صالونات الرقعي

هاي بنات انا ما اعرف صالون صح وشغل اوكيه بالرقعي واللي يعافيكم ساعدوني ابي حق عرس خالتي ومدري وين اروح وفي وايد الصالونات حلوه بس بعيده والسايق يروح يضيع الصالون وتوهق وبعدين ماينفع الصراخ بليز ساعدوني ابي شغل صح وبامانه الله يوفقكم

انتي تبين صالون برقعي حلو وحق عراايس ..؟
عندج صالون لمسة فن عالمي بصراحه حق العرايس وحده من جماعتنا مسويه عندهم بصراحه طلعت روعه ..

عندج لمسة فن اللي بالرقعي بس اما صالونات الباقيه عادي ويمكن البنات يفيدونج ..

وتقبلي مروري ..

حياتي مشكوره وايد بس سوال تعرفين اسعارهم وكم عندهم الشعر والمكياج شنو احسن لمسته فن القديم ولا الجديد

تري لمسة فن كريمكهم مو حلو انا ما نصحج بصالونات الرقعي اغلبهم مو شي

الرقعي كلهم خبه ودفاشه

وتحسين ان الكريمات عندهم تلطخ بتلطخ

يعني تطلعين جنج حاطه جبس ع ويهج

روحي صالونات الشعب او الجابريه ذرابه وشغلهم صج لايعلى عليه

هلا يالغاليه
تبين نصيحتي انا عن نفسي والله ما أروح الا لصالون لمسة فن وتسويلي ايملي بصراحة روعة كريمهم والله ما يتغير لي نهاية العرس
والرسمه تجمل الوحدة مو تجكرها وحسب الي تبين ناعم بارز تسويلج تهتم برايج وتفهمج على طول
والحين ايملي راحت عند فرعهم الي في الموفمبيك
حساهم مية بس تدفعينها وترتاحييييييين يهتمون فيج مع تركيب اظافر من ضمن الميه وهذا غير الخدمة الفي اي بي
مو زحمه وهواش ونرفزه مثل اقي الصوالين الي قبل ما اطلع منها الا ومتنرفزة ومتاخرة

انا جربت بعرس اخو رفيجتى كريمه ثابت حيل حلو مو الابيض جنه قناع ……وسويت عند ايميلي رووووووعه الاقل مدحنى وسال عنى ماشاء الله …..

نسيت صالون لمسة فن ,,,,,,,,,وانتى روحي وشوفي البنات اشكثر عنده ومنها تحكمين علي مكياجهم

لمسه فن الصراحه لا يعلى عليه من ناحيه المكياج عجييب بس التسريحه تجي تحط ع راسج بفه شكبرها والله من كبرها راسج يثبت ما يتحرك ~> كانت تعاني لووووووول

المركز الايطالي حلوة تساريحهم بس ماجربت مكياجهم كنت اسوي تسريحه واطلع للبيت انا احط مكياجي

لمسه فن احسن صالون بالرقعي جربته حق الحف والبدكير والمينيكير
واذا بتشوفين مكياجهم روحي بالويك اند شوفي البنات اللي حاطين

للرفع

احسن شئ بالرقعي لمسة فن
فندق سفير الرقعي

عندج صالون ذكري الايام

وعندج صالون اصاله

ولمسه الفن

هذولي كلهم مجربتهم حبوبه

علي حسب طلبج روحي وشوفي شغلهم