التغذيه ثم التغذيه اولا من كل شي ♥ ‏♥ ‏قبل العرس ♥ ‏ ♥ ‏♥ ‏ ♥ ‏ ♥ ‏

كلنا عارفين ان العروس في فترة التجهيز تصاب بالارهاق والتعب وتقل شهيتها للاكل
وهالشي راح ياثر على – بشرتها وشعرها ونفسيتها

يعني اذا ما تهتمين بنفسج من الداخل ماراح تنفعج الحمامات المغربيه والتقشير ومنتجات النضاره والكريمات

قبل ما نتكلم عن التغذيه اول شي تعدلينه اهو نومج

وخري عن السهر بالمررررره
سلبيات السهر معروفه اول شي يومج كله معفوس الناس تنام انتي قاعده او انتي قاعده الناس نيام
ليلج نهار ونهارج ليل

جسمج يتعب وعيونج تذبل وتطلع لج الهالات السود دار مدارها

حتى ان كنتي من محبين السهر لا تتعدين الساعه وحده وحاولي تنامين عى الاقل 8 ساعات باليوم

ثاني شي وهو الاهم

الصلاة

حافظي على الصلاة بمواعيدها
الصلاه راح تنور ويهج وتنور ايامج وتريح بالج وتيسر امورج
راح يتنظم كل شي بحياتج لمن تصلين كل فرض بوقته

نيي الحين للتغذيه

سواء كنتي متينه او ضعيفه

في اشياء راح تتركينها
وفي اشياء لازم ما تستغنين عنها

منتجات الالبان شي اساسي
بالريوق شربي حليب واكلي اجبان وقيمر مع العسل
على الغدا بدلي البيبسي باللبن
بين الوجبات اكلي تمر مع لبنه

والتمر بحد ذاته عنصر غذائي عجيييييب وفوايده يبي لها موضوع بروحه
ما تحبين التمر بروحه اكلي المعمول

والعسل غني عن التعريف

الغدا والعشا

اول شي

انسي ارقام كنتاكي وهارديز وتكا وسبارو وبيتزا هت – واشوه مكدونالدز ما يوصلون والا جان علوووم

استبدليهم باكل البيت وخصوصا اللحوم الحمرا والبيضه
اللحوم الحمرا احنا عاده ناكلها بالكويت والخليج عن طريق المجابيس والمرق او الستيكات والحمسات ( وهي مصدر رئيسي للبروتينات والحديد)

اللحوم البيضه
الدياي ولحم والعجل والاسماك
ما تقل اهميه عن اللحوم الحمرا واخف منه على الجهاز الهضمي
خصوصا الاسماك – وايد تفيد الذاكره وتحتوى على الفسفور والاوميغا واليود
تفيد الشعر والاظافر والبشره

على فكره حتى التونه زينه ومفيده خصوصا الزيت اللي فيها لا تكبينه

الخضار والفاكهه

لا تهملينهم ولا تنسينهم
كل يوم سوي سلطه شكل علشان ما تملين
وانا من قبل نصحتكم بالجرجير عن تجربه
اذا ما تحبين تاكلينه بروحه سويه بنفس طريقه الخيار بالروب

واذا حابه تغيرين سوي شوربه خضار ( هذي طريقتها ضغطي هني )

الفواكه يوم اللي تحسين انج تبين شي حلو
استبدلي الكاكاو بتفاحه او موزه

كلش كلش سوي او طلبي لج فرووت سلد

شربي عصير فرش كل يوم

العصاير اللي انصح فيها

الرمان
الافوكادو
البرتقال
الجزر
الليمون بروحه او مع نعناع
العنب
الخوخ – المشمش
الجوافه

نيي للعيوش والمعكرونيه والحبوب

اذا انتي ضعيفه كثري منها
اذا متروسه او متينه قلليها او قطعيها

تبين تمتنين اكلي العيش مع المرق دايما والبطاط ما اوصيج فيه مقلي او مع المرق
المعكرونيه بكل انواعها مع البشمل او اسبغيتي او فيوتيشيني مع الكريمه والدياي

تبين تضعفين اكلي عيش اذا تحبينه مع الروب مفيد
معكرونيه مسلوقه او مع صلصه ما تحتوي على دهون

الخبز – الصمون والتوست والكرواسات والكيك

هذول عاد ربع السهر اسرع شي متوفر واسهل شي تسوينه
بالحالتين استبدلي الخبز الابيض بالاخبز الاسمر افيد واحسن
قللي من الكيك كثر ما تقدرين

الحين الممنوعات

الكاكاو – الحلاو – البفك – الشبس

تبين بشره خاليه من الدهون والحبوب وخري عنهم
تحسين ان ما تقدرين
اشتري لج دارك جوكليت ( اكلي قطعه وحده) عقبلها بتحسين انج اخذتي كفايتج من الحلو اللي كنتي مشتهيته

البرد وباسكن روبنز وهاجن داز

استبدليهم في بينك بيري – ما تحبينه اوكي في انواع وايده من الفروزيين يوغيرت على الاقل اسمج قاعده تاكلين روب وضيفي عليه هالشغلات اللي بالصوره

الشاي والقهوه بكل انواعها – نسكافيه ، كابتشينو ، القهوه العربيه او التركيه والفرنسيه

ادري احنا بالكويت يمعاتنا ما تخلى من مطاره الجاي والقهوه الحلو
خصوصا يوم الزواره

ميخالف خليه يوم واحد بالاسبوع اكلي قطعتين حلو وفنيالين قهوه عربيه ما تضر

مدمنه قهوه تركيه خصوصا بالدوام هذي معروفه عندنا كلنا بس حاولي قبل العرس بشهر على الاقل تتركينها وراح تقدرين بحيل الله

استبدلي الجاي العادي بالاخضر او النعناع على الاقل يوخر عنج تفاخ البطن

راح اكمل وياكم الموضوع واحط لكم اكلات تنفعكم

وارحب كالعاده بمشاركاتكم الحلوه

انا هالاياام قاعده اشرب عصير برتقال بجزر طبيعي

ووو احلى شئ هالجمله

هههههههههههههههههههه

اي والله جآن علوووم

ييسلمووو حنوووون

زينُ يسيرُ نسسهرٌ ليُ 6 الصبحُ بس
< مخربتهآأ

يؤؤ وديُ ما اسسهر بسً ما اقدرُ نوميُ اعتسفُ وعطلـةةُ وماكوُ ششغلـةة ،

وشسمه ،
فيُ اشيآءء صعبـةة اقطعهآ بسً بحآول والله يعينُ ،
حنونُ واايُ انتيُ شيُ وموآضيعج تهبلٌ نفسيُ قصديُ نفسجً
نآطرينجُ ..

و الله صاجة انا الاحظ الايام اللي اكثر بيبسي و كاكاو كل شي فيني يعتفس
ودي ابلش نظام اشرب عصاير و احلي بتمر .. الله يسهل ان شاء الله

يعطيج الف عافية حبيبتي

اقتباس:

المشاركة الأصلية كتبت بواسطة حكآية قلب فففدييييييييييتج والله انا هالاياام قاعده اشرب عصير برتقال بجزر طبيعي ووو احلى شئ هالجمله هههههههههههههههههههه اي والله جآن علوووم ييسلمووو حنوووون

الله يسلمج حبيبتي
اي والله وانا الصاجه جان سيارات ماكدونالدز بتصير السبب الاول بالزحمه بالكويت مو ناقصين
وعليج بالعافيه خوش مكس مسويه برتقال وجزر حده مفييييد

اقتباس:

المشاركة الأصلية كتبت بواسطة ●° يآإ حِ‘ـبنيً ليَ . . ! « زينُ يسيرُ نسسهرٌ ليُ 6 الصبحُ بس < مخربتهآأ يؤؤ وديُ ما اسسهر بسً ما اقدرُ نوميُ اعتسفُ وعطلـةةُ وماكوُ ششغلـةة ، وشسمه ، فيُ اشيآءء صعبـةة اقطعهآ بسً بحآول والله يعينُ ، حنونُ واايُ انتيُ شيُ وموآضيعج تهبلٌ نفسيُ قصديُ نفسجً نآطرينجُ ..

لاحتى انتي تهبلين مثلي ومثل الموضوع
كل شي بالاراده خصوصا السهر يبي له يوم تواصلين عشان يتعدل
الله يعينج

اقتباس:

المشاركة الأصلية كتبت بواسطة لآ بيرلآ واو حنآين .. حبيت الموضوع و الله صاجة انا الاحظ الايام اللي اكثر بيبسي و كاكاو كل شي فيني يعتفس ودي ابلش نظام اشرب عصاير و احلي بتمر .. الله يسهل ان شاء الله يعطيج الف عافية حبيبتي

الله يعافيج يحياتي وانا اسعدني مرورج الغالي
اذا بلشتي بس تشربين عصاير راح تتعودين عن تجربه

اقتباس:

المشاركة الأصلية كتبت بواسطة احبج يمه يعطيج العافيه انشالله اطبق

الله يعافييييج حبيبتي منوره

اقتباس:

المشاركة الأصلية كتبت بواسطة غنآآآتي موضوع روووووعه مثل صاحبته والحمدالله قطعت الكاكاويات والغازيات كلها حاليا اغلب اكلي سلطات وعصير طبيعي واشرب اعشاب دايم ما افرقها ولله الحمد جسمي تحسن حيل وبشرتي بعد اختفت الحبوب صار اكلي متوازن الحمدالله

عيونج الحلوه يا حلوه
زين تسوين ماشاء الله عليج استمري

انا بصراحه هاليومين هابه بعصير الليمون والبرتقال .اخلطهم سوا واشربهم احيانا اضيف تفاح اخضرر
روووووووووووعه
اخذتها من طريقه بنت كاتبها بهذا المنتدى جزاها الله خيررر

الشيكولاتات الحمدلله ماطيقها ولا احب اكل الحلوى نهائيااااااااااااااااااااااااا

ومشكوره وماقصرتي ياقلبي

الله يسهل الامور يارب

وياج حبيبتي تسلمين
ومكس البرتقال والليمون ممتاز
والتفاح بروحه بعد هم عجيب

يعطيج العافيه يقلبي وشكرا على الاضافه

اناا الحمدلله قبل الاكل بنص ساعه اكل عسل والحمدلله بشرتي تهبل

والعصااير ان شاء الله بكثر منهاا

شسوي؟

يارب توفقج ويسخرلج من عباده العاصيين

ويارب تيسرلج امورج كلها

وترزقني يارب بالزوج الصالح عاجلا غير اجلا

اقتباس:

المشاركة الأصلية كتبت بواسطة احسآاس عروؤوسه يسلموو حن حن اناا الحمدلله قبل الاكل بنص ساعه اكل عسل والحمدلله بشرتي تهبل والعصااير ان شاء الله بكثر منهاا

الله يسلمج حبيبتي

ماشاء الله عليج تصرف سليم
ماكو على العسل – وعسى ايامج كلها عسل

اقتباس:

المشاركة الأصلية كتبت بواسطة كتكات احمر انا عبارة عن ماكدونالدز + سهر شسوي؟

اللي تسوينه انه تنظمين نومتج وتتركين السهر علشان تقدرين تعديل عاداتج الغذائيه
ترا كثرة النوم والسهر تسد النفس عن الاكل

اقتباس:

المشاركة الأصلية كتبت بواسطة iphonelady حنون احبج في الله يارب توفقج ويسخرلج من عباده العاصيين ويارب تيسرلج امورج كلها وترزقني يارب بالزوج الصالح عاجلا غير اجلا

حبيبتي احبك الله الذي احببتني فيه
اللهم اميييين اجمعين ومشكوووووره يحياتي على هالدعوه الطيبه منج
عسى الله يزقج بكل ما تتمنين ويسر امورج كلها قولي امين