شوفو بسبب قيام الليل شنو صارلي !!!!!!!!!!!!!!

ماراح اطول عليكم

بس ابي اقولكم شي واحد

لو مهما ضاقت عليكم الدنيا من كل صوووووووووووووووووووووووب

و كل شي تسكر بويهكم و مافي مجال تتنفسون من الضيقه و الخنقه اللي انتو فيها

انصحكم بقيام الليل

لما اخصص موضوع معين عن شي معين عرفوا ان ما اقوله الا من تجربه و حبي لكم اتمنالكم الخير وانا ماعرفكم

بس ادري اللي تدور على مواضيع جذي اكيد تكون محتاجه احد يجدد الامل فيها

طبعا املنا بالله كبير الحمد لله

بس الانسان دايما يحتاج ان احد يذكره بشغلات و يشجعه

والله ما اقول شي الا عن تجربه و ما اقوله مجرد حجي ينقال و ينعاد لانه ادري يا كثر الحجي اللي ينقال و ينعاد ليما الناس ملو منه و ما قام يأثر فيهم

بس لما اكتب شي وانا اكون توني طالعه من مشكله و هم ما يعلم في الا الله

وايي اقولكم عن الدوا اللي استخدمته

بقولكم دواي كان قيام الليل

عندج مشكله ؟ ضيقه؟ هم ؟ مهما كان الشي كبير

لو ثقتج في الله كبيره

و عارفه انه دواج شي واحد بعد الثقه بقدرة الله

قومي الليل و قولي Cherrrry ما قالت

على فكره انا كنت تعبانه و استغفر الله ساعات حتى صلاتي كنت اصليها وانا قاعده لانه تيلي دوخه و ما اقدر اصلي وانا واقفه

و كنت بسوي عمليه

و ماتدرون شنو النفسيه صار فيها

انا يقزوني ابره احس بيوقف قلبي من اسمها هالمره عمليه

تخيلو وضعي ..

بهالفتره كنت اقيم الليل بثلاث ركعات بس

و احاول كثر ما اقدر اني ما اركز عالعوار كثر ما اركز على الصلاة والدعاء

والحمد لله

الله ما خيب ضني لاني كنت واثقه انه شي زين راح يصيرلي مهما زادت ضيقتي و مهما تسكرت الاشياء

وهذا اختبار

و بس نجحت في قلت اشجعكم على قيام الليل

وهذي الطريقه لقيام الليل

https://q8yat.net/showthread.php?t=61536

ملاحظه: اللي ماتقدر تصلي متأخر عندها مجال اي وقت من بعد صلاة العشا لي قبل اذان الفير .. يعني كل وحده تقدر ان شاء الله و ما يحتاج تسهرين اذا ماكنتي قادره و وراج دوام او دراسه

ياليت كل وحده تقرا الموضوع ترفعه

وايد بنات يحتاجون احد يشجعهم و يذكرهم بمواقف و شغلات و يمكن لما ترفعين الموضوع بكلمه حلوه ولا حتى ابتسامه الله يجازيج بالخير على ان عطيتي مجال وحده غيرج تشوفه و تستفيد منه خصوصا لو طبقة هالشي و حافظة على قيام الليل

لا تنسوني بالدعاء