إن الله يسخره لها … اللهم آجرها في مصيبتها واخلف لها خيرا منها

الله يعينها

صج الرياييل هالايام ما قامو يحسون بالمسؤليه

لكن

نصيحه تحاول انها تحببه فيها اكثر

وتشوف ليش اهو يدور الخرابيط بره
ادري بتقولين رفيجتي كامله
والكامل الله

بس يمكن اهي تعايره بانها احلى منه

ووووووووووووووووووو

ترى الريال اذا لقى المدح من مرته ما يدور بره

وخليها تحسبه معركه من اجل استعاده زوجها

مو هذا جهاد المرأة في الاسلام

انا عن نفسي خليها ترجع لبيتها وتفاهم معاه وليش سوه جذي وهل فيها نقص عشان يسوي فيها جذي وتشرط عليه شروط أن يزيد مصروفها وخليها تكثر من صلاة والدعاء

سحت مره وجذي اخلاقه … هذا ما ينبلع كلش

الله يعينها ما ادري …. ما عندي حل

انا عن نفسي اذا كان جذي اصبر اشوي وارد البيت واتفاهم معاه وليش سوى جذي هل في نقص منها او شي يعني تقوله خل يكون اليوم عندنا جلسة مصارحه وتقول الي بخاطرها ويقول اهوا واذا مايقدرون بالكلاام فبالكتابه يعني من الحين تكتب له الرساله اول شي بالبسمله ثم بالكلاام الحلو ثم بالعتب واللوم ثم بالحل وتبينله ان هذا اول شي حرام ومايجوز واتبنله ان كما تدين تدان معروف هالشي سواء بعياله او باخته او اي حد من اهله وانصحها ان تكسب زوجها وتتقرب منه اكثر عشان تكون اهيا كل شي يعني تكون معاه اكثر من ربعه بس يبيله اشوية صبر ودعاء وقيام بالليل والالحاح بالدعاء ولاتقول حق احد من اهلها لان الزوجه تغفر حق زوجها اما الاهل مستحيل ينسون وراح يصغر بعيونهم والله يهديه انشاءالله ويثبته على الايمان ااااااامين واي شي تبون انا بالخدمه

الحـــلااااا كله

خليهااااااااا ترررد بيت زووووجها وبلا كلام جهااااال

المرأة الذكيه هي اللي تقدر ترد زووووجها لحضنهاااا بدووون

لاتبين له انهااا عارفه سوااالفه خليها تتوكل على الله وتسنع نفسها

واسلوبهاا وطريقة حياتها وروتينها اليومي معاه وخليها اهي تصير له

الرفيجه والزوجه والحبيبه وكل حياته وسالفة المصروووف خليها تقوله انها طيرته

من ثاني يوووم ( هديه لرفيجتها عروووس متسلفتهم من وحده وبتردهم ) اي عذر

عشان باجي الشهر اهو اللي يصرف عليها شهر على شهر راح يعرف انه لازم يمسك على ايده

من المصروووفات اللي مالها داااعي وراح يحس بالمسئووليه

قوووليلها تصبر ولاتصيررررر مطيوووووره

ولاتخلي بنات الشواااارع يفرقووون بينها وبين زوجها وابو عيالها

<<<<<<<< ارتفع ضغطي

بالتـــــــــــــوفـــيــــق

مشكوووورين يا بنات ما قصرتوووو هذا العشم فيكم
انا دقيت عليها وقعدت اقرى لها رد كل وحده فيكم وافهمت
اهي مشاء الله حكيمه وبالعكس اهي ما قصرت عنه بشي من ناحية الكشخه وكله بس الريايل على قولتهم ما يترس عينهم الا التراب

والله ما نبي الا ان ندعيلها الفقيره ان الله يعقل ريلها لها ولولدها

اذا تبين رايي لاترد يوم الاربعا

انا ما ابي اخرب بيتها

بس هالريال لازم له قرصه اذن

خلتخرعه و تسوي روحها خلاص ما راح ترد له

و اذا يحبها راح يحاول و يتاسف لما يردها بيتها

انا ما اقول تعلم اهلها

لا بالعكس لازم تسكت و تخش الموضوع

بس لازم تخرعه شويه

و تعلمه انها اذا سكتت هالمره ما راح تسكت المره اليايه

و ان اهلا راح يكونون اول ناس تعلمهم

السلام انا من راييى انها ترد بيتها لكن اذا ردت تتفاهم وياة بهدوء بدون صراخ و تقوله شروطها و ما تتنازل عن هالشروط ابد و يا ليت تقوله قصة ((دقة بدقة))
علشان يتعض

ادري الرد متأخر و السالفة خلصت و ملصت بس انا مع السفيرة عزيزة ابكل حرف ,, خليحسب لها حساب و يتـأدب شوي ,,, ما يحس ابغلاها الا لما يفقدها ,, الله وياها انشالله

حساافة طافني هالموضوع والا جان عطيتها الحل اللي يعجبها ؟؟؟؟,,

ن شاء الله خير الله يصلح الحال بينهم

هي فرصة حقها الحين تطلب منه اللي تبيه وتتفاهم معاه لان هو الحين خايف من ردة فعلها و يبي بأي طريقه يراضيها .. وتخلي الموضوع بينه وبينها لا تعلم أحد ولا تدخل أحد والله يهديهم انشالله

ترد بيتها اكيد
وتكبر عقلها
ولاا تخلي اهلها او اهله يحسون انه في شيئ بينهم
لان اليوم تردله ويتصلح ان شاء الله الي بينهم
لكن بيطيح من عين اهلها وماراح ينسون
فلازم تقعد مع نفسها شوي وتفكر شالي خلاه يسوي جذي ويدور بره
اكيد في سبب
خل تقعد معاه وتسأله شنو المطلوب منها وتقوله شنو الي تطلبه منه
والكل يرتاح
والله يهديهم ويسهل عليهم