|
|
السلام عليكم 
خواتي ابي مساعدتكم أنا زواجي بعد جم شهر ...gif "Eh S(2)")
.gif "Eh S(22)")
ومحتاجه تجهيزالعروس من الألف الى الياء مابي أخذ شي أندم أو أتحسف عليه بعدين….الله يوفق ويرزق كل من ترد علي ويفتح لها باب الرزق والسعاده بحياتها ويخليلها غاليها ياااااااارب..
اووووول وحده ارررررد 
حبيبتي في موضوع قديم بهالقسم يمكن بيفيدج ,,ّ
اللحين احط لج الرابط
بس اهم شي خلصي الاساسيات
بدلة العرس وطقم الالماس وجم طقم ذهب وجم ساعه
وعقب ابدي بالبجايم وشغل البيت كله من لبس وقمصاان وغيره
وعقب ابدي بالدراريع اذا انتي راعية دراريع والبدل وبدل الاستقبال وبدل الطلعه مع زوووجج
الشنط والشوزات
واكسسوارات الشعر
وشوي شوي تلقين نفسج خلصتي ان شاء الله
وموووفقه ياارب
بس ماشاللله البنات ماقصرو في وايد مواضيع قديمه لهالسوالف
بس شوفي اللي اعرفه ان تخلصين الأساسيات من نفنوف العرس والجوتي تكرمين والطقم و ساعات مثل ماقالت البنت اللي قبلي الله يجزاها خير
والباقي عادي سهالات انشالله
انتي بس كتبي كل الأشياء اللي محتاجتها بورقه عشان ماتنسين شي
وحطي اشياء كتبي لسته للاشياء لضروريه والثانويه
لان حرام مع الحوسه والتوتر خوفج تقطين فلوسج على اشياء تافهه وتنسين الأشياء المهمه
ماعلينا المهم انا بكتب لج اشياء وانتي حاولي تسجلين مني او من البنات
عندج
لبس البيت من بنطرونات وتي شيرتات
بجامات، اخذي اشياء ملونه حلوه يعني قولي 8 بجايم ونوعي اخذي شي بنطلون طويل واشياء قصيره، وعندج بعد اخذي بجامتين او ثلالث للدوره الشهريه، اكيد عرفتي شقصد الثقال اللي يدفون
قمصان نوم ( نصيحه نوعي بس بالمعقول) يعني اخذيلج قميص حق أول ليله وطبعن يكون غالي ومرتب ولونه أبيض او اوف وايت ويفضل ان يكون طويل ومعاي روب القميص يعني من هالحركات ، وفي وايد محلات تلقينه عند الطهر أنور وفيه بالمهلب فوق مااذكر شسمه
،
واخذي مثلن قميصن طوال، وقصار اخذي مثلا 6 وبيبي دول 4 وهالسوالف لوووول ماعرف يعني المعنى أن نوعي شوي
وطبعن كثري ملابس اخليه( ستيانات وسليبات) وشلحات اذا تحبين
ونصيحه لاتكثرين قمصان يعني حرام تقطين كل فلوسج على قمصان وهالسوالف، لان السوق ماراح يطير،ماردج بتروحين تتسوقين وتشترين واشياء يديده راح تنزل ومشترى العافيه يارب،
وامممممممممممممممممممممم
عطوارت عاد كل واحد وذوقه، بس افضل انج تاخذين 4 عطورات فرنسيه، ولاتطوفين شوبارد اللي على جوهره هذا مصيبه للعروس، يعني اخذي 4 عطورت فرنسيه و2 منهم اخذيهم ست كامل، واخذي بعد عطرين او ثلات عطورات عربيه واخذي بخور سنع يبيض الويه
واخذي مخمريه،،،،،،،،،،،، اي ونسيت اخذي عطر مال الشعر مثل مال كوكو شاميل بس للشعر أو الور تلقينهم بدبنهامز
وبعد لاتنسين المكياج،
اخذي اللي متعوده عليه ولاتجربين يعني اخذي كريمين اساس، واحد ثقيل للحفلات واليمعات واحد خفيف للطلعات اليوميه،
ومسكرتين لوول انا غرامي المسكرات، وبودره مضغوطه ولوس باورد اذا تحبين، واخذي حمر وقلوسات
وبلشر واحد فيه لمعه واحد طافي باللون اللي تحبين
وكحل اسود وازرق وابيض
اممممممممممم
واخذي اضاءه تحت الحاجب
وتاتو حواجب من ميك اب فور افر او من بودي شوب
واشتري باليه شدو كبير راح ينفعج او اكثر اذا تحبين
وشدوات صغار او بيجمنتج بالوان اساسيه يعني 3 او اربع
وفرش مكياج اذا تعرفين للمكياج ، بس لاتكثرين لانهم غالين لوول بس احسن شي فرش ماك التوب،،، وعندج ميك اب فور افر وبعد بودي شوب،
واخذي جناطن اخذي 3 جناط ماركه مو تقليد! وحلو اذا لقيتي طقم جوتي مع جنطه، واحد او اثنين
ولاتنسين تشترين لج ملافع يدد، لفات حلوه مرتبه
واذا تلبسين عبي، اشتري لج ثنتين كشخه وفيهم شغل،
و2 حق الطلعات العاديه والمستوصف او الجمعيه خخخخخخخخخ
واممممممممممم
ودراريع كشخه حق الحموله والرزه اخذي دراريع عمليه، ياتفصال او جاهزه
اشتري تكرمين جواتي واخذي الوان اساسيه يعني اسود ابيض بني بيج جذي واذا تبين تزيدين زيدي
خخخخخخ هالخبره كله من بنت خالتي لما ملجت خذتني معاها افتريت معاها كل مكان وكتبت لها لسته واشتريت لها كل شي،
وانا اخذت حبره لوول ، بس لانها تحب ذوقي باللبس والمكياج ، واهي اكبر وحده مثلي خخخ
وعندج بعد اكسسوارات للشقه
واكسسوارات للطلعه
وكريمات ولوشنات من بودي شوب وزهور الريف وبينيفت
وشباصات خخخخخخخخ
ومادري والله هذا اللي طلع معاي
اتمنى انج استفدتي من معلوماتي ويارب يسهل عليج امورج يالغاليه وتخلصين جهازج بدون تعب
اب
و عرسها شهر 5 و مو عارفين متى نبدي
و انا من زمان مزوجه من 8 سنين و ناسيه
أب لعيونج