ياليتني كنت مسويه هالشي من زمان :(

السلام عليكم
,
,
,دشي حياااااااااج

,
,
,
شلونكم عرايسنا؟ وشلون التجهيز انشاء الله كل شي تمام؟

البنت بمجرد ماتملج مايبقى مكان ماتروح له تلاقونها مابين سوق وعيادة ليزر وصالون ويمكن نادي
غير تجهيز الحفله والاستقبالات واللي يباركون والحجوزات والورد وفوق هذا العريس ناطرها عند الباب يبي يتمشى معاها
ويجهزون عش الزوجيه وكل هذا بظرف شهرين ثلاث مسكينه وين يمديها
وساعتها اكيد كل عروس بتقول ياليتني كنت سويت وزهبت هذاك الشي ايام ماكنت فاضيه وفبيت اهلي

سؤالي شنو اهو الشي اللي تمنيتي انج سويتيه قبل الملجه وايام فضاوتج ؟
اتمنى عرايسنا الحلوات يفيدونا بتجربتهم

موضوع رهييييييب ..

الصرااحه إلي تمنيت أسويه قبل الملجه هو الليزر

على الاقل مسويه كل الجلسات ومافيني ولا شعره أو على الاقل خفيف

آنا الحين مبتلشه وآحسب كم جلسه باقيلي وآحس انهم شوي وقالت لي الشعر بيكون خفيف يعني ينشال بالحلاوه بسرعه وبدون ألم .. يالله الحمدالله على كل حااااااااااااااال ..

ياعزوبيااااات إلي تفكر تسوي ليزر سويه الحين وبدون تردد لآنج عقب بتنشغليييين وبتقعدين على أعصااااااابج .. وطبعاا الجلساات طووويله ووووووبس

اب اب اب

انا عرسى بعد شهرين بس اقولكم بنات الشى هذا وااااايد مهم وما يجى على بالكم ، راح اسوى ان شاء الله ديتوكس "غسيل معده " هههههههه
تعرفون شنو فوايده اول شى انه طبعا بينظف معدتك من كل شى وراح ينعكس هذا على صفاء البشره وراح ينور وجهك وتختفى الحبوب
واذا عندك رائحه خايسه بالفم راح تختفى غير انه يخلصك من السموم المتراكمه بالأمعاء وصدقونى فى فرق وتسوى وهى موضوع سهل واااايد يسونه فى كل المستشفيات ،انا بسويه فى بانكوك وايد انضف وارخص

انتي الرهيبه ياشوشا الله يوفقج بزواجج
ومشكورة على نصيحتج بخصوص الليز وصج انا خاطري اسوي
بس ديري بالج تشيلين شيرة اذا انتي مسويه ليزر لاني سمعت انه يرد يقوي بصيلة الشعر

الليزررررررررررررررررررررررررررر للأسف لو أدري جان مسويته قبل سنه

فتاة المجرة الله يرفع قدر بالدنيا والاخرة
نور فاشن صج نصيحتج حلوة بس مافهمت شلون طريقتها ياليت تشرحين اهي مثل عمليه؟ وتعرفين احد سواها؟انا سامعه بغسيل القولون بس اخاف من هالسوالف,,, ولاتنسين تعزمينا عالعرس

مشكووورة عالنصيحه يللا بنات هجوم عالعيادات الليزر

اني اخشلي من دزتي مبلغ لاني استحي اطلب باول الايام فكنت بوضع محرج

انا سويت مره وحده ليزر ومفكره اخلي الليزر واتم ع الشيره ؟؟
شرايكم احس في اماكن طلع فيها شعر قبل ماكانت موجوده؟

اكيييييييييد الليزر

والعنايه بالجسم وخصوصا السواد بالركب والاكواع

الحمدلله السي إلي كنت راح أتحسف عليه على طول سويته
( الكرياتين ) الباحه ولستشوار إقطعون الشعر
أنصحكم إتسوون كرياتين الحمدلله شعري ماقام إطيح وكله لمعه وما أستشور
سويته عند وحده كويتيه تيي البيت شغلهااااا صج روعه وكافي بنت ديرتج ماتجذب عليج
رقمها 97797825
مشكورين على الموضوع

اب اب
مو متزوجة بس بسمع نصايحكم يلا يا متزوجات

بنات جد اليزر للجسم مهم حيل ياريتني كنت مسوية أحسن وايد من ألحين أو حتى فترة الملجة مايمدي الوقت
الرياضة والأهتمام بالجسم مهم جداا والبشرة وشكلي بسمع نصيحتج يا Nour_Fashion, بسوي ديتوكس عند مستشفى خاص

ماشاء الله بوتيك فكرتج روعه ولا يت على بالي فعلا المفروض نخش لنا بيزات مو نصرف كل شي ونتوهق لاسمح الله صار ضرف مشكورة حبيبتي