طقم اكسسوار البسه حق عرس اختي ؟؟؟؟؟؟

السلام عليكم

شلونكم بنات

بنات الله يخليكم ساعدوني عرس اختي مابقى عليه شي

بغيت طقم البسه حق العرس مو ذهب ولا الماس اكسسوار يعني

رحت مجوهرات الفراوله اللي في مجمع زهره الصراحه اسعارهم نار يعني طقم ترجيه مع عقد يطلع ب 400 دينار ؟؟؟؟؟؟؟

شدعوه !!!!! اقصاه اكسسوار لاهو ذهب ولا شي

اذا عندكم محل عنده اشياء حلوه

بلييييييز ساعدوني

و مشكورين مقدما

والله ماعندي فكره ان شاءالله البنات يساعدونج

وحدانيه 22 …….. مشكوره حبيبتي على ردج

وين البنات باجي البنات محد عنده فكره ؟؟

:d:d:d

هلا حبيبتي … نصيييحه روحي لمحل اسمه سيلفراما يم محل داماس بالافنيوز ,,,, قبال بوتس اللي عند كارفور .. انا متأكده راح يعجبج عنده اطقم وعقد رووووعه ومو غاليه حييل وفوق هذا فضة اصليه وماركة ايطالية ودقة المااس وعليها كفاله سنة من 200 وتحت في ب 100 وفي ارخص بعد .. يعني كل ماصار الطقم ناعم صار ارخص ..ولاتنسين تدعيلي ياحلوووه ^_*

تيوليب ……… مشكوره حبيبتي ماقصرتي والله يوفقج انشاءالله وين مارحتي

بنات بعد منو عندها محل ؟؟؟؟؟؟ انا قلت احطهم بلسته واروح السوق واشوف اي محل يعجبني شغله

والله انا اشتري العاديات

الطقم الرخيص مثل الاصلي وحد داااري ولمعته تبرق خخخخ..لانها مناسبه وحده جم ساعه وقاطتهم

بالتوفيق..

حبيبتي روحي توب شيك اللي بالمهلب تحت

تلقينه كشك تحت الدري على جنب

تشكيلته غير وماتححصلينها عند اي احد ثاني ..

واسعاره حلوه حييل
انا خذيت منه طقمي حق عرس اختي ..
كان سعره 65 دينار بس .. خذيت لون سلفر

والكل عباله اني ذهب و الماس ..

وحيل تشكيلته نااعمه وبسييطه جدا

اقتباس:

المشاركة الأصلية كتبت بواسطة تيوليب هلا حبيبتي … نصيييحه روحي لمحل اسمه سيلفراما يم محل داماس بالافنيوز ,,,, قبال بوتس اللي عند كارفور .. انا متأكده راح يعجبج عنده اطقم وعقد رووووعه ومو غاليه حييل وفوق هذا فضة اصليه وماركة ايطالية ودقة المااس وعليها كفاله سنة من 200 وتحت في ب 100 وفي ارخص بعد .. يعني كل ماصار الطقم ناعم صار ارخص ..ولاتنسين تدعيلي ياحلوووه ^_*

حبيت اضيف لردج حبيبتي واقولج معلومه والله والله والله اني رحت له مره وكنت توني راده من لبنان وشريت من هناك طقم ب50 دينار والله ان نفسه وانا الفرق بينه وبين المعروض ان الفصوص زمرد وياقوت وزفير وهو بس ياقوت اللي عارضه عنده ب150 حتى ضحكت قالي شفيك قلبت له والله ماخذه نفسه بس ارخص ثلث السعر قالي مستحيل قلت له من لبنان قالي اي هيك احدي هناك ارخص والاجارات تختلف والتكلفه غير علشان جذي اممممممممممم طاح من عيني بصراحه وهو اعترف لان بالعقل اجار محله بالافنيوز نفس اجار محل بالفروانيه ؟؟ هذا غير الخلو اللي دافعه

وازيدج من الشعر بيت رحت المباركيه لقيت نفس الاطقم اللي عنده واحلى وارخص عندج المباركيه محلات تشيب الراس اللي ورا سوق البشوت اشهر واحد ملك الفضه عنده يمكن 11 فرع بالمباركيه لوووووووول طبي وتخيري صج فيه عنده فرع دفش وفرع ناعم وفرع نص ونص وفرع اساور وفرع اطقم راح تنهبلين وفيه محلات تجيبين له اي صوره طقم من النت او مجله يسووي لج كوبي منه وبعد اي ساعه تبينها يسوييها ويحط لج فيها فصوص الماس

وسلامج اتمنى وفيت وكفيت وسامحيني اذا قصرت

اقتباس:

المشاركة الأصلية كتبت بواسطة ”chocolate تيوليب ……… مشكوره حبيبتي ماقصرتي والله يوفقج انشاءالله وين مارحتي بنات بعد منو عندها محل ؟؟؟؟؟؟ انا قلت احطهم بلسته واروح السوق واشوف اي محل يعجبني شغله

فيه بعد المعارض عندهم شغل نواعم اذا تحبين فيه معرض الهلتون ومعرض ارض المعارض وشغلهم فضه

اب لعيونج

up
up
up

للرفع

روحي المباركيه فضه اغلى شي 200

حبيبتي الفراولة صج غالي بس راااااقي

لاتاخذين طقم كامل

اخذي تراجي كبار + خاتم + بروش

او

تراجي + قلب

او

تراجي + اسوارة كبيرة

وهم silverama حلو بالافنيوز نفس ماقالوا لابنات وهم فيه بالمطار

ليش ما تاخذين من شوارفسكي اطقمهم رووووووعه او برقتها اتينن ويمكن تحصلين على 200 اخذيلج واحد ناعم قلب او ترجيه بس ماله داعي اسوار او خاتم ليش الخبه الطقم احلى شي يكون تراجي والقلب اهم شي والي يبين

شوارافسكي وبس ..

روعة .. شكلهم وجودتهم ..

ربي يوفق اختج :**