|
|
السلام عليكم
بنات أنا بدويه وزوجي حضري وتعرفون عاداتنا غير عنكم باللبس وبأشياء ثانيه
وانا محتاره باللبس اللي يقول لاتلبسين دراريع واللي يقول لبسي وقت الغدا وحتى بالزواره ما أدري شنو ألبس وما أعرف شي ماعندي خوات أنا وحيدة أمي والله يوفق إللي تعلمني شسوي واللبس الكشخه من بدل وهالسوالف وملافع ملونه من وين آخذهم والله حتى تايهه وعرسي بقى عليه شي عرسي أول شهر 1والله نفسيتي تعبانه حييييييييل وما أعرف شسوي ساعدوني الله يوفقكم إن شاء الله
الله يوفقج 
والله شنو تلبسين بالضبط مادري لاني مو متزوجه لووول انشالله البنات يقولونلج
بس اهم بيتهم فيه شباب ولا انتي وخالتج ؟
في حضر زوارتهم مو خلط يعني بتلبسين على راحتج بس مادري عن نظام حمولتج مري بيت ديفا وهالسوالف عندهم قمصان ونفانيف حلوه وهم في عندج مشغل زوغه اهو اللي تلبس منهم ناديه صقر بشارع البلاجات عندها شغلات ذرربه تصلح لاول ايام العرس وهم يمدحون هيام دشتي 66272886 وفي وحده بنت الصراف رقمها عند اختي بس تلقينه بالمنتدى
وهذي تيري تنزل ابين ديفا عندها قمصان ذربين 99127110
توقعي كل زواره في ناس بيباركولج .. ف طلعي باحسن صوره (لبسي بدلات راقيه حيل )
الايام الثانيه (اذا انتي تتغدين معاهم كل يوم )
اشتري دراريع عاديه مو وايد شك و خرابيط لا تكون ناعمه او ترينينقات بس محتشمه او بينجابيات حلوه و ناعمه نوعي كل يوم لبسي شي ..
اذا ماكو الا انتي و خالتج و عمج و زوجج عادي نزلي تغدي بجيبنز و بدي حلو و يكون محتشم (جدام عمج)
يعني خليج سمبل و بنفس الوقت شيك
انا حضريه و ساكنه عند حمولتي ..
بس انصحج (( مو كل يوم تتغدين عندهم )) عتدي نزلي سلمي قعدي معاهم شوي .. بس لا تصيرين وااااايد .. لان ممكن بياخذون راحتهم او شي من هالنوع ..
ارجع على موضوع الزواره (انتي عروس و اول جم شهر بتكون العين عليج) تعبي على البدلات الراقيه ما اقصد بدلات سهره ..
لا يعني توب و بنطرون بس اذا لبستيهم تحسبن راقين .. تنوره قصيره و توب .. نفنوف قصير ناعم ..
ميك اب (بس مو اوفر) لان ترى الحضر ما يحبون الميك اب الاوفر ( نحب الطبيعه)
سوي شعرج بالصالون ناعم .. مو تسريحه و خبه ..
بعدين بتتعودين و بيصير الوضع عادي
بتمر الزواره و بتلبسين اشياءاتج الحلوه الراقيه اللي متعوده عليها و جينزات و اشياء هذا بعد مرور سنه ..
اما اذا قالولج في ناس بييونا عاد اختبي بس مو اوفر
هالله هالله بجم جنطه حلوه و جم جوتس راقي
و عرسج بيكون شتا و لبس الشتا زووووغه و حده شييييييك
بلوفرات . فوريرات . الخ ..
بالنسبه للشيلات : اذا انتي لابسه دراعه و بتتغطين عن حموانج لازم الشيله تكون نفس لوم الدراعه او باحد درجاتها تحصلين شيلات ملونه (نوران)، (ماي فير ليدي)
اما الشيلات اللي بتطلعين فيهم : ارقى انهم يكونون (اسود,بيج,رمادي,بني,ابيض,اوف وايت) و هالالوان اخذيهم ماركات لانج بتلبسينهم بالطلعه و مع زوجج يعني تعبي عليهم اخذي شي فيه شوارفسكي وايد (عروس) حلو عليج اخذي شي ناعم يعني من كل لون اخذي نوعين شي بشوار فسكي و شي بدون
انا شيلات الطلعه اخذهم ماركات من فولار (غاليين بس رزه)
اي شي تبينه انا بالخدمه حبيبتي
تراجي و خاتم اهم شي على كل دراعه راقيه اخذي نفس اللون ..
بالمهلب تحت كشك عجيب حده راقي و كل اللي يشترون منه راقيين
اذا زواره و لابسه بدله رسميه حاولي تلبسين شبكتج الصغيره او طقم الماس جذي .. يعني مو اكسسوار
اما اذا دراعه لبسي معاها اكسسوار على لونها
درارييع : روحي حق بلقيس بمجمع الاوقاف حدها واااااو ..
روحي حق المهلب فوق في محل روعه بس ناسيه اسمه ..
ياي الشتا كثر من النفانيف القصار مع جيجي دانتيل لانه موضه ..
شوفي الدراريع الناعمة إللي تكون بنطرون أو نفس موديلات إللي يلبسونهم الذيعات برمضان وهالسوالف
وبعد جم اسبوع شوفي البدلات الراقية إللي تكون ناعمة بس كشخة وبنفس الوقت إخذي الناعمة وكشخيها وطلعيها بالإكسسوارات
الصراحة ماأدري ، الله يعينج ،
بس لاترتبكين شوفي ستايلج إنتي مالج شغل بحضر ولا بدو
بالعكس إنتي راح تعطينهم نظرة إن البدوية مثلا ستايلها غير
وكيفج ياعسل
والله يوفقج
اول الايام بالنسبة حق نزلتج إذا بغيتي تتغدين لبسي دراريع ناعمة وكشخة بس مو ثقيله وبعدين لما تاخذين عليهم لبسي ترينينغ سوتات وشوفي شلون ستايل خواته شنو يلبسون وحاولي تكونين مثلهم بس على اكشخ لانج عروس
وسلامتج
والله يوفقج
بس وين أماكن البدل الذربه للزواره لأنه بنات خالاته وايد ويبون يشوفوني أنا أحب أكشخ بس ما أعرف لأني عروس فلازم يكون لبسي أكشخ ورسمي وما أعرف وين ينباع هااللبس وما أبي غالي مشكورين
واذا عالبدل عندج انوتا بدلهم رووعه من قلب
واهوا بشرق واسعاره زينه لا غاليه حيل ولا رخيصه
واذا تبين لبس حق الغدا كل يوم
اشتري النفانيف الطوال اللي هبو فيهم مع جاكيتات التونز بيكون شكلج ذرب وهالنفانيف تلقينهم بكل مكان حتى بستي سنتر
واذا تبين شي ثاني
حاضرين للطيبين :* :*
أهم شي الثقة بالنفس مهما كانت الظروف و المواقف
الله يوفقج حبيبتى
>>>