|
اشلوونكم يالحلوين
بقولكم مشكلتي مع ريلي انا الحين صارلي من تزوجت 1ونص ريلي حبووووب وطيب بس حشر لاقصى درجة ماتوقعته جذي نهااائيا يعني تخيلوووو طلعه وروحه مع صديقاتي انساه ودي اغير جوووو اطلع وياهم مثل قبل انا ما اطلب منه انه كل يوم اطلع وياهم او كل اسبوع رااااضيه بالشهر مره وحتى اذا قتله بمرهم بيتهم او اهم اييولي بشقتي يقولي لا عندهم اخوان اشلون تروحين يعني شنو يبي ياكلوني اخوانهم ؟!!!!! واذا قتله اييونلي يقولي وانا وين اروح ؟!!!! طبع ريلي بيتوووتي ذبحني مليت 24 ساعه قاعد بالبيت تحسين بملل تبي تغيرين جووو وروتين شسوي علشان اقنعه ؟!!
يمل من ازعاجهم وشوي شوي تغير اهي مسألة وقت فقط وانتي حاولي معاه باسلوب حلو وانشالله بيوافق
بس السالفة مؤقته مو دوم مرده بيطخ ويمل اذا ما شاف منج عناد ومرادد
اما اذا عاندتبه واصريتي وكافحتي في سبيل الطلعة بيعاند زود وبيستمتع وهو يقول لج لالالالالا
فانتي قولي له اصلا انا اللي مالي خلق رفيجاتي وما احب الطلعة
حاولي تبرمجين مخه على جذي لما يقتنع خلاص
وتالي بس يضمن بيخليج براحتج
كلنا كننا جذي اول السنين
الحين تغير الوضع تماما الحمدلله
هالناحيه والله يوفقج
يبي يعلمج على طريقتة واسلوب حياتة..
نصيحة لا تعاندين معااه وتكبرين الموضوع..خليج بالمسايس أحسن ..
خل يشوفج في بعض الأحيان متمللة وانه ودج تعزمين احد عندج..او قولي انه رفيجاتي عازمين
روحهم عندي اليوم عشاان من زمان عنهم وانا ماأروح لهم,,يمكن يحس بالذنب شوي
بس الصبر مفتاح الفرج
اما طلعات الصديقات …… ما أؤيدها
دام انه زين وطيب وحنون
وين تلقين واحد بهالصفات هذي
كل عيالنا الحين بالسكيك والسفرات واللي ما يدري عن اهله واللي تقولي زوجي ما يغار علي
قضبي ارضج وديريبالج على زوجج
باجر الله لا يقول اذا صار شيء ما راح تنفعج صديقتج ولا الطلعات
ومصيرة راح يمل ويفج شويه شويه
وعساه ما يمل منج قولي آمين
صبري علية وحبيه وسوي اللي يريحة
وتعالي له بالمكر والحيله بالطلعة حتى لو معاه ميخالف
مو مشكله اتصلي على صديقاتج كلميهم بالتلفون ولا يضر قوليلهم انج مشغوله وايد بالبيت وديريبالج تقولين لهم ريلي ما يرضى ترى ما وراهم غير الكلام الفاضي وحفظي بيتج
وحطي في بالج خلاص انتي مسئوله عن بيت وزوج ولا اقولج اتسي روحج لا بالعكس ونسي روحج بطريقة تريحج وتريح زوجج ولا تسبب لكم مشاكل
واذا وحدة من صديقاتج تبي تشوفج واعديها في بيت اهلج اذا لزم الامر
حبوبه وربي يسعدج ويهنيج
والسموحة ان ضايقتج
وبعدين ترى مو ضروري تطلعين مع رفيجاتج
انا زوجي جذي و اكثر
لدرجة ان السوق ما اروح بروحي لااااازم مع امي جني ياهل
بس شسوي دام انه زين معاي و مو مقصر معاي بشي ارضى
وطبعا طلعه مه بنات سواء رفيجاتي او خواتي او بنات عمي لااااااااااء ثم لاااااااااااااء
وخلاص انا تعودت على طبعه
وكا صارلي سبع سنين و نص وماشيه الدنيا
وانا مع كلام فروحة كلامها عيييين العقل
الله يهنيج يااارب