|
|
السلام عليكم بنات هذا اول موضوع لي بالمنتدى واتمنى انه يكون مفيد للعرايس 
اول شي افكار حق النفنوف عاد يعتمد كل وحده وذوقها وستايلها الي تحب المنفوش واييييد وفي الي تفضل الاوروبي البسيط
الحين نيي حق التسريحه نصيحه نصيحه الي تبي شكلها يكون ذرب ومو جنها يايه من الفضاء خلي تسريحتج تكون ذربه وناعمه مو تخلينهم يهولون فيج علا بونج عروس انتي عروس مو مخلوق فضائي انا عن نفسي سويت كبه وحطيت سلسله نفس مالت كيم وكل من قالي حلوه التسريحه وشكلي ماكان يخرع الحمدلله 
الحين نشوف المسكات عاد انتي ولون كوشتج او لون الحمره الي بتحطينها انا بغيت لون الورد نفس لون حمرتي بس ماقدر يسويلها ياها المصمم لان المسكه الي كنت طالبتها ماينفع معاها الا نوع ورد معين ومافي منه الوان مسكتي كانت رقم 9 بالانجليزي حلقه ونازل منها ورد تنمسك مثل الجنطه وااااايد مريحه كانت ولا اذتني بتصوير
الحين نيي حق المشكله والسبب الرئيسي في تخريع الرياييل ليلة العرس المكياج ينحط عشان يبرز جمالج مو عشان تخرعين فيه ريلج الذرابه بالالوان الهاديه مو معناته انتي عروس تحطين الوان الطيف كلها بويهج ولاتسلمين ايدج حق خبيرة التجميل وتنصدمين من النتيجه انتي اصري على رايج وطلبي الي تبينه ولا تستحين وكل وحده تحط فاونديشن نفس لونها مو وحده تحاول تسويها روحها برونز غصب ووحده تفتح عمرها غصب محد عاجبه الي عنده .gif "Eh S(10)")
نيي حق الجوتي اهم شي يكون مرررررريح ومومهم شكله لان ماراح يبين فاخذي الويدج الي يكون كعب موصل ويكون طوله مناسب حق النفنوف بحيث مايكون مقمصمل ولا يكون يمسح بالقاع انا ريلي مو وايد طويل فرق بيني وبينه 4 سانتي لبست كعب 13 سانتي وعقب مادشو الريايل انا نزلت من الكوشا عشان ادش مره ثانيه بس هالمره دشيت حافيه هههههه وكل المعازيم عقب العرس يسألوني منصدمين انتي بزفتج كنتي طويله شلون ماصرتي اطول منه ههههه 
طبعن هذا سر المهنه
وماقصرتي