|
|
مرحبا عرايس شخباركم وشلون التجهيز معاكم
عسى ربي يوفقنا كلنا ياااارب
بنات بسالكم جم دراعه لازم افصل مابين فخم وناعم واستقبال؟
والبدل شلون يكون شكلهم يعني نظام بنطلونات ولا تنورة ولا دراعه لاني مو عارفه؟؟؟؟
وبسالكم بعد اول الاسابيع لازم دراريع فخمه ولا عادي ناعمات ؟؟
اسالتي وايد ادري بس مالي غيركم فيدوني عسى ربي يوفقكم
اي نسيت انا عرسي بنهاية الشتا يعني اخر شهر واحد افصل دراريع شتويه ولا لا؟؟؟؟؟؟
ويييينكم بنات
يـآ ليت آحد يجـآوب .. اللي عندهم خبره تكفون آنقذونـآ حدنـآ متوهقين
هاي حبيبتي هذا رابط لموضوع عجيب
فيه استايلات للبدل اخذي منهم افكار
واذا رحتي تشترين حاولي تقلدينهم
هم فيه موديلات للدراريع ان شالله يفيدج
اب
اب
احنا الدراريع لازم تكون ستيرة لأن بتنزلين عندهم ولازم لابسة ملفع اذا بس بتقعدين مع ام ريلج
اما اذا حفلة او عزيمة، عادي نظام بنطلونات وتفلين شعرج. انا عن نفسي فصلت دراريع طويلة وجم وحدة قصيرة لبيت اهلي
وبدل الاستقبال عموما كلهم طوال وستيرين لأن بنزل فيهم خلال اول اسبوع باذن الله واظن 5 الى 7 فخمين حيل كافي
اما الدراريع طلعي ابداعج فيهم، انا فصل وايد مااشاءالله وحطيت جم وحدة بقسم تجهيز العرايس اما الباجي ما اقدر احطهم على المنتدى لأن عندي معارف هني
والبدلات انا مستحيييييييييل بنطول وجذي بره الشقه لوووول لانه زوجي بدوي فمستحيل البس جذي الا بالشقه اطلع ابداعي بس بره كله نفانيف الطوال اللي على قطن وستان ومشير وفوقهم عبايه مفتوحه او بدلات تنانير فوقهم عبايه مفتوحه
والباجي كله تفصااال عبايات كتف وراس
^
^
اما اذا انتي حضريه وزووجج حضري وعادي عنده تلبسين بدلات بره خلاص نوعي مابين بنطولات وتنانير والقطعه اللي لي تحت الركب اللي ام خمسه يجنووون
والدراريع اذا سفور فصلي مابين اللي لي تحت الركب والطوال يعني نوعي واذا متحجبه كله طوال اذا ببيت حمولتج اما اذا بتطلعين بره لا نصيحه لا تكثرين دراعات بالكثير 7 وكافي
والله يوفقج يارب ويتمم عليج
اكثر شي سوي دراعه نظام فستان حييل راقي لعروس
والبنطرونات والتنانير لاتكثرين
امممم تقريبا ١٥ وحده راقياات
و٥ ناعمات لغدا / صبح
بالتوفييق
فصلوا نفانيف انا جذي لبسي كله نفانيف حفر واركب تونزات عليهم
تقريبا كل نفانيفي قصه تحت الصدر وشريطه او حزام او سير ومن تحت واسع لانهم طبعا البسهم
اذا نزلت تحت من تحت اخليه واسع عشان مايطله البلاوي او يبين الملابس الداخليه
اما للزوارات والعزايم بدل كشخه ومرتبه بديات مع تونزات مع الاكسسوارات والقلايد او بروشات
او نفانيف طويله مع بناطيل عادي اذا بس حريم قاعدين بس اانا مالبس جدام حمواني استحي
مع ان الباقيين يلبسون عادي
او للزوارات والعزايم فصلي دراعه نظام بدله مثل سوالف المشاغل عرفتي؟!
توكم صغار لاحقين عالدراريع يباااا
اهو يعتمد على حسب نوع حمولتج