انا مهري 6 الاف ، تعالوا ساعدوني بتقسيم المهر وجذي :$

السلاااااااام

عرايس ساعدوني
انا توني مملوجه
و بعد اسبوعين بسوي حفلة الملجه
و زواجي بعد 4 شهور باذن الله

و عطوني مهر 6 الاف
مو عارفه اقسمه شلون
وعلى شنو
و شلون اخليه يكفي او لا

ف ممكن مساعدتكم
شلون اقسمه وعلى شنو

من تجاربكم

و مشكورين حبايبي مقدما
والله يوفقكم و يوفقني معاكم

حاظرين حبيبتي

بس اول علمينا بتسوين عرس او لا علشان نحسب لج تجهيزات الحفله والبدله والصالون وغيره

مبروك حبيبتي وربي يوفقج ويسعدج ..

اول شي حبوبه لازم تعرفين الاولويات ف التجهيزات .. ( الفستان ) ميزانيته 18

مثلا (( بجامات .. قمصان نوم .. ملابس داخليه .. جلابيات كشخه .. فساتين .. بناطلين وقمصان .. او اذا تحبين التنانير .. واذا تلبسين عبايه حطيها من ظمن التجهيزات ))

(( المكياج .. العطورات .. الكريمات للجسم والوجه .. الملاحف .. الاكسسوارات .. والالماسات .. الشنط .. الجواتي اكرمتو ))

..

هاي تقريبآ كل الى تحتاجينه ..

فـ انتي سوي ظروف وخلي كل 10 ف ظرف .. واكتبي فوق الظرف ان هذا مثلا للبجامات وقمصان النوم والملابس الداخليه ..

وروحي ف هاليوم وخصصي وقتج كله تتشرين فيه هذي الاغراض من غير لاتتطرقين لشي ثاني عشان تكون ميزانيتج عدله ..

وحاولي ماتكثرين ..

وبعدها يوم ثاني خلي يوم حق (( الجلابيات .. والفساتين .. والقمصان والتنانير والملابس )) هاي طبعا حطي لها تقريبا 15

وخلي 5 الف حق العبايات .. سوي بس 5 لان تروح موضتهم بسرعه

الحين انتي تقريبا صرفتي 38الف .. مع هالاغراض والفستان طبعا ..

باقيلج تقريبا 22 الف ..
مثلا خلي 2000 للعطورات والكريمات للجسم وحاولي تختارين العطر مع كريمه عشان يخفف ميزانيتج واحلى يكون .. وحق دهن العود والبخور ..

وخلي تقريبا 2000 بعد حق المكياج اخذي الاساسيات الى انتي متمكنه منهم عدل ..

الحين خلصتي 4000 باقيلج 16 الف ..
اخذي جواتي تكرمين اخذيلج شنطه جي كشخه وستايل وتكون لمتد عشان ماتخسرينها
واخذيلج من اطقم الماركات لان هاي الى في عمرنا نستهلكه اكثر اخذيلج طقم الماس او ذهب ابيض ..
ومافي اشكاليه اذا زتي انتي او هلج عليه ..

بس حبيبتي نصيحه نصيحه عن وحده مجربه الى هي انا (( انا خميت السوق خمم خسرت الدنيا والدين والله صرفت فوق 500 الف قطري واخر شي تحسفت قد شعر راسي لاني كنت اخذ من غير لااحاسب ولاانسق لعمري .. واخذ من كل شي كميه جنى الا السوق بيطير ..

ومن عرست ثاني شهر حملت وخسرت كل ملابسي .. وعورني قلبي بس الحمدلله انا من النوع الى اخذ الاشياء الغاليه الى تجيج ستاندر ماتروح موضتها ..

اتمني اني اكون ساعدتج لو لشي بسيييط ..

وربي يوفقج ويسعدج ..

وسامحيني ع الاطاله

حبيبتي انا حسبت لج بالقطري المبالغ لان تقريبا 6 الف كويتي = 70 الف قطري ..

مشكوورة حبيبتي

لا ماني مسويه عرس

بس حفله الملجه بنسويها بالبيت

مشكوووووووووووووووووووووووووووورة بعدعمري ماقصرتي
ويزاج الله الف خير و عسى الله ينولج كل ماتتمنينه يارب

اشتري بدله الملجه وحجزي الصالون

وباللي يبقى

شيلي 2000 حق الذهب والالماس والساعه

بالباقي

بدل طلعه مبدئيا تحتاجين 8 بدل
دراريع كشخه
بدل استقبال
بجامات
قمصان نوم طويله وقصيره
ملابس داخليه
جواتي + جناط

اكسسوارات بكل انواعها وتشمل اغراض الشعر من تيجان وباندات ومشوط

عطورات فرنسيه وعربيه ورشوشات وبخور وكريمات الجسم

اجهزه ( ستشوار مكينه براون مالت الشعر …..الخ )

الميك اب

حطي ميزانيه خاصه للعنايه الشخصيه ( الليزر اذا تبين + الحمامات المغربيه + تبييض الاسنان )

ومن كل نوع لا تكثرين نصيحه ترا السوق موجود
حتى عقب الزواج تقدرين تروحين باي وقت

أحس ٢٠٠٠ مراح تكفي للذهب والساعه

لبش الشقه استهلاكي يعني كثري من ١٥ الي ٢٠

القمصان لا تكثرين كافي ١٥ ونوعي بينهم بيبي دول وقصير وطويل

اذا ساكنه في بيت الحموله كثري من الدراريع اليوميه او جلابيات المصريه حلوه وناعمه للبيت

واشتري ٣ بدل استقبال و٣ دراريع كشخه

والاكسسوارات والميك اب والعطور ٦٠٠ دينار أحس يكفون ويزيدون بعد

وحطي في بالج إن السوق مراح يطير وشي مو محتاجته مولازم تشترينه

موووووفقه ،،،

–

موووفقه و ما قصرو البنات
الله يتمملج على خير يارب

البنات ماقصروا

ماششاءالله ماقصرؤ البنات,~>

عسى ربي يوفقج..~><

الله يوفقج ان شاء الله

بتوقيعي موضوع عن احتياجات العروس راح يفيدج حيييييييييييييييييييييييل

واااي حبيبتي انا نفسج جي حست اسبوع اللي طاف كانت ملجتي والحين قام احووس على عرسي شهر 9 ونفسج انا مهري 6 بس انشاالله بكفي شوفي انا شريت نفنوف الملجه حده زوووغه يهبل واايد حلو ناعم على فيه فخامه وهيبه عروس لاتاخذينع شي اوفر عشان بالعرس تطلعين طلعه خلي شغل الفخامه حق العرس احلى خلج سمبل بالملجه ومكياجي كان عند منار صالونها بشارع البلاجات قبل مجمع شيخه اسمه مع منار احلى لاتروحين منار شيك الي بمجمع شيخه لان خاايس حده ودايما الناس يتخربطون بينهم بس انا ماقتلها اني عروس قتلها ان استقبال وجي كان مكياجي واااايد ناعم وحتى المسكه حدها حدها سمبل خذيت مسكه اليسا اذا بتشوفين الصور قوليلي اراويج

وحق العرس انا قاعده احووس بس عندج رشا شيك عليها نفانيييف تينن بس بعد عندج اتيليه اسمه زوغه صاير عالبحر جدام بيتزا هت وبرقر تقريبا هذا نفانيييفه خياااااال بعد بس اسعارهم ناااار تخيلي نفنوف بس اجار حق يوم واحد تبدي اسعارهم 2500 يعني نص المهر طاار ككككك بس روحي رشا شيك تلاقين عندها نفانيف وااايد حلوه اجار لبسه اولى تقريبا ب700 و 800 عندها بهالحدود وانا اقولج لاتاخذين اكثر من جي لان حرااام مهرج يرووح على النفنوف لو انج تشترينه حلو حتى لو ب1000 تقدرين تستفيدين تاجرينه او تبيعينه بس انج تاجرينه ب 1000 وايد صراحه وانا الحين هم قام افتر احووس

وحق العرس حجزت بعد عند منار لان شغلها وايد حلو ماتهول بالوحده وبس ههههه

انا اقول خلي 4 او 3 الاف للشبكة والساعة لان هذي اللي يدووووووووم

اخذي لج طقم الماس ناعم تلبسينه في المناسبات ولل الزيارات ودبله نااعمه وساعه ماركه

وال2000 قسميها 500 قمصان نوم وملابس داخليه

300 لبس الشقة ودراريع و 200 جواتي وشناط

500 بدل زيارات واستقبال

500 مكياج وعطور وتجهيزات عنايتج صالونات وعيادات وغيره

وتقدرين تزيدين من راتبج التناتيف الثانية او تاخذينها بعد الزواج

بس اهم شي تاخذين شبكة زينه