تأيدين الملجه اللى تطول ؟ ولآ

السلام عليكم والرحمه

شحالكم حبيبآآتي , , ؟ ان شاء الله بخير
بنات انا مخطووبه ويبون يملجون علي بالصيف للعلم رآح تكون مده طوييله للعرس
تقريبا سنه او 8 – 9 شهوور ,,
الحين ابي اعرف رآيكم وشو السلبيات للعلم خطيبي هو ولد عمي وميانه معاه بس بحدود

ماحبيت اتسسرع واندم بعدين .. وبث =)

سنة او 9 شهـور مو وايد حبيبتي

بالنسبة لي ما أأيد الملجه الطويله

الله يوفقج و يتمم لج على خيـر يا رب حبـوبه

و ألـف مبـروك

^_^

الصراااحه انا مو مع اللي يطول

يعني في ناس يبالغون حيل معنا كل شي جاهز

يعني انااا ضد التطويل بالعرس

بحدود شهرين ثلاث تقدر العروس تتجهز

مووووفقه يااااقلبي

املجوا احين وخلو العرس بالصيف

على حسب ظروف العروس والمعرس بس اذا ماكو شي يمنع الزواج لااااا ضده
اعتقد سنة او 8و9 شهور موو وايد عادي فترة اعتقد حلووة حق الطرفين

حتى انا ما اايد الملجة تطووووووووووول

بس ساعات تطول غصبا عليج

مثل حالتي اضطرينا ناجل لظروف في البدايه للتاثيث والتجهيز وبعدين لحالة وفاة

فهالشي غصبا علينا

لكــــــــــــــــــــــــــــــن شيلي نفسج عنه ولا تطيحينها وياه علشان يعجل على العرس

مبروكه قلبووووو ومنه المال ومنج العيال

بالعكس آلفتره مو طويله ..
حلوه وكآفيه
وحآولي تستآنسين فيهآ ..

انا عن نفسي اؤيد آلفتره الطويله يعني إلى سنه بس ..

وموفقه

انا متزوجه وملجتي كانت سنه كامله

انا من رايي حلوه تكون شوي طويله علشان تتفاهمون وتفهمون بعض عدل

الصراحه مااشجع اللي يطولون بالملجه حلاتها 4 او 6 شهور وخلاص ويتزوجون

اكثر من سنه لا

احلى شي مابين 5- 8 شهور

موفقه

ل سنة مو طويلة بالعكس .. انا لي عرسي بيكون لنا 11 شهر ملجة

ما أؤيد اكثر من سنة

في ناس يقعدون بالسنتين والثلاث ,, هذول مطوليين ولكن سنة لا بالعكس وفي النهاية كل شي يعتمد على الظروف

الله يوفق الجميع

ومبروك مقدما

والله بالنسبة للملجة اللى تطول مو حلوة لان في اشياء تروح فرحتها وفهجتها والمشاكل تبين اكثر ولكن اهيا

من وجهه نظر الكثيرين زينة عشان كل واحد يعرف الطرف الثاني اكثر .

وفي كل الحالات اللى ربج كاتبه بيصير وصلي استخارة وربج باذنه راح يوجهج للي فيه الخير .

انا مع التطويل لان صراحة الحين صارو الرياييل يخرعون ما تعرفين لهم حلاته تطول الملجة عشان تعرفينه عدل قبل لا يطيح الفاس بالراس اشفيها خل تطول مادام ملجة وبالحلال تطلع وتروح وترد وتعرفه اكثر

مشكورين حبيباتي على ارائكم , ,

وبانتظار البآقي =)

امم انا اجوف بالعكس حلو 8 شهور . .
اكثر مب شي احس مصخت السالفه , يعني مو لهدرجه التجهيز يبيله هالكثر !
بس بعضهم يمكن ظروف بيت وهالسوالف ,
وحلو مده هالفترره عشان تتعرفين عليه عدل وعلى طبعه وماتحسين انه غريب يوم عرسج يعني ماخذه عليه اشوي . .
والله يوفقج حياتي